سوال لهل القصيد والشعار

**معلومات** **العضو** · 13-02-2006, 11:28 PM

السلام عليكم ورحمة الله وبركاته
مساكم الله بالخير وهذي ابيات قالها واحد من الربع يمدح رفيقه بس مدري ويش رايكم فيها بكل صراحه ومن ناحية الوزن والقافيه والبيات هي

يالله ياكاتب جميع المقادير ........................ يامن على خلق بتمشي أقداره
ياربنا المعبود والي التدابير ......................... ياداحر الباطل وهاتك استاره
سر ياقلم واكتب حسين التعابير ................... من ضامر مافيه حقد وغياره
لمحمد المنعور عشير المناعير .................... راعي الكرم وراعي الوفاء والنعاره
لاجا المسير عنده ريض السير ................ يلقى صحون الضان زود فقاره
من لابة هل الناموس قول بتفخير .............. أهل الشجاعة والكرم والظفاره
وختامها صلو على النبي راعي التباشير .............. عداد ماغرد الطير بول نهاره
وسلامتكم

**معلومات** **العضو** · 14-02-2006, 09:31 PM

وعليكم السلام ورحمة الله وبركاته

أبو مبارك الدوسري

مساك الله بالسرور والعافيه

أحييك على طرح هذه الأبيات للتعليق عليها

وبما أنك طلبت التعليق عليها بصراحه وأنا صريح فسوف أعطيك رأيي بكل صراحه

الحقيقه مضمونها لابأس فيه ولكن ينقصها الوزن والتركيب للمفرده بالشكل السليم

ولو كتبها شاعرها بما يلي لكان أفضل

يالله ياكاتب جميع المقادير=يامن على خلقه يمشي أقداره
ياربنا المعبود والي التدابير=ياداحر الباطل وهاتك استاره
سر ياقلم واكتب حسين التعابير=من ضامر مافيه حقد وغياره
لمحمد المنعور ريف المسايير=راعي الكرم راعي الوفاء والنعاره
لاجا المسير صوبهم ريَض السير=يلقى جليل الضان وإلأ الفقاره
من لابةٍ يوم الملاقى مناعير=أهل الشجاعة والكرم والظفاره
وختامها صلو على هادي الخير=عداد مايولج بليله نهاره

تقبل ودي وتقديري وتقبل نقدي وتغيير القصيده

محب الجميع : دغش البطي

**معلومات** **العضو** · 14-02-2006, 10:41 PM

مشكور اخوي أبو مبارك الدوسري على هذا الطرح الرائع ، وشكرن للمشرف والشاعر دغش البطي على هذا التعليق الجميل وعلى التعديل الأجمل فتسلمون على هذه المواضيع والتي سيستفاد منها بلاشك.وشكرن لكم

**معلومات** **العضو** · 15-02-2006, 12:08 AM

ارحب يا بو بطي والله يعطيك العافيه ومشكور على الابيات وعزالله إنك ماقصرت ومشكور على النقد الصريح وسمحلي الطشها منك واعطيها خوي هههههههههههه
وتقبل ودي تقديري
أخوك أبو مبارك الدوسري

**معلومات** **العضو** · 15-02-2006, 12:21 AM

مشكور أخوي ماجد الدوسري على مرورك وتعليقك

**معلومات** **العضو** · 17-02-2006, 02:40 AM

صح لسانك يابومبارك وان شاء الله الى الامام

واشكرك اخوي الشاعر/دغش البطي على التوضيح لاخونا ابومبارك ولاهنت

**معلومات** **العضو** · 17-02-2006, 06:53 PM

صح بدنك يالودعاني والله لايهينك على مروك ومشاركتك

**معلومات** **العضو** · 19-08-2006, 05:00 AM

أضـــــــم صوتي .. الى دغـــش

وتحياتي لكم

**معلومات** **العضو** · 20-08-2006, 07:03 PM

ابن العم / ابومبارك ..

اولا: اهنئك على وسع صدرك . وقبولك للنقد وهذه ميزه نادره

ثانيا : صح اللسان اخوك .. ولا فض فوه .

و اتقدم بالشكر الجزيل للشاعر الكبير (( ابو محمد ))

واتمنى من جميع الشعراء الجدد

ان يطرحوا قصايدهم وان يطلب من الشعراء انتقادهم وتببين اخطاءهم

وياليت كل الشعراء الجدد مثلك يا ابو مبارك .. يقبلون النقد .

تقبل تحياتي

**معلومات** **العضو** · 20-08-2006, 09:09 PM

الغالي : ابومبارك الدوسري

بداية موفقة نأمل تكرارها مراراً حتى تصل لمبتغاك ومُـرادك

أمنياتي لك بالتوفيق

.

**معلومات** **العضو** · 01-11-2006, 11:33 AM

بالتوفيييييييييييق يا بو مبااااااارك

بس ممكن اتواصل مع الموجودين حاليا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فضل صيام الستّ من شوال	عبدالكريم العماري	:: القسم الإسلامـــي ::	13	18-09-2010 12:49 PM
حجب موقع الإسلام سؤال وجواب	أحمد شمس	:: قسم السياســة والإقتصاد والأخبار ::	3	07-09-2010 12:05 AM
سؤال الذي شاب منه الراس	خليفه الفصام	:: القسم الإسلامـــي ::	8	30-08-2010 09:31 PM
ابســـألك.. ياا دنيــــــــاا ؟؟ بس سؤال وصارحيني ؟؟؟	جنوون أنثى	:: قسم الـشعر العــام ::	3	16-06-2010 07:10 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية