(((خريطة مزورة تصغر رقعة واتساع ديار الدواسر))الرجا الدخول ضروووووووووري) - الصفحة 2

**معلومات** **العضو** · 02-01-2007, 01:43 AM

السلام عليكم ورحمة الله وبركاته

في الحقيقة انا اعترض على التقسيم الذي وضع احد المستشرقين لقبائل الجزيرة الذي فيه مغالطة كبيرة وظلم فيه قبيلة الدواسر التي تملك اكبر واوسع وافضل رقعة في الجزيرة العربية وجعلهم يملكون منطقة صغيرة وعزلهم عن الربع الخالي واجحف بحق الدواسر واذا كان اجحفه بخريطة على ورق فحقنا محفوظ على الواقع حيث اننا قبيلتنا تملك منذ قديم الزمن المدن الكبيره في وقتها و التي لاينازعهم ولا يسكنها غيرهم في حين ان اغلب القبائل لم تعرف حتى ((الهجر)) الا في عهد الملك عبدالعزيز .

يقول الشيخ عبد الله بن خميس:

تعتبر مساكن الدواسر الان من أوسع مساكن القبائل وأخصبها وأكثرها مياها وأمراها واخصبها فيحدها جنوبا حدود اليمن الجنوبية وشملا منطقة عليه وجنوبي العرمه وجبال العارض وشرقا أسفل الدهناء وبلاد آل مرة وغربا بلاد الشيابين من عتيبة وبلاد قحطان ولم يزاحمهم في جدودهم الا نزعة من قبيلة السهول دخلت الدواسر بالحلف ونزلوا الغيل وستارة وحراضة وبعض وادي برك وما حوله وهؤلا هم القبابنة وعلى هذا فمساكن الدواسر اليوم تشمل قسما كبيرا من الربع الخالي ومن الدهناء ومن الجدول والبياض وهريسان ومارفع ذلك غربا الى أسفل بيشة وتثليث وما صقبهما شمالا وحنوبا

:يقول شاعرهم محددا بلاد قبيلته

لي ديرة قبليها فـي حوضـا=وشماليها المشقوق والرقـاش
وجنوبيها العد المسمى آل زايد=مضماه خرب ومن وراه مناش
سكانها ودايـة مـن جدارهـا=دواسر لاجت الدهور هشـاش

ويقول الشاعر شلعان رحمة الله عليه محدداً حدود القبيلة

حنا هل الوادي عما كـل عـادي=لاجت شيوخ القوم تسحب جرودها
والسيح والافلاج والخـرج ملكنـا=والا بني رمحً جنـوب حدودهـا
ويحدنا من شـرق ربـعً خالـي=الرمله اللـي غيرنـا مايرودهـا

ويقول الأمير محمد السديري:

من الفرعة العليا إلى الخرج حدهم=به الجار ما كِّدر عليـه صفـاه
فعلٍ على فعلٍ تحاكا به العـرب=مجـدٍ يكـذب مـن يعـد ثنـاه

وذكر المستشرق الانجليزي لوريمر عن قبيلة الدواسر في كتابة دليل الخليج:

وفي العارض يتواجد الرحل في منفوحه ووادي حنيفه والدرعيه وضرما
ويتواجد الدواسر الثابتين في منطقه ثادق والمحمل كالبير والدقله وحامي وملحم وثادق
ويتواجدون في منطقه سدير حيث يوجدون في العوده والروضه وحسون وجلاجل والغاط والزلفي ويتواجدون ايضا في الوشم ومرات وغيرها
ونادرا ما تمتد مساكنهم شمالا ابعد من سدير وفي القصيم يقال ان وجودهم يتركز في الشميسيه والقويعه وحويلان وحطان فقط
وفي الجنوب الغربي يبرز وجدودهم في وادي السبيع حيث يوجد البعض في حزام وخرمه

تقبل تحياتي،،

**معلومات** **العضو** · 02-01-2007, 08:27 AM

ابو سليط بيض الله وجهك نحن ننتظر منك الخريطة ضروري الله لايهينك
وضبطها حتى لايجد احد عليها مدخل وترى الشيبان هم اللي يعرفون
حدود القبايل وسيكون عملك هذا مشرف وتاريخي لاتتاخر

**معلومات** **العضو** · 05-01-2007, 01:33 AM

ههههههههههه

الحمدلله رب العالمين

سلمني على ذا الي مسوي الخريطه

اول شي قبل ما نذكر الدواسر

وين قبيلة تميم

ما اشوف لها حدود مع العلم بانها من اكبر القبائل المعروفه

يعني ذا الخريطه كلها غلط في غلط

**معلومات** **العضو** · 11-01-2007, 02:17 AM

السلام عليكم

نرجو من الأخوان المتخصصين في رسم الخرائط رسم خريطة توضح امتداد الدواسر وانتشارهم من حاضرة وبادية اي موارد المياه

حسب علمي المحدود الدواسر لهم محافظات الافلاج والسليل والوادي وهذي تشكل اكثر من 40 % من مساحة منطقة الرياض

وللدواسر الفرعة بالحوطة والفرشة والدلم واجزاء كبيرة من الخرج
ولهم خريص وهجرة الدهو شمال الخط السريع ومساحات كبيرة تفصل بين الافلاج والاحساء

وللدواسر ثادق والمحمل - ولهم عدد كبير من قرايا سدير وما حولها من المراعي تخصهم

ولهم الشماسية بالقصيم وهي محافظة

اخوكم عبد الله العامر البدراني

**معلومات** **العضو** · 11-01-2007, 03:30 AM

سلام عليكم كيف الحال
اخواني انا شفت الخريطة قبل 4 اسنين في كتاب لقبائل العربية في بلاد السودان و وادي النيل وشفتها على النت وفيها اخطاء ومن الاخطاء هوو اكل بعض اراضي بني خالد وبني هاجر والدواسر وغلطو في اسم قبيلة الدروع ولي هي فوق قبيلة المناصير وغلطو بالقبيلة لي قرب حدود الامارات وعمان مع انه ذيك الديار لدروع وديار الدروع مكنها غلط وبعدين هضمو جزء من اراضي يام وظموها للمرة وهضمو حق الصيعر بالجنوب وحق البوعينين اهل عينين ولي يشوف الحويطات شمال ولي يشوف العوازم جنب الكويت بس اسم يعني ماقدرو يحطون اسم البوعينين الخريطة لجنبي والخريطة الاصلية بتحصلونها في كتاب ابن دخنة الشريفي - الكويتي ولاكن السوووووووووال لي يطرح نفسه ليش هذا التقسيم على القوى على كبر العدد على انهم بدو ولا ايش ولا ايش

**معلومات** **العضو** · 11-01-2007, 10:50 AM

السلام

لكن البادية لها موارد ماء يملكونها وما ينازعهم احد ولا يردها احد الا بعد اعطاءه الأذن

ابن عامر البدراني

**معلومات** **العضو** · 11-01-2007, 05:45 PM

صراحة ً هذي الخريطة تذكرني بالمخططات اللي توزعها البلدية

اللي عنده واسطه يحطونه على شارعين

واللي واسطته اقوى يحطونه على شارعين وحديقة ويمكن مسجد

بس حلوه يوم حطوا الرياض لسبيع

على العموم هذي مجرد خطوط على ورق وكلن يعرف ديرته وحدودها
وهذي الخريطة تفتقد للمصادقية ولا يمكن الاعتماد عليها نهائيا
وحن اعطيناها اكثر من حجمها
مشكور اخوي / مشعان

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية