الســـــــياحة

[معلومات العضو سالم بن صمهود]

الســـــياحة

العمر لابد يوم(ن)يلحقه نبـه = وتسقيه سود اليالي من مشاربها
ومــادام راســي يشم النود وتهبه = بسج رجلي في ارض الله واطرّبها
سياحة(ن)من مشاها ما حد(ن)سبه = مـن طيبها ما يصدق من يعذربها
الـبر يشعـى فوادي حيـل واحبـــه = ونفسي مناخ المدينه ما يناسبها
بومي بجيبي واشرق به واغرّب به = ومازان لي من فجوج القاع ابضربها
ومـا بان لي من رفاع(ن)حيل بذبه = فيه الهوى غترتي كنه يلاعبها
امد شوفي ما بين الحزم واللبه = والجرمني كل ملحوظة يقربها
ولاشفت ذود(ن)بطح راعيه مع خبه = باريتها وام خيط(ن)قمت انا اندبها
البل غلاها خفوق القلب يلعب به = ومتمكن(ن)من خلايا الراس وشعبها
ولاشفت مجلس هل الناموس باطبه = ناس(ن)على طاعة المولى مصاحبها
دلالهم زاهبه والنار مشتبه = وان هرجت السالفه محد(ن)تعقبها
لا يابعد مجلس هل الكاس والحبه = ناس(ن)بتالي الزمن دجت مذاهبها
تخلصوا من قشور العرف مع لبّه = معاد يمشي بعضهم كود معطبها
يا لادمي خلك بدنياك متنبه = اناس طرقية(ن)تشعب ركايبها
ومن لم تصل رحلته بكره وصل غبّه = وكل(ن)يحصل علومه مع مكاسبها
وكل(ن)يورّى كتابه والحكم ربه = تكشف له الطيبه واللي بجانبها
احد(ن)له الحور فالجنه ترحب به = حيثه عصى النفس والشبهه تجنبها
واحد (ن)في النار وافعوله هي السبه = خربت نهايته من دينا(ن)مخربها

تقبلوا تقدير
الصـــلف

 

 

 

 

[معلومات العضو ابومبارك الدوسري]

الصلف

صح لسانك وأعتلي شانك

ولاهنت يالغالي علي هالقصيدة الجزله منك يالجزل

بأنتظار جديدك القادم

تحيتي

 

 

 

 

[معلومات العضو بن مشخص المسعري]

صح الله لسانك يالمبدع

لا خلا ولا عدم

 

 

 

 

[معلومات العضو عبدالرحمن الشرافي]

البـل غلاهـا خفـوق القلـب يلعـب بـه=ومتمكن(ن)من خلايا الراس وشعبها
ولاشفت مجلس هل النامـوس باطبـه=ناس(ن)على طاعة المولى مصاحبها
دلالـهــم زاهـبــه والــنــار مـشـتـبـه=وان هرجـت السالفـه محد(ن)تعقبهـا
لا يابعـد مجلـس هـل الكـاس والحبـه=ناس(ن)بتالي الزمـن دجـت مذاهبهـا

أشهدنك صااااااااادق


وهذا الفكر من طيب ساسك وراسك يالقرم


أخوي / الصلف.

لاهنت وصح الله الللسانك على هذه القصيدة الجزلة الوافية بمعانيها


ولكن عندي استفسار : هل هذه القصيدة لك (( حتى يتم نقلها الى قسم شعراء المنتدى))



ولاتحرمنا من جديدك الجزل



وتقبل فائق التحية والتقدير

 

 

 

 

[معلومات العضو سالم بن صمهود]

المحبوب الدوسري


شكراً لك على هالحضور اللي أسعدني وشرفني



تقبل تقديري



الصلف

 

 

 

 

[معلومات العضو سالم بن صمهود]

بن مشخص المسعري


صح بندك يالغالي


شكراً لحضورك


الصلف

 

 

 

 

[معلومات العضو سالم بن صمهود]

مرحباً بك يا عبدالرحمن الشرافي


وما عليك زود في اللي قلته .. ويسعدني ويشرفني حضورك في مشاركاتي

فحضورك في مواضيعي شهادة لي أعتز بها


أما بخصوص إستفسارك .. فالقصيدة من بُنيات أفكاري

وأحببت أن أخص هذا المنتدى الرائع بأشعاري


أكرر لك شكري وامتناني على هذا الحضور والإطراء



تقبل تقديري



الصلف

 

 

 

 

[معلومات العضو جمعاني_غييثي]

صح لسانك يالصلف قصيدة جزلة ومعانيها كبيرة بحجم شاعرها
تقبل ودي واحترامي
اخوك / جمعاني_غييثي

 

 

 

 

[معلومات العضو راشد المسعري]

بيض الله وجهك على القصيدة الجزلة المليئة بالحكم وذات القافية الجميلة فلك مني اجمل الود والتقدير

 

 

 

 

[معلومات العضو خالد الخييلي]

ومـا بـان لـي مـن رفاع(ن)حيـل بذبـه=فـيـه الـهـوى غتـرتـي كـنـه يلاعـبـهـا
امـد شوفـي مــا بـيـن الـحـزم واللـبـه=والجـرمـنـي كـــل ملـحـوظـة يقـربـهـا
ولاشفت ذود(ن)بطح راعيه مع خبـه=باريتهـا وام خيط(ن)قمـت انـا اندبهـا
البـل غلاهـا خفـوق القلـب يلعـب بــه=ومتمكن(ن)من خلايا الراس وشعبهـا
ولاشفت مجلس هل النامـوس باطبـه=ناس(ن)على طاعة المولى مصاحبها

الله الله


يا سلام عليك يا الصلف

ابدعت وامتعت

صح الله لسانك مليااااار

كايفه من اولها لتاليها

تحياتي لك ...

 

 

 

 

[معلومات العضو سالم بن صمهود]

جمعاني غييثي

هلابك ومرحبابك.. اسعدني تواجدك يالغالي

ولاهنننننت



الصلف

 

 

 

 

[معلومات العضو سالم بن صمهود]

ابوعبد المحسن المسعري


وبيض الله وجهك على هالحضور العذب


اسعدني تواجدك هنا




الصلف

 

 

 

 

[معلومات العضو سالم بن صمهود]

خالد الخييلي

وصح بدنك ملياااااار

والأفضل من هذا كله .. هو حضورك وتواجدك هنا



لك مني جزيل الشكر




الصلف

 

 

 

 

[معلومات العضو سالم بن صمهود]

الاخ/راشد المسعري اشكركويشرفني حضورك ياغالي