يا ( غانم ) أشتر من جديد المواطيـر = ( شاص ٍ ) على كيف الغريب الخــلاوي

[معلومات العضو ولد زايد وسيع البنايد]

بسم الله الرحمن الرحيم

السلام عليكم ورحمة الله وبركاته

ـــــــــــــ

تلبية لـطلب ابن العم الغالي / ابو سليط .

نقلت لكم هذه القصيد لـ الشاعر / خالد بن مدعث بن نفل الخرفاني الدوسري .

السالفه ومافيها أن خالد بن مدعث له أخو أسمه غانم ,

فـ أستشار غانم اخوه خالد وش يشتري موتر ؟

قال له خالد : اصبر يوم وأنا اعلمك .




فقال هذه القصيدة :

يا ( غانم ) أشتر من جديد المواطيـر = ( شاص ٍ ) على كيف الغريب الخــلاوي
لونه مع الأصباح كنه نحر طيـر = ولونه مع أتلى الليل نجــم سمـاوي
خطه مع الجنبين ياهيه ما غيــر = شفة هنوف من سقا التــوت راوي !!
أليا مشى كنه ولـد شيخ ٍ امغيــر = مصطور صفقه صفق سيل النحـاوي
ولافز تسمع له مع القاع تصفيــر = صرّ السواني فوق بير ٍ قصـــاوي
ولاوقف ماله من الوصف تصـوير = ألا كما وصف العديـم النـــداوي
صوت كفراته لونسة شلعت القيـر = كنه أعوى ذيب من الجوع طــاوي
وجلد التواير يجلد الحيد والعيــر = رعاد مزن ٍ والبـَرد منـه هـــاوي
وحس المكينه لا استوت فزة السيـر = حس الهنوف المترفـي السحــاوي
ورفارف ٍ يشقابها الفكر ويحيــر = كنه ردايف لابسـاة الغطــــاوي
له مقدم ٍكنـه يقـود الطـوابيـر = أو مثل قبع العسكري الفــــداوي
ماخذبه أعيال الجحلط مشاويــر = ولا حملوا حوضه بجحٍ حســـاوي
ما ساقه ألا محتميــن المعاشيـر = أهل العزاوي مخلفين الهقــــاوي
هو علة أللي ما براسه صعاطيــر = وهو طب من يونس على الكبد لاوي
هو منوة أقلوب الزحول المناعير = يا كـــم دونه يقصـرن المنـــاوي
يازين فوقه لمشينى به اعصيــر = مـــع خايع ٍ ماداج فيها الشــواوي
وسهيل بان وطلعته مقدم الخيـر= نجم ٍ مـع الغيث المغيث أمتخـــاوي
والوسم جاله مع أدخوله تباشيـر = وذكـــر الحياء جت له أعلوم وحراوي
يا الله بهمال ٍ بصوب المزابيــر = نـــون ٍ سنا برقه مع الغرب ضاوي
يسقي الديار الممحلاة المداهيــر = ألـــلي ثراها فوقها العــود ذاوي
وبل ٍ وصوته لسقا القاع ( تكبيــر ) = شهرين والما حاير فـ المحـــاوي
حتى غدى روس ( الزبيدي )مشاهير = فوق الثراء يعمي العيون ويــداوي
كنه أنهود ٍ قطعــن الأزاريــر = يضيع معهن مدعيــن الفتـــاوي (1)
قفر تعانقبه أغصــون الناويـر = الـــــريح طيب ولـ أم سالم غناوي
والروض بطرافه تحن المغاتيـر = وحيرانهن يبـــرلهن بالخطــاوي
وقفة فحلهن بينهن كنه النيــر = ولا عقيـــد ٍ دون داره حـمــاوي
ذي جنـة الدنيا والأيام تعبيــر = ولا زينها .. ألا مقتفيهــا بـــلاوي
لو ما نسج الرجل في الخبت ونسير= معاد نلقى للوناســـه حــــراوي
أقنوص والارايحين مسايـيــر = صوب الرجال أمزبنين الجـــلاوي
ربع لهم حشمه وقيمه وتقديــر = مجلاسهــم ماهوب مجلس قهـــاوي
العود الأزرق والدلال المباهيـر = ودثر الشحم فوق الصحون أمتسـاوي
(( دواسرٍ )) يوم الحــرايب بواتيـر = ويوم الرخا حبلً متين رهــــاوي
أصغارهم يثنون عند المضاهيـر = ستر العذارى والــدبش والعــزاوي
وكبارهم مثل الوحوش الهواميـر = أسيوفهم بين النحــر والكــلاوي
وباقي القبايل " نعم " من غير تقصير = وكل ٍ على فعله يعــد الحكـــاوي
غير النشاما ما يبي القلب تدويـر = في شوفهم يسلى العلــيل الشقـاوي
أسج معهم والليالــي مقاديــر = والعمر مره يالخفـــوق السنــاوي
وش خانة الدنيا وجمع الدنانيـر = وحنــا علينا نازع الــروح نـاوي

،،

(1)
(يضيع معهن مدعين الفتاوي) : يقصد في هذا البيت الذين يتسترون بالدين ، وليسوا من أهله ،
أما .. أهل الدين فلن يضيعوا معها بأذن الله .

..........


وسامحوني اذا حصل مني قصووووور

أخوكم //

بلنتي



..........


وسامحوني اذا حصل مني قصووووور

أخوكم //

بلنتي

 

 

 

 

[معلومات العضو راشد المسعري]

ربع لهـم حشمـه وقيمـه وتقديـر=مجلاسهم ماهـوب مجلـس قهـاوي
العـود الأزرق والـدلال المباهـيـر=ودثر الشحم فوق الصحون أمتسـاوي
(( دواسرٍ )) يوم الحرايـب بواتيـر=ويوم الرخـا حبـلً متيـن رهـاوي
أصغارهـم يثنـون عنـد المضاهيـر=ستر العـذارى والدبـش والعـزاوي
وكبارهم مثـل الوحـوش الهواميـر=أسيوفهـم بيـن النحـر والـكـلاوي
وباقي القبايل " نعم " من غير تقصير=وكـل ٍ علـى فعلـه يعـد الحكـاوي
غير النشاما ما يبـي القلـب تدويـر=في شوفهم يسلـى العليـل الشقـاوي
أسـج معهـم والليـالـي مقـاديـر=والعمـر مـره يالخفـوق السنـاوي
وش خانـة الدنيـا وجمـع الدنانيـر=وحنـا علينـا نـازع الـروح نـاوي

ما أقدر أقول لك يا " بلنتي " إلا بيّض الله وجهك مليون على نقل قصيدة الجزل/ خالد بن مدعث وأشهد

بالله إنها قصيدة جزلة من شاعر جزل ، وكم بودنا إنه يشاركنا في هذا المنتدى أو على الأقل نستمتع

بوجود قصائده معنا ، فلا تتركنا يابلنتي مما تحصل عليه من قصائد هذا المبدع. ولك مني الود والتقدير

 

 

 

 

[معلومات العضو العماني]

ابن العم الغالي بلنتي الشكره بيض الله وجهك وماقصرت على نقل هذه القصيدة اللي دورها من زمان وانت جبتها جعل يمينك مايجيها العطب.

ويستاهل ابوسليط .

تقبل تحياتي،،

 

 

 

 

[معلومات العضو نازع الود]

صح لسان بو مدعث

ولاهنت يالغالي

 

 

 

 

[معلومات العضو سالم بن محمد الشرافي]

لاهنت ياابيض الوجه الله يعطيك العافيه على هالنقل الرائع


سالم بن صادره

 

 

 

 

[معلومات العضو مصيول]

بيض الله وجهك يا بلنتـي وصح لسـان الشاعر الكبير أبو مدعــث

وعـز الله أن غانـم عـرف من يستشـيـر //

وعسى ما تعبناك معنا يالقـــرررم

تقبل تحياتي \\

 

 

 

 

[معلومات العضو محمد مناحي الودعاني]

لاهنت ياابيض الوجه الله يعطيك العافيه على هالنقل الرائع


بعيد المدى

 

 

 

 

[معلومات العضو قناص الرمله]

يا

	سلامممممممممممم عليك يا بلنتي جعلك تسلم وتحيا . نعم والشاعر خالد ابن مدعث من الشعراء الشباب النادرين اللي قصيدهم ذرب في الوقت الحالي . وانا اضم صوتي لخوي ابو راشد المسعري ليت الشاعر خالد ابن مدعث موجود معنا ويتحفنا بقصيده اللي اكثر الناس متشوق يسمعه. ودمت لنا سالم. ــــــــــــــــــــــــــــــــــــــــــــ قناص الرمله ــــــــــــــــــــــــــــــــــــــــــــــــ

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة راشد المسعري

ربع لهـم حشمـه وقيمـه وتقديـر=مجلاسهم ماهـوب مجلـس قهـاوي
العـود الأزرق والـدلال المباهـيـر=ودثر الشحم فوق الصحون أمتسـاوي
(( دواسرٍ )) يوم الحرايـب بواتيـر=ويوم الرخـا حبـلً متيـن رهـاوي
أصغارهـم يثنـون عنـد المضاهيـر=ستر العـذارى والدبـش والعـزاوي
وكبارهم مثـل الوحـوش الهواميـر=أسيوفهـم بيـن النحـر والـكـلاوي
وباقي القبايل " نعم " من غير تقصير=وكـل ٍ علـى فعلـه يعـد الحكـاوي
غير النشاما ما يبـي القلـب تدويـر=في شوفهم يسلـى العليـل الشقـاوي
أسـج معهـم والليـالـي مقـاديـر=والعمـر مـره يالخفـوق السنـاوي
وش خانـة الدنيـا وجمـع الدنانيـر=وحنـا علينـا نـازع الـروح نـاوي

ما أقدر أقول لك يا " بلنتي " إلا بيّض الله وجهك مليون على نقل قصيدة الجزل/ خالد بن مدعث وأشهد

بالله إنها قصيدة جزلة من شاعر جزل ، وكم بودنا إنه يشاركنا في هذا المنتدى أو على الأقل نستمتع

بوجود قصائده معنا ، فلا تتركنا يابلنتي مما تحصل عليه من قصائد هذا المبدع. ولك مني الود والتقدير

..

وجهك ابيض يا مال العافيه

وابشر بعزك

ولاهنت على مرورك الطيب وردك الووووافي

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة هايف العماني

ابن العم الغالي بلنتي الشكره بيض الله وجهك وماقصرت على نقل هذه القصيدة اللي دورها من زمان وانت جبتها جعل يمينك مايجيها العطب.

ويستاهل ابوسليط .

تقبل تحياتي،،

ماسوينا شي يا هايف

والله لا يهينك على مرورك اللي اسعدني

بيض الله وجهك

 

 

 

 

[معلومات العضو الزين]

بيض اللـــــــــــــــــــــــه وجهـــــــــــــــــــــك بلنتـــــــــــــــــــــــــــــــــــــــــــى


و لسان الشاعر خالــــــــــــــــــــــــــــــــــــــــــــــد بن مـــــــــــــــــــــــــــــــــــــــــــدعث






الزين