قصيدة الدواسر للشاعر خالد الدوسري

[معلومات العضو أبويوسف الودعاني]

السلام عليكم ورحمة الله وبركاته


يعطيكم العافيه على هل المنتدى الجميل الاصيل ،، والله يوفقنا لتقديم كل ماهو في خير لمنتدى جدودنا وعراقتنا منتدنا الغالي منتدى " الدوسر"


--

هذي قصيدة للشاعر خالد الدوسري ،،

يقول فيها :



يهتز سطح الارض والشعر زالزال
زلزال في شرق اسيا يشبهـه حيـل
شعرٍ يخلدني علـى مـر الاجيـال
يبقى على مر الزمن مابقـى سهيـل
لاقلت بيت من الصدى ردت جبـال
وما استبعده يلغي شعر كل هالجيـل
وان ما شهرني وانضرب فيه الامثال
ماقول حرفي شمس وحروفهم ليـل
ياقاري حروفي و يا طيـب الفـال
اربط حزام الدهشـة بكـف تحليـل
شعري نوى يمدح غزيرين الافعـال
الوافييـن الشامخيـن الحلاحـيـل
اللابة اللـي فعلهـا يسبـق القـال
مثل الرعد يسبقـه بـرق المخاييـل
الموت كنّه عندهـم شـرب فنجـال
والخـوف مالـه فالحنايـا مداهيـل
مثل المحيط اليا ضرب موجه الجال
غريمهم شـاف الغرابيـل والويـل
وصبيهـم ينطـح ثلاثيـن رجــال
وقت اللقا له ضربةٍ تسقـط الخيـل
كل الدواسر ياهل العـرف ابطـال
فعل القبايل غصن وافعالهـم سيـل
واخص منهم عمي معـرب الخـال
طير الهدد ذيب الجلد ذابـح الحيـل
المجلـس اللـي للمناعيـر مدهـال
من عقبه اصبح (حاتم) بعيني ابخيل
هذاك ذكـره بـدل اليـاس باامـال
وهذاك ذكره كنّـه الشمـس بالليـل
والطيب لو له هامة اتطاول اجبـال
تصير ساس لطيب راس الرجاجيـل
مادام فزعة لابتـي روس الامـوال
والنخوة بعمي هي ذخـر المقابيـل
لاقلت ابن زايد من الوقـت لامـال
تضحك لي الدنيـا ويتعـدل الميـل
ماهو غـرورٍ لكـن الحـق ينقـال
انا شموخي عانق الجـدي وسهيـل


خـالـد الودعـانـي الـدوسـري

 

 

 

 

[معلومات العضو العماني]

لاهنت اخوي بويوسف وبيض الله وجهك

وصح الله لسان الشاعر خالد الودعاني

تقبلوا تحياتي،،

 

 

 

 

[معلومات العضو يحيى الودعاني]

تسلم أخوي يوسف

ولاهنت يالقرم

و صح لسان الشاعر خالد الودعاني

 

 

 

 

[معلومات العضو أبويوسف الودعاني]

الله يجزاكم خير كلن بسمه


اسعدني مرووركم وتعليقاتكم

 

 

 

 

[معلومات العضو سالم الغريري]

صح لسانك ولسان الشاعر خالد الودعاني


ويعطيك العافيه على الاختيار الجزل