أبو ترركي

[معلومات العضو مسعود المقيبلي]

بسم الله الرحمن الرحيم

الحقيقه القصيده ليسة بدوسري ولكن في رجل يستحق الاشاده في كل مكان

لوقفاته مع اخواله الدواسر كاافه.

الأمير عبد العزيز بن تركي بن سعود الكبير
قصيده ترحيبيه بناسبة حظووره وتشريفه لحفل تركي بن عبدالله المقابله

هلا يامرحبا ترحيبةٍُ تبدي سوات النور=تنومس وآتشرف يوم أقدمها بواجبها
بسم سقم الحريب آقف وأرحب لو انا مكبور=صغير القوم في ذا اليوم ينقل حمل شايبها
إرحب عن بن عمي ولا بالطيبين قصور =ألن الطيب الا قلت عنك ماتعايبها
تراحيب الوفا بأهل الوفا من خاطر مسرور =تراحيب شذات الورد والجاوي تفوح بها
هلا ياملتجى الخايف هلا يافزعة المقهور =هلا يامسند الي ورته بقعا مصايبها
ابوتركي ذخر من باد حيله مالقى مذخور=كبيرات الهقاوي فيه جزلات مقاضبها
ابو تركي سند من طال وقته بالسجن محكور =بجاهٍ وافي ومدات جود مايحسبها
حكيم واعي مدرك يعالج بالعقول أمور= شرابيك ألأمور تحل بحلول تناسبها
توارده المدايح مع موارد صيته المشهور =نداويا على أول هدة اليمنى يخظبها
ابن شيخ الى ثار العسم يقلط على الطابور =مقاليطاً يخليها قوي الباس هايبها
وحفيد معطر السيف الحدب يوم العجاج يثور=على قبٍ تنازا بالنشاما في ملاعبها
هل السيف الحدب واهل القنا والبيرق المنشور= مدابيس الحروب العوب لاشبة لهايبها
صميدع راس طيب ساس طيبه من عمق وجذور=حفيد ابطال عم وخال وألأفعال تعربها
معنّز بالرجال الي من الصكه ظلال وسور=زحازيح الرجال الي رفيعات مناسبها
زيازيم الجموع الي تصبح مع شعاع النور= مع جرات بن عواد داعي العز يندبها
بعيدين المغازي مرذية عوص النظا بالجور =على حد البريمي* مومي الأطماع جاذبها
الى ادلو صوب نشر يقطعونه من حذا المقهور =هله عقب الغنى يالله تعقل في حلايبها
مع ربعٍ يحقون الوجب لا لحقها الممرور =على صفرا تشوّد ماب مركاضه يجربها
ألى لحقت وحول واحدٍ له موقف مخبور =عدة بلحيها ولا قلاعه عقب راكبها
ثلاثي به ونا سقم الحريب الشره ابن صخبور =يمين بالحفيف تشوم عن زلة قرايبها
يمين مايعصيها يكون الهندي المشقور =ومصبوبة فرنجياً يفض العضم مظربها
اقوله يوم لي ربع على ألطوله طوال شبور=مواقفهم تطول وجه من عدد غرايبها
مقابلةٍ فعايلنا الى من زرّفل المظهوور=وشيوخٍ** وسمنا بالسيف ينحت في نصايبها
لنا جدع المجوخ عادةٍ يوم الدمي تفور =وهل المحوال لاركب المزرّرم فوق غاربها
وصلاة الله على من بعث للأمه بهدي ونور=شفيع الخلق يوم الحشر عند الي يحاسبها

*

كم هجمةٍ يبسو صملان راعيها=لاساج حبل الحقب قدام الأثفاني
نقطع فجوج الريادي في حراويها=الين جينابها من ساحل عماني

**عويضه الأدرم الضويلع
عماش اللرجعه الدويش
ناصر بن جمعه العجمي

 

 

 

 

[معلومات العضو سعد المقابله]

ابو سعد

صح الله لسانك

وبيض الله وجهك

 

 

 

 

[معلومات العضو العماني]

الشاعر العملاق ، شاعر الدواسر ابوسعد

صح الله لسانك ملايين ولايسدن على هذه الأبيات التي أقل مايقال فيها رائعه ، ويستاهل الأمير عبدالعزيز بن تركي آل سعود كل خير فأياديه البيضاء شهد بها القاصي والداني ، ونعم به وبخواله بعيدين المغازي ويثنى النعم ايضا للصخابرة والمقابله .

تقبل خالص تحياتي وتقديري،،

 

 

 

 

[معلومات العضو ابو زابن المسعري]

صح السانك ملايين وبيض الله وجهك

ويستاهل ابو تركي كل خير

لك جزيل الشكر

اخوووك

ابو زابن

 

 

 

 

[معلومات العضو عبدالرحمن الشرافي]

ابو سعد..


صح الله لسانك مدد يالسنافي


الله يعطيك العافيه .. ويبيض وجهك على ذا القصيدة الجزلة التي قيلت فيمن يستحق

و الأمير عبدالعزيز بن تركي آل سعود يستاهل المدح فمواقفه مشهوده

وبالأخص مع خواله الدواسر وفعوله معروفه ومشهوده



و كفوووووووو بــبني عمنا المقابله ومليار نعم بهم



وتقبل فائق التحية والتقدير