كيــف توصـف المـطر وتنقل علــوومه .....؟

[معلومات العضو المـزوون]

الســــلاااااااااااااااااام عـــلاااااااااااااااااااااكم ..


يقووول .. كيف توصف المطر وتنقل علومه ...


موضوعنا يتكلم عن كيف تنقل علوم المطر والخير بذرابه وبوصف يكون دقيق وفي محله

من اكثر الاشياء اللي تنتقد الشيبان في شباب ذا الايام هي جهلهم في بعض الاوصاف والمصطلحات اللي استخدامها يعتبر في بعض الاحيان مامنه بد

ومنها كيف تنقل علوم المطر والخير خاصه ان جيتهم من ديره بعيده او رحت عساس او كشات راح تواجه السؤال التالي ::

وش وقع الارض وش علومها وش علوم المطر أرب الارض ممطوره خاصه اذا كانو يتحرون الخير

وهنا لازم تكون ملم في بعض الاوصاف والمصطلحات اللي تعتبر مقياس... لانك مو معقوله تقوله واجد او شوي لان الواجد والشوي وصف عام ولا يشفي قلب النشاد واذا اللي يسأل شايب تلقاه يا بيصد عنك والا يمكن يقولك منتب من اهل العلم ومراحك زي مجيك

نبدا في الاوصاف بترتيب في مايخص المطر




اوله هو مصطلح " مابل الدمن " وتتبعها بقول من هالاقوال ماعند الله بزهيد او الله يجيب الخير

والمصطلح هذا يرمز الى ان المطر كان قليل لدرجة انه الله يكرمكم ما بل الدمنه

وينقال بطريقه هاذي

والله مامن مطر يذكر رشه مابلت حتى الدمن وماعند الله بزهيد والله يجيب الخير ويرزق المسلمين


الثاني " دم الارض " وتتبعها بقول من هالاقوال ماعند الله بزهيد او الله يجيب الخير

والمقصود منه انه بل الارض حتى تساوى لونها وصار شيفة الارض دل انها مبلوله

وينقال بطريقه هاذي
والله مامن مطر يذكر رشه دمت الارض وماعند الله بزهيد والله يجيب الخير ويرزق المسلمين


الثالث هو ::: " شد الوطي " وتتبعها بقول من هالاقوال ماعند الله بزهيد او الله يجيب الخير

وشد الوطي هو انه الارض مايظهر بياضها اذا وطيت سواء كانت وطيت ادمي او مطيه او غيره ولو حفرتها بتلقى ان الماء
يكون ماتعدى نص الكف هذا يقاله شد الوطي اما اذا تعدى له وصف ثاني

وينقال بطريقه هاذي

اللهم لك الحمد جتنا رشة طيبه ولحقت شد الوطي وان طرح الله فيها البركه وجاها رجع و ولي طيب بتحل بركتها

مقايس الحفر وهي للارض الدماث الرمليه اما الصخريه لها مصطلحات ثانيه
بعد هالمصطلحات يجي مقياس الحفر والواحد ان كانه داري انه بيوجه احد من ذا الشيبان لازم يتجهز له بالعلوم اللي تسره ولازم تحفر وتشوف الحفر واذا زاد عن نص الكف او لحق الكف يذكره لهم

وينقال بطريقه ذي

جانا مطر زين وحفره لحق الكف او دونه شوي واذا امكن يعلمهم بحدود المطر .. وهم بيقولون حدوده وين وش دياره هنا يا انه يقول كذا وكذا والا يقول والله ماعلمنا بحدوده ولا واجهنا المخبر ويخلص نفسه

وبعدين الحفر اللي اكثر من الكف هو ملتحم الذراع وهو الرسغ في المنطقه اللي يغيب فيها العظم

وينقال جانا مطر طيب وحفره ملتحم ذراع دونه او زود شوي والله يجيب الولي وترجع الارض


وعقبه حفر الى الكوع

وينقال كذا

المطر معاد عنه منشود جانا مطر طيب وحفره حول الكوع والله يطرح فيه البركه ويرجع الارض

وجملة ماعاد عنه منشود هي كنايه ان الخير جا ولاعاد تنشدون عن حفر ولا غيره في الامطار اللي بتجي عقبه لان الارض بتنبت ولاهيب محتاجه الا اللي يقوي عود النبت وهذا اقل شي يكفيه وكل قطره بها حيا

الحفر اللي ازود من الكوع مبالغه ولا له داعي وضياعه من راعيه <---------- شايب يوم سمع ولده يقول يبه الحفر مترين

وصف السيل في الارض الرمليه

سالت وانقعت الارض والمقصود هنا مهيب مواطي الارض لا تخربطون بينهم المقصود الارض المستويه تكون فيها نقع يعني حار الماء والارض روت ... وملاحظه مهمه ترى اللي بيطالع المواطي والا النقع اللي حول الزفلت بيكون علمه مهوب دقيق الان الما يتجمع حول الزفلت لو ينزل ادناة الدون

ويقال في الوصف له وقياسه سيل اظهر روبة الارض ( من جريان الماء في الارص وفي روس الصياهد يطلع الرمل الناعم الابيض ويقلب الارض )

ويقال في اقوى درجاته فتق الجحور وشق روس الصياهد انه من قوتها هدم الجحور وسو مجاري ماء في المنحدرت من روس الصياهد

اما الارض العزاز والصخريه يقال حار الما وزاعته الارض وامتلت الخباري وسالت الشعبان
ومن صعب وصف الارض الصخريه لانه صعب الحفر بس عين الخبير تعرف توصف لانها تغر الواحد



(( وجعل يسقى أذا جاء المطــــر..))



وتقبــلووو .. تحيـــــــــــــــــاتــــي ...


اخيـــــــتكم .. المـزوون ...

 

 

 

 

[معلومات العضو سالم الغريري]

يا سلااااااااااام عليك يا المزوووووون



موضوعك طيب عزالله ومعلومات ومصطلحات مفيده


خصوصا انه عن المطر والخير


عسى الله يجيبه ويسقي الارض


لا تبخل علينا بمثل هذي المواضيع


وعساك على القوة دايم الدوم

 

 

 

 

[معلومات العضو رماد]

/
\

الأختـ المزون
يعطيجـ الف عافيهـ على هذي الأوصـافـ
بصراحهـ معلومـات مفيدهـ
يعطيج الف عافيهـ

 

 

 

 

[معلومات العضو المـزوون]

اللــه ميـر يسلمك .. اخوي . سالم الغرير ..
ويعطيــك العافيه .. على التواجد .. لاهنت .. وانشاللــه اله يسمع مـنك ..
وياجعله يسقى المطر ... ومربــاعنــا يــزين ..
وتبــقل ... تحيـــــــــــــــاتــي ..
اخيـــتــك .. المـزوون ..

 

 

 

 

[معلومات العضو المـزوون]

اللــه يعافيــك .. اخوي .. سلطاان الليـل .. وتسلم .. ولاهنت .. على التواجد ..

وهذا مطلبناا . الاستفاده . للكل .. وابشر بالخير ..


وتقبــل تحيـــاتــــي ..

اخيــتك المـزوون ..

 

 

 

 

[معلومات العضو الخيلاء الدواسر]

الأخت المزون
يعطيك الف العافية
بعلومات جيده منك
يعطيك الف عافيه

 

 

 

 

[معلومات العضو يحيى الودعاني]

لاهنت أختي

وبيض الله و جهك

موضوع طيب ومعلومات قيمة

 

 

 

 

[معلومات العضو الركن]

الأخت مزوون
وعليكم السلام ورحمة الله وبركاته
موضوع شيق ويستاهل القراءة مرات ومرات بل الحفظ وأنا أقراء المشاركه أتخيل ان هناك شخص جالس أمامي ويسولف بهذه المصطلحات
الله يعطيك العافية

 

 

 

 

[معلومات العضو المـزوون]

الأخت المزون
يعطيك الف العافية
بعلومات جيده منك
يعطيك الف عافيه


اللـه يعافيك .. اخوي .. الخيلااء الدوسري ..

وتسلم .. ولاهنت على التواجد ..


وتحيـــــــــــاتــي ...

المـزوون ..

 

 

 

 

[معلومات العضو المـزوون]

لاهنت أختي
وبيض الله و جهك
موضوع طيب ومعلومات قيمة


اللــه يسلمك .. ويجزاك خير .. والله لايهينك ..

ويعطييك العافيه .. اخوي .. يحيى الودعاني .. على التواجد ..


تحيــــــــــــــاتـــي ..


المـزوون ...

 

 

 

 

[معلومات العضو المـزوون]

الأخت مزوون
وعليكم السلام ورحمة الله وبركاته
موضوع شيق ويستاهل القراءة مرات ومرات بل الحفظ وأنا أقراء المشاركه أتخيل ان هناك شخص جالس أمامي ويسولف بهذه المصطلحات
الله يعطيك العافية


اللــه يعافيــك .. ويسلمك .. اخوي .. الركن .. وصحيح كلاامك .. واللـه ان من كثر

ماقريته ..حفظته .. حلو الواحد يعرف مصطلحاات .. يعني نادر تنقال الحين .. يعني تصير عنده خلفيه على الاقل ...

وتسلـــــم اخوي .. ويعطيــك العافيه على التواجد .. لاهنت ...


وتحيــــــــــاتـــي ..


المـزوون ...

 

 

 

 

[معلومات العضو ابن وتيد السباعي]

الاخت/المزون

بيض الله وجهك على هذا السرد الشيق في وصف المطر وعلوم العساسه

موضوع قيم جداً يشرح مصطلحات العساسه و صف المطر

لك كل الشكر على ما قدمتي و ما تقدمين

لك اجمل وارق تحيه

من اخوكـ/ابن وتيد المسعري

 

 

 

 

[معلومات العضو المـزوون]

الاخت/المزون
بيض الله وجهك على هذا السرد الشيق في وصف المطر وعلوم العساسه
موضوع قيم جداً يشرح مصطلحات العساسه و صف المطر
لك كل الشكر على ما قدمتي و ما تقدمين
لك اجمل وارق تحيه
من اخوكـ/ابن وتيد المسعري


اللــه مير يسلـمك .. اخوي . ابن وتيد.. ويعطيك العافيه ..

والحمدالـه .. انه .. نال على استحسان.. الجميـع .. الموضوع .. واستفاد .. مــنه ..


وتســلم .. اخوي .. ولاهنت .. على التواجد ..


تحيــــــــــــــاتـــي ...


المـزوون ..

 

 

 

 

[معلومات العضو عبدالله بن عريمة]

الاخت مزون موضوع فريد من نوعه ومفيد

وشرحك وافي استاذة مع درجة الامتياز

 

 

 

 

[معلومات العضو المـزوون]

اللـــه يسلمك اخوي .. عبدالله بن عريمه .. وحضورك الفريد .. لاهنت على التواجد ..

تقبل تقديري .. ومع التحيــه ...


المـزوون ..