ألعـب المنكـوس وأحـب روباعـه...ممل بالوقت والوقت خداعي(روائع ابن جدلان)

[معلومات العضو بن مشخص المسعري]

قصيده لشاعر شهير من فطاحل الشعر فالجزيره





له اروع ابيات الحكمه

ابن جدلان.... وذكر بيته الذي يقول فيه :

ومن يحط اذنه على كل سماعه

شاف فرقا ما بعدها تجماعي


لقد اخترت لكم هذه الرائعه له واتمنى أن تنال اعجابكم


ون أبن جـدلان مـن لايـعٍ لاعـه
كن فـي كبـدي دوافيـر صناعـي


ألعـب المنكـوس وأحـب روباعـه
مملٍ في الوقـت والوقـت خداعـي


مادريت أن ضحكة الوقـت خداعـه
شفت مدخالـي ولاشفـت مطلاعـي


لابغيت أسـج والا انبصـط ساعـه
دق قلبي من وراء حدب الأضلاعـي


كم من بيـن الضلـوع آلـة طباعـة
تشتغـل لانمـت وأقـوم مرتاعـي


هـم قلـبـي مايـفـرق تجمَـاعـه
غير جر الصوت والنـاس هجاعـي


فاقدٍ لـي سلعـةٍ وأكبـر أبضاعـه
سلعـةٍ تشـراء ولاهيـب تنبـاعـي


رفقـة الطيـب ليـا غيـر أطباعـه
أشهد أنهـا كيـةٍ توجـع أوجاعـي


راكب إلي صممه صاحب أصناعـه
جمس بيك أب من حديثات الأنواعي


الغريب الـي جديـدٍ مـن أنواعـه
حوض رفرف مايبي شد وشراعـي


لا أنـس البنزيـن عجـلٍ تفرقاعـه
مخطرٍ من سرعتـه يقلـع أقلاعـي


لاتحرك شفت في القـاع مشلاعـه
والتواير تظهر المـاء مـن القاعـي


ينعـش القلـب الحزيـن أبتهملاعـه
لامشـا قـام يتهمـلـع تهمـلاعـي


لاوطى الأرض العتش كن تهزَاعـه
بنت شيخٍ طامـحٍ مـن ولـد راعـي


في رجاء الغايب تحَـرا لمرجاعـه
تنقـد العشـاق وتطـق الأصباعـي


نفسها من جملـة النـاس منصاعـه
ماتبـي إلا واحـدٍ ذكـره أيشاعـي


ينحر اللي يأخـذ الطيـب بذراعـه
الصديق الصافي الصامـل الواعـي


الوفـاء والطيـب ساسـه ومنباعـه
يوم بعض الطيـب تقليـد وصناعـي


لاوصلتوا فأخبروني عـن أوضاعـه
وأخبروا راعي السمارا عن أوضاعي


أنشـدو ويـش السبايـب بمهزاعـه
لاعلـي ناقـص ولا أبيـه فزَاعـي


ودَنـا نرضيـه ونحـاول أقنـاعـه
كان بن مهمل بعـد يسمـع الداعـي


كـان يبغـا حـق للحـق قطَـاعـه
نقعـة والحـق ماعنـه مجـزاعـي


وكان مبغضٍ فـي الرياجيـل بتَاعـه
لايجـي ناقـد ويلحقنـي أريـاعـي


لصَديـق نخلَـي النفـس خضَاعـه
مانـوريـه الجـفـا والتمطَـاعـي


الصداقـة عندنـا ذخـر وطمـاعـه
صحبـةٍ ماهيـب صحبـة تمتاعـي


حـد جدتهـا علـى البـرق لماعـه
وإن خذت يومين مفعولهـا ضاعـي


فإن تليمنـا علـى العـز والطاعـه
وأن تفرقنـا فجـوج الله أوسـاعـي


ما أطرد المقفي ليا صفـط أشراعـه
مخبـل اللـي للمقفـيـن تبَـاعـي


من يحط أذنـه علـى كـل سماعـه
جـاه فرقـاً مابعـدهـا تجمَـاعـي


والزباد أختـام هرجـي ومطلاعـه
يدفعه من ريحـة المسـك ذعذاعـي


سعد ابن جدلان الاكلبي



تقبلوا تحيات

 

 

 

 

[معلومات العضو عبدالله أبن مصلح]

الغالى / بن مشخص المسعري


بيض الله وجهك على الاختيار الاكثر من رائع





رفقـة الطيـب ليـا غيـر أطباعـه ...... أشهد أنهـا كيـةٍ توجـع أوجاعـي




تقبل تحياتى وسلامى

 

 

 

 

[معلومات العضو جعلني_فدوة_للدواسر]

لصَديـق نخلَـي النفـس خضَاعـه
مانـوريـه الجـفـا والتمطَـاعـي

الصداقـة عندنـا ذخـر وطمـاعـه
صحبـةٍ ماهيـب صحبـة تمتاعـي

صح لسانك يابن مشخص المساعره وصح لسان الشاعر المهستر سعد بن جدلان فعلا احسنت الاختيار فهذه رائعه من روائع ابن جدلان .... اشكرك يابن عمي
وتقبل الود والاحترام

اخوك / مغترب في عذاب

 

 

 

 

[معلومات العضو ابن وتيد السباعي]

فإن تليمنـا علـى العـز والطاعـه=وأن تفرقنـا فجـوج الله أوسـاعـي

القصيده هاذي سمعناها كثير ونشرت كثير

ولكن علي بالحرام انها قصيده كفوووووووووو ودي اسمعها كل حزه


ابن مشخص المسعري

اررررررررررحب ياولد العم وعزالله انك كفووووووووووووو


وبيض الله وجهك على نشر هذه الرائعه وهذا يدل على ذوقك العالي في الشعر

لكـ اجمل وارق تحيه

من اخوكـ / ابن وتيد المسـعري

 

 

 

 

[معلومات العضو ابن محمد الودعاني]

لابغيت أسـج والا انبصـط ساعـه=
كن من بيـن الضلـوع آلـة طباعـة=
هـم قلـبـي مايـفـرق تجمَـاعـه=
فاقدٍ لـي سلعـةٍ وأكبـر أبضاعـه=
رفقـة الطيـب ليـا غيـر أطباعـه=

قصيدة فوق الوصف وهي من القصائد اللتي اسمعها كثير ولم املها

وهي اشهر من نار على علم

احسنت الاختيار يابن مشخص هذا وان دل انما يدل على حسن اختيارك وذوقك الرفيع

والله لايهينك

 

 

 

 

[معلومات العضو ابومبارك الدوسري]

فاقدٍ لي سلعةٍ وأكبر أبضاعـه
سلعةٍ تشـراء ولاهيـب تنباعـي


رفقة الطيب ليا غير أطباعـه
أشهد أنها كيةٍ توجـع أوجاعـي


بن مشخص

إنتقـاء جمـيل .. وقصيدة جزله من هالشاعر الكبير

تسلم يالغـالي

على هذه الراااائـعه .. وكلمـاتها الرااااقـيه

ننتظر المزيد من مشاركـاتك

تحيتي لك

 

 

 

 

[معلومات العضو ابو زابن المسعري]

ما أطرد المقفي ليا صفـط أشراعـه=مخبـل اللـي للمقفـيـن تبَـاعـي

بيض الله وجهك على نقل هذه القصيده لشاعر الفحل بن جدلان

 

 

 

 

[معلومات العضو بن مشخص المسعري]

سعــــــــــود


جعلني فدوة للدواسر (انفدا وجهك)

ابن وتيد

ابن محمد الوداعين

المحبوب الدوسري

ابو زابن


مرحبا والله ومسهلا بالجميع شرفتو الموضوع بردودكم وتعقيبكم الكريم

تقديري واحترامي للجميع