الأمسيات الشعريه

[معلومات العضو عامر النتيفات]

ايها الأحبه نعتذر لكم جميعا عن التقصير في حقكم وفي حق هذا
المنتدى الشامخ. ويسعدنا التواصل معكم بهذه القصيده
وقد نشرت في مجلة الساعاتي :
.
.

يازين الركادة في امسيات الشعر يانـاس=وخلق التصنـع ظاهـرة مالهـا داعـي
حركات مفتعلـة وهـرج بـدون اقيـاس=تنقص مقام الرجل وتجيـب الاوجاعـي
اشارات هبد وخبط ماصات جـر انفـاس =ونسف الغتر مع فتح جيـب وتمرياعـي
حماس تعدا الحد عكـر سمـاء الجـلاس=وخفض ورفع في الصوت كلة تصناعـي
يشمر عن اذراعه ويشرب من الماء كأس=تقل ذا نوى له نية والعمر باعي
على الهون كل الوضع شعر على قرطاس=اقر والعرب للقـول تنصـت وسماعـي
شعور ومشاعر صادقة للعرب باحسـاس=تقال بهداوة والهـدف جلـب الامتاعـي
وقول الرجل من دون تغير مابـه بـاس=ترا النقص كل النقص تغيـر الاطباعـي
وترا الصوت والتلميع في الشعر والالباس=ماتثر على شاعر لـه القـاف مطواعـي
وطراة الشعر لاجـاك متنـوع الاجنـاس=ولاهوب كلـه غـزل والقلـب ملتاعـي
وكل يحـب ويعشـق الـدر والالمـاس=وللخل في شعـرة مساحـات اوساعـي
ولا كل شخص حاضـر مغـرم محتـاس=ظروف الزمن مختلفة اشكـال وانواعـي
على الشاعر ينوع قصيدة غزل واوناس=وللدين قسـم وللوطـن قسـم للواعـي
ولا اعم كـل النـاس ياطيبيـن السـاس=اقول البعض منهم ولا اغـر الاسناعـي
ياكم كم وكم من شاعـر ماهـر غطـاس=على فطرتـه شعـره دوا والاسم شاعي
الى القى القصيدة ماجلب دوخة للـراس=وراكد علـى الكرسـي ولاهـم بقلاعـي

 

 

 

 

[معلومات العضو ماجد الدوسري]

بيض الله وجهك مليون ياعامر النتيفي على القصيدة الجزلة وفعلاً يازين الركادة في الإلقاء ، صحيح إن الإلقاء الزين يحلويها شوي لكن المصطنع والتلميع الزايد مثل ماقلت يحوسها ، صح لسانك وشكرن لك

 

 

 

 

[معلومات العضو عامر النتيفات]

الأخ / ماجد الدوسري
.
لاهنت على حضورك الذي اسعدنا
.
وصح بدنك يالغالي ولك مني الشكر والتقدير

 

 

 

 

[معلومات العضو ابن وتيد السباعي]

صح لسان الشاعر الكبير / عامر النتيفات مليوووووووووووون ولا يكفوووووووووووون

وبيض الله وجهك يالقرم على هذه القصيده الجزله والاكثر من رائعه

ولي ابيات في نفس هذا المعنى

لاكثروا الشعار من دون فودي=جاتك بيوت الشعر يكفخ ذراها
حكيٍ مجمع والمعاني شرودي=ماغير ناسٍ تدبك في عماها
ناسًٍ تبي بالشعر صرح ومجودي =ويقال شاعر والقنوات جاها
ويطلع على الشاشه بزين الخدودي=بيديه يومي والجزاله محاها

 

 

 

 

[معلومات العضو جعلني_فدوة_للدواسر]

ابن العم عامر النتيفات صح الله لسانك وعزالله انك جبتها
على الهون كل الوضع شعر على قرطاس
اقر والعرب للقـول تنصـت وسماعـي
شعور ومشاعر صادقة للعرب باحسـاس
تقال بهداوة والهـدف جلـب الامتاعـي

لافض فاك وتسلم يمناك على الابداع

اخوك/ جعلني_فدوة_للدواسر

 

 

 

 

[معلومات العضو العماني]

الشاعر الكبير عامر النتيفات

صح الله لسانك على الأبيات التي جبتها في الصميم وعزالله كل ماقلته صحيح وظاهره منتشرة عند كثير من شعراء الوقت الحالي .

دمت مبدعا

تقبل تحياتي،،

 

 

 

 

[معلومات العضو يحيى الودعاني]

صح السانك و عتلا شانك

وبيض الله وجهك على الجزله


ما قلة إلا الصحيح
بعضهم تقول جالس على جمر
كل اشوي يرتفع فيه جنب

 

 

 

 

[معلومات العضو شجاع الخريم]

عامـــــــــر النتيفات
بيّض الله وجهك والله لايهينك
وأبيات جزلة من شاعر جزل
تقبل مروري واحترامي ،،

 

 

 

 

[معلومات العضو سالم بن صمهود]

الشاعرعامر النتيفات صح الله لسانك يالمبدع

الصلف

 

 

 

 

[معلومات العضو عامر النتيفات]

الاخ العزيز / بن وتيد السباعي
صح بدنك
ولاعليكم زود يالطيب
وابياتك واقعيه وفي محلها
تقبل شكري وتقديري

 

 

 

 

[معلومات العضو عامر النتيفات]

اخي الغالي: جعلني فدوة للدواسر
.
صح بدنك
.
شاكر ومقدر تواجدك وحضورك شرف
.
لاهنت يالطيب

 

 

 

 

[معلومات العضو الركن]

يشمر عن اذراعه ويشرب من الماء كأس
تقل ذا نـوى لـه نيـة والعمـر باعـي

صح لسانك وعلا شأنك يالشاعر

 

 

 

 

[معلومات العضو عامر النتيفات]

الأخ العزيز / هايف العماني
مجرد حضورك وتواجدك شيئ يشرفنا
.لاهنت ولك جزيل الشكر والتقدير

 

 

 

 

[معلومات العضو عامر النتيفات]

الخ العزيز / يحيى الودعاني
.
صح بدنك
ولاهنت على حضورك وتواجدك الذي اسعدنا
ولك الشكر والتقدير

 

 

 

 

[معلومات العضو محمد الغريري]

عامر النتيفات


الشاعر الكبير الفحل

حياك الله يابو عبدالرحمن ومن طول الغيبات جاب الغنايم

وغيبتك هذي طولت و غنيمتك دسمة يالغالي ..

فلا تحرمنا وجودك و جودك المعتاد

اخوك في الله

محمد الغريري