قصيدة للشاعر / محمد بن عبد الله آل مقيت الغييثات

[معلومات العضو عناد]

لي ثلاثة عشر يوم أتجلّد وأسهر الليل من شيّ جرالي = والشهر زلّ ما أميز عداده لا تلومون من كثرت شطونه
أطلب اللي خلقني وأتعبّد وأرتجي خالقي يلطف بحالي = فاز عبدٍ تعلّق بالعباده ، من تردّى بدينه ما يبونه
قالوا: الناس وش بك يامحمد قلت: أنا فيّ جرحٍ له ليالي = مير حيل الله أقوى من عباده والدخاتر ما هم بيعالجونه
أبعالج فلكنّ أتركّد والدهر فيه ميلات وعدالي = ما هنا واحدٍ يبلغ مراده لو يعض الأصابع في سنونه
في ضميري جروحٍ ما تعدد والله اللي عليم بكل حالي = مير سبع الخلا أبخص في رقاده كلّ واحد يقدّنه عيونه
ما كتب خالقك ماهوب يرّد لو تمد الجنيه مع الريالي = كم عقيدٍ تحوّل من شداده عقب ما هم بربعه يمدحونه
ما يفيد التمنّي لو توجد لين تسقط على البير المدالي = ونعرف الوقت حرّه من براده وكل راسٍ يشيلنّه متونه
السماء اليوم بالغيمه ملبّد ما هنا شمس غاطينا الظلالي = والله اللي بصيرٍ في عباده يظهر الشمس ويفرّق مزونه

 

 

 

 

[معلومات العضو ناصر آل جزاء]

عناد صح لسانك ولسان الشاعر محمد ... قصيده أكثر من رائعه .. ماتستغرب على شاعر كبير مثل الشاعر محمد الغييثات ..

أســأل الله أن يـعــافــيــه ويــشــفــيــه مــن مــرضــه ....

 

 

 

 

[معلومات العضو مستقعد]

عناد صح لسانك ولسان الشاعر محمد ... قصيده أكثر من رائعه .. ماتستغرب على شاعر كبير مثل الشاعر محمد الغييثات ..

أســــأل الله أن يـعــافــيــه ويــشــفــيــه مــن مــرضــه ....

 

 

 

 

[معلومات العضو عبدالرحمن الشرافي]

اخوي / عناد


صح الله لسان الشاعر / محمد بن عبدالله الغييثي

وهو شاعر كبير وجزل



ولاهنت على النقل ونطمع بالمزيد





تقبل فائق التحية والتقدير

 

 

 

 

[معلومات العضو عناد]

الأخــوان
1- ناصر آل جزاء
2- مستـقـعـد
3- عبد الرحمن الشرافي
تشرفت بمروركم . ولا هنتوا