|
|||||||
05-11-2006, 01:13 PM
|
#1 | ||||
|
ماهي مطيه مـن شراهـا وسمهـا
سبحان محص الناس جيل بعد جيل=وأرزاق خلقه بين خلقـه قسمهـا وأرسل لهم فالكتب قرآن وإنجيـل=وسيطر على كل الأمـور وحكمهـا ياللي تخيل الناس قلي وش إتخيـل=النـاس مولاهـا يراقـب ذممهـا مانته معدلهم على الكيـف تعديـل=خل العظام كسارهـا فـي لحمهـا ورفيقك اللـي مايراعيـك بالحيـل=جرب حقيقة رفقتـه مـن عدمهـا حده على بعض القصا والغرابيـل=يبيـن لـك منهـا قفاهـا وفمهـا إن كانها رفقـة مجامـل وتمثيـلج=جرت بعيرٍ جاء الرشاش ودهمهـا إعرف ترى مالك وراها محاصيـل=وأبرك لك إنك طالعٍ مـن غسمهـا ولاتستمع في تاجر القـال والقيـل=ناسٍ تبيع بـ(سـوق قالوا)ذممهـا حسـاد والحسـاد دايـم مغالـيـل=عين الحسد ماوفـق الله سهمهـا الحاسـد النمـام مقهـور وخبيـل=عقرب وضم تلدغ وتزبن وضمهـا وراقب ولي الكون بالصبح والليـل=اللي حصد روس الطغاه وصرمهـا ترى الغرور أكبر مرض للرجاجيل=ليا حل بالنفس الشجيعـه هزمهـا لك موعظه في سورة العصر والفيل=أصدق من الأبيات واللـي نظمهـا وإجلس مع ثقاة الرجال الحلاحيـل=جلسة حلاحيـل الرجـال إغتنمهـا تلقى مجالسهـم مـزوح وتعاليـل=وسوالف ماهيـب يسمـج طعمهـا تاخذ بها حكمه وعـرف ودواليـل=ويبعد شقا روحك ويبـرد نسمهـا إرفع مقامك كنك الجـدي وسهيـل=وناس تبادلـك إحتـرام إحترمهـا المرجله تقسيـم بيـن الرجاجيـل=ماهي مطيه مـن شراهـا وسمهـا هاذي مثايل شعـر مثـل القناديـل=تجلا ظـلام القلـب للـي فهمهـا من هيض هاجوسٍ تدفق كما السيل=تجي لـه الأبيـات لـو ماعزمهـا وسلامتكم ،،، عسى أن تنال رضاكم.
|
||||
|
|
|
|
05-11-2006, 01:47 PM
|
#2 | ||||||
|
مشاركة: ماهي مطيه مـن شراهـا وسمهـا
ابن العم / صالح الجعيدي
الله لا يهينك ويبيض وجهك على نقل هذه القصيدة الجزلة المليئة بالحكم والمواعظ .. وصح الله لسان الشاعر الكبير/ فيصل الرياحي (( العيّه )) على هذه القصيدة.. ولاتحرمنا من جديدك يالقرم لك مني فائق الشكر والتقدير
|
||||||
|
|
|
|
07-11-2006, 08:57 AM
|
#3 | |||||
|
مشاركة: ماهي مطيه مـن شراهـا وسمهـا
اقتباس:
الأخ الغالي/ عبدالرحمن الشرافى
من قال ما يهان ،،، وعسى وجهك وايامك ما تشين. و لاهنت على مرورك وتعليقك الطيب. مع خالص التحية والاحترام
|
|||||
|
|
|
|
07-11-2006, 04:19 PM
|
#4 | ||||||||
|
مشاركة: ماهي مطيه مـن شراهـا وسمهـا
ابن العم الغالي : " صالح الجعيدي "
|
||||||||
|
|
|
|
08-11-2006, 01:29 AM
|
#5 | ||||
|
مشاركة: ماهي مطيه مـن شراهـا وسمهـا
السلام عليكم ورحمة الله وبركاته,,,,
|
||||
|
|
|
|
12-11-2006, 07:48 AM
|
#6 | |||||
|
مشاركة: ماهي مطيه مـن شراهـا وسمهـا
اقتباس:
أرحــب يأبو محمد "يالغالي"
مواضيعي إذا ما قريتها ما عليها حلى ،،، لا هنت على مرورك الكريم. صح ابدانك ،،، مع خالص التحية والتقدير من أخوك/صالح الجعيدي
|
|||||
|
|
|
|
12-11-2006, 07:50 AM
|
#7 | |||||
|
مشاركة: ماهي مطيه مـن شراهـا وسمهـا
اقتباس:
هلا بك أخوي/ خاطر محمد الخاطر ،،، وعسى أيامك أفراح يالغالي.
ولا تهان ،، كلامك الطيب من طيب أصلك ،، لا هنت على المرور الطيب. مع خالص التحية والتقدير من أخوك/ صالح الجعيدي
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ماهي امنيتك لهذا اليوم... | نفحات نور | :: قسم المـواضيع الـعامــة :: | 5 | 10-06-2010 05:54 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:29 PM
