محاورة قووووية ( الاعمى , الغامدي)

**معلومات** **العضو** · 26-08-2006, 12:11 PM

اخواني أخواتي ..

أسعد الله اوقاتكم بكل خير ...

انقل لكم هذه المحاورة وهي تكملة سلسة المحاورة اللي طرحتها ..

وقد جرت هذه المحاورة بين الشاعرين / عبدالله بن سنان العتيبي( الاعمى) والشاعر / عبدالله الغامدي .

يبدأها ( الاعمى ):

يابن غامد على راسك تدور الدواير= مير ليتك تجنبها بأقل الخساير
لو تجيب العلوم ولو تجيب البصاير= انت مطلوب في قتلت رفيق الحريري

يا زينها زيناه في قصر البدر = لا والله الا جابك الله للخطر
00000000000000000=0000000000000000

الغامدي :

لو يدرو الزمن مانختلف يالذيابي =انا حاسب حسابك وانت حاسب حسابي
أنت خندف وابن خندف وخصمي شبابي = الله أعلم بقتلك يا رفيق الحريري

يا زيناه زيناه من بعد السفر= زميلي ابن سنان ياكل واجبه
جيت الخطر وابشر لك بموتٍ حمر= يخلي الصاحب يقدر صاحبه

الاعمى:

لا تحدى العرب منته بكفو التحدي = انت ورعن من الورعان منته بقدي
جعل بيت بليا ساس ينهد هدي = الله أعلم بقتلك يا رفيق الحريري

انا لقيت الغامدي علة نحر = لكن ما يحصل على اللي يطلبه
انكان ضايق دق راسك بالحجر= اليا زعت اركب بعيرك واشعبه

الغامدي:

ابن غامد تحدى فالمواقف تحده = وانته منته بجدي يمكن تصير جده
وانكان عودت سالم فألزم أطراف جده = الله أعلم بقتلك يا رفيق الحريري

الغامدي علة نحر كل الغجر = الشله اللي كل ديس تحلبه
انا ادري انك غير عن كل البشر = تدور بعير ركوب تركبه

الاعمى :

صرت غشاش وانته ماتعرف الغشاشه =ما يحول بوسط النار غير الفراشه
مير ليتك تمثل مثل خاله قماشه = الله أعلم بقتلك يا رفيق الحريري

الغامدي مجنون بجنون البقر = واللي سوى شكله عسى الله يذهبه
لا تبلش العربان يا وجه القشر = ماغير مثل الثعل يومي بذنبه

الغامدي :

الذيابي من الدوم والا الحويه = ما يشوف الدروب ولا يشيل الهويه
زين وجهه يمثل مثل خاله رقيه = الله أعلم بقتلك يا رفيق الحريري

يا أصحابنا بــ أقولها بالمختصر = هذا الذيابي رايح(ن) قش أصلبه
عمك وهمك لو يطول بك الدهر = أن سدتك والا نعيد التجربه

الاعمى :

الذيابي عزيز ومن قبيلة عزيزة = ويتغلب على أخصامه بفترة وجيزة
وانت وجهك سوات الهندي اللي بفيزة = الله أعلم بقتلك يا رفيق الحريري

يا مصور الحفلة تعال أخذ الصور = ما دام صارت كركبه في كركبه
يا والله الا ساع جابتك القدر = يالصاحب اللي ما يقدر صاحبه

الغامدي:

انا ربعي رجال مابهم زود شكه = والعتيبي نعرفه لا زم(ن) كل سكه
دايم يحكحك جنوبه وداخله حكه = الله أعلم بقتلك يا رفيق الحريري

يا مصور الحفلة ترى فيها خبر = فيه الذيابي مبتلش بالحبحبه
يا ريس الشرطه نبي ضابط خفر = بلشت في عميان ملعون رقبه

الاعمى:

ماهرجنا بربعك فالجبال العسيرة = وانت نقص عليهم يا قليل البصيرة
مير انا بنصحك للأولة والأخيرة = الله أعلم بقتلك يا رفيق الحريري

انا مع اهل العرف لي وجهت نظر = والغامدي يا مكذبه يا مكذبه

وسلاااااااااااااااامتكم

( المحاورة خاصه بمنتدى قبيلة الدواسر)

**معلومات** **العضو** · 26-08-2006, 01:45 PM

ارررررررررررررحب يا ابو سالم

حيه وحي ماجاب

بيض الله وجهك يالقرم على هذه المحاوره القويه والشرسه

لك جزيل الشكر وفائق الاحترام

من اخوك/ابن وتيد

**معلومات** **العضو** · 29-08-2006, 11:05 AM

**معلومات** **العضو** · 05-09-2006, 06:19 PM

اقتباس:

المشاركة الأصلية كتبت بواسطة ابن وتيد

ارررررررررررررحب يا ابو سالم
حيه وحي ماجاب
بيض الله وجهك يالقرم على هذه المحاوره القويه والشرسه
لك جزيل الشكر وفائق الاحترام
من اخوك/ابن وتيد

و وجهك ابيض
ولاهنت على المرور

**معلومات** **العضو** · 05-09-2006, 06:20 PM

اقتباس:

المشاركة الأصلية كتبت بواسطة دغش البطي

وجهك ابيض

ولاهنت على المرور اللي شرف الموضوع

لك مني فائق الشكر

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية