|
|||||||
03-01-2007, 11:48 PM
|
#1 | ||||
|
مساجله شعرية بين الهاجري والعرجاني والحارثي والودعاني
انقل لكم القصائد التي يقال سجن من اجلها الشاعرين الكبيرين ضيدان بن قضعان العرجاني وسلطان بن وسام الهاجري وكل ماحدث بينهم من مساجلات شعريه وقصيدتي محمد الحارثي وبندر الودعاني أولا قصيدة الشاعر سلطان بن وسام والتي كانت موجهه لضيدان عندما سافر لدولة الامارات بالله يأهل دبي ولا هل العين من قال تبشر به عطيته بشاره قرناس عشر سنين وأربع وعشرين الله وش فيه من الوفا والقشاره وأن قام يدرج عينه يسار ويمين مثل الخفير الي مداقش خفاره ياشيب عيني لاكفخ بالجناحين أسبق من طيار الآباتشي طياره ما هاجر إلا بين خضر البساتين في ضيافة الي مايحسب للخساره يخلي مراحين ويملى مراحين بيمنى من صدوف الليالي مجاره يمنى الكريم مبدل العسر باللين نعم نعم فزاع نمر النماره أشهر ابراج العام الأول وذالحين برجين برج إيفل وبرج التجاره وضيدان يكرم في ضيافة كريمين كنه من آل مكتوم والدار داره فندق جميرا بيتش ومالية حمر عين من مر منهم قام يمسح جداره واليوم ياضيدان وينك وانا وين خليتني مابين تاره وتاره أشيل ما شالت ظهور البعارين وأصد غاره واتصدى لغاره رد عليه ضيدان بن قضعان بهذه القصيده البارحه في الدور واحد وخمسين شبيت من راس الفتيل الزقاره وكنيتها لين أمتلن الشرايين لعلها تطفي لهيب الحراره ولفتها والدمع في محجر العين والدمع ماسال لكنه رهين الإشاره أقرأ وعيد الخط مره وثنتين وأقول من صدر(ن) تحطم عباره لبيه ياسلطان لو نازح البين يزوي سرابه ويتركز غباره غربه حاديني من الفقر والدين ماحد ابو عرام يجلب قشاره ونصيت ربي ثم نصيت السلاطين اللي تحفظ لكل رجل وقاره ومن فضل رب البيت مابين عدين بين أحمد وحمدان والعلم ساره في فلةً في دبي ملكي ودورين تعلم البدوان فن الحضاره قدامها لنكن وكدلك ورنجين والبر عزبه وفي المدينه عماره وأن طعتني روح علي يا أحمر العين بشت الغناه ولا بشت الاماره ومن لا يعشق له وحدة من هل العين عز الله أن باقي حياته خساره وهذه قصيدة محمد الحارثي التي يهجو فيها ضيدان وسلطان في عامنا الخامس بعد عام الألفين كم هاجسن حامي يجيني زياره اليا احتمى الهاجس وجينا محامين مثل الزناد الي تقادح شراره كلام ابن وسام مابين قوسين زود مرارته القديمه مراره وكلام مسلط شيخ كل الجمالين كله بياض وفيه رمسه سماره ياثنين يالي بالقصيد متواصين شطار لكن غيركم بالشطاره شاطر شطير الحد ماينتهي لين يديركم بين الفلك في مداره مير اسمعوها زبدة الهرج ياثنين ياصحابنا الي تعشقون الأثاره نعمين ياهل دبي والعين نعمين ياهل المقر الي يذري جداره بافعالكم كل المخاليق مقرين ولا ينجحد طيب النشاما وكاره الي كتب فيكم من المدح بيتين مدحه تجاوز واختلف عن مساره من وين ياضيدان وموجهن وين عفت الاماره راغبن في التجاره ترى الملوك الي على الحق والدين ثارت على البيدا بعز وجداره خلو لك خدود ولغابيب وبطين ياحيف ياناسي معاريف داره ياما نصيت قصورهم تشكي الدين وحدن تعذر لك وجاك اعتذاره وسافرت تشكي فقر ياسكن بين قوم تمد ولا تحسب الخساره منهم يابن قضعان يكفيك ثنتين يوم ان شخصك يحسبون أعتباره قصر على سطحه علم راية الدين وجيب شعار الداخليه شعاره وصفت نفسك عقب رحلتك للعين سواة من بذ العرب بالخطاره وان كنت عايف من وطن نجد ذالحين سلم جوازك لا وصلت السفاره والمركز الي من ورى جوده يمين لازم حكومتنا تعجل قراره ويصدر بعد تعيين ضيدان تعيين لملهي تسلم ختوم الاماره ضيدان مادامك على الراس والعين ثوب لبسته لا تقطع زراره ونرضيك لو تزعل بحاشي وشاتين وان طولت بالحيل ددسن غماره وهذه قصيدة الشاعر بندر الودعاني وهي عباره عن اعتذار باسم ضيدان وسلطان
واجهت في وسط الجزيره ذلولين وحده لأبن وسام ووحده لجاره محمله عذر الرجال العزيزين اللي لهم في ساحة العز غاره مرسولهم سلطان شيخ السلاطين الي فعول الطيب دايم شعاره يمناه ام الخير والعطف اللين مانافست يمناه الا يساره والهاجري وضيدان اول وذالحين قصيدهم دايم ثقيل عياره وفي ملوكنا كل الصحف والدواوين تفخر بهم بين البدو والحضاره على العهد باقين باقين باقين بكل ما تعنيه هذي اعباره وان كان اخطو ماتخل الموازين كبوة جواد ولا تغير مساره ولا نيب أقيم من تهز الميادين اللي لهم في الشعر بصمه وشاره لكن حاديني على القول بيتين من شخص قام يهف فوق الشراره ماهوب داري لكن الناس دارين ان كل قوم ينتقدم خياره وانا اعرف ان الشعر سيف بحدين وبعض الشعر يرجع عماره دماره هذا وانا من صلب جد الوداعيين الي يمد الجار سبة اجداره
|
||||
|
|
|
|
04-01-2007, 02:36 AM
|
#2 | ||||
|
مشاركة: مساجله شعرية بين الهاجري والعرجاني والحارثي والودعاني
يعطيك الف عافية على الاختيار المميز
|
||||
|
|
|
|
04-01-2007, 03:23 AM
|
#3 | ||||
|
مشاركة: مساجله شعرية بين الهاجري والعرجاني والحارثي والودعاني
اولا اررررررررررحب يالركن ملاييييييييييييييييين وعز الله انه موضوع منتاز جدا واختيار طيب ونقل اروع
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 11:08 AM
