شايب من شيبان العمور بالأمارات

[معلومات العضو الحمداني]

السلام عليكم ورحمة الله وبركاته

ياجماعة الخير أنا اذكر لي شايب قال سالفه من زمان والله اني ناسيها لكن بقولكم
شي منها واللي يعرفها يكملها الله لايهينه
كان أمير الأمارات الشيخ زايد آل نهيان رحمه الله مسوي حفل وجامع في الحفل
قبايل جزيرة العرب يعني من قل قبيلة مجموعه وكان يقولهم عطوني اعلومكم وقصيدكم
وكانوا كل قبيله يظهر منها رجال ويعلمه باعلوم القبايل وقصايدهم وفرسانهم
المهم كل القبايل قاموا عنده وعلموا باعلومكم يوم خلصوا
قال الشيخ زايد فيه قبيله دايم اسمع عنها ودايم وهي في راسي وابي اعرفهم زين
استغربوا الحاضرين وقالوا كل القبايل ذكرت عندك
قال لالا فيه قبيله يقال لهم الدواسر وينهم ماحضروا
واحد من شيبان العمور كان جالس يوم سمع زايد يقول وين الدواسر فز الشايب وقام يلعب بغترته فوق ويقول:
هيه ياللي تنشد الناس عنا ....دواسر ونرقى على كل عالي
وفزوا معه صبيان الدواسر اللي كانوا حاضرين بالأمارات وانبسط الشيخ زايد من سواتهم
واللي يعرف تكملة القصيده يكملها لأني والله ناسيها
هذا والله العالم
تقبلوا تحيات أبنكم
الحمداني

 

 

 

 

[معلومات العضو نايف]

انشالله ان الاخوان يفيدونك ,,,

 

 

 

 

[معلومات العضو محمد بوفرسن]

لا اعلم عن القصيدة ولكن حبيت
ان انوه الاخ الغالي نايف بأن هناك
فرق بين ان شاء الله
و
انشاء الله

يفضل ان نكتب إن شاء الله

والله اعلم

اعذرني عالمداخلة

أخوك محمد الدوسري

 

 

 

 

[معلومات العضو الـخـيـيـلـي]

الله يعطيك العافيه يالحمداني

عز الله انها سالفة تنومس


بيض الله وجه ذا الشايب .. لوني حاظرن في المجلس كان لعبت معه


ههههههههههههههههه

 

 

 

 

[معلومات العضو الحمداني]

أخوي نايف ماقصرت على كل حال

أخوي محمد مرورك يكفي يالغالي

الخييلي والله انك صادز ليت منهو عنده يبرد تسبده

 

 

 

 

[معلومات العضو الـخـيـيـلـي]

مرحبابك اخوي الحمداني

هذي هي القصيده اللي تبيها وهي للشاعر / مبارك بن فيصل بن طريجم العمور

هيه يالي تنشد الناس عنا =دوسري وأرقى على كل عالي
دوسري ما فيه شكٍ وظنّا =وأفتخر لا جا لربعي مجالـي
يوم ربعي منوة الي تمنا = تلحقه ما كان صعب المنالـي
من مشى بالسلم معنا تهنا = ما نهاب الموت يـوم القتالـي

و قصة الشايب مع الشيخ زايد ترى ماهيب صحيح ..



تحياتي لك

 

 

 

 

[معلومات العضو الحمداني]

الله يعطيك العافيه أخوي الخييلي

السالفه قالها لي رجال والظاهر انه يقصد انها طرت على الشايب اللي في الامارات وقالها

وانا والله ياخوك يمكني فهمته غلط بمقصده انه قال القصيده وهي مهيب له يعني عشان الشيخ

زايد قال وين الدواسر والشايب هذا طرت عليه القصيده وقالها

هذا والله العالم
تقبل تحياتي

 

 

 

 

[معلومات العضو الجوهره]

لا هنت أخوي الحمداني... بس ما عرفنا وش القصه الصحيح... أنا اللي أعرفها ان الابيات ذي انقالت بموقف ثاني مير يعطيك العافيه على القصيد اللي يشرف...

تقبل احترامي...

 

 

 

 

[معلومات العضو الحمداني]

ماقصرتي أختي النادره

انا مااقصد ان مناسبة القصيده كانت في الأمارات لا لحد يفهمني غلط

انا اقول ان فيه شايب في الامارات طرت عليه القصيده وقالها وانا قلت اللي حافظ القصيده يكملها بس هذا مقصدي

ماقلت انها قيلت في الامارات والقصيده لأبن طريجم معروفه

 

 

 

 

[معلومات العضو سعد المقابله]

الله لايهينك يا الحمداني

ومشكور اخوي

الخييلي على الايضاح والقصيدة

مشكورين ولاهنتوا

 

 

 

 

[معلومات العضو الجوهره]

اها..مشكور أخوي الحمداني على التوضيح ولا هنت يالقرم...