|
|||||||
14-08-2006, 06:07 PM
|
#1 | ||||||||
|
ردوا الخناجر في الحناجر
الأسئله جرّت وراها الإجابه=والنار مصدرها تراها شراره
كراسيٍ دارت وأسماء تشابه=إلا محدثك الجدي في مساره لاتقول بن فراج نَص الكتابه= قول إن ما يكتب صريح العباره لاتقول مبدع والمطر في سحابه=قول إن هطل فبشر ورهن الاشاره لاتقول ظامي والورق هو سرابه= قول الحبر يشرب دماء الإثاره لاتقول بحر الحزن بحر الكآبه=قول الجزر والمد سر إنتصاره لاتقول ظالم قول قايد عصابه=قول إنه ارهابي وشدّد حصاره قول العطا في يوم خلّص زهابه=قول الغنى ما زاده إلا خساره قول العفو شيمة كريمٍ عفابه=قول البطل يبقى بطل في انكساره ان طاح قالوا الناس عنّه زلابه=وان قام قالوا (وَلّْ) كلّه شطاره وان صاح قالوا له عذابه عذابه=وان طار قالوا صقر شاف الحباره وان هام قالوا له قراحٍ شرابه=وان صام قالوا من وراه ويساره الصمت للرجّال أكبر مهابه=ولا تكلم قيل هذا وقاره ان قلت وما قلت كلي غرابه=مثل البدو الحين قمّة حضاره مثل الشجر لاصار في وسط غابه= مايثمر الا لارمته الحجاره مثل النجم وقت الضحى مادرابه=الا النجوم الي معه في مداره مثل الذي بيني وبين القرابه=انا السفير اللي بليا سفاره يا حول ياليل الشقا من سرابه=مخاويٍ جوعي وذيب المغاره يا ناشدٍ ين محمدٍ عن غيابه=ردوا الخناجر في الحناجر وداره
|
||||||||
|
|
|
|
15-08-2006, 08:08 AM
|
#2 | ||||
|
رد: ردوا الخناجر في الحناجر
ان قلت وما قلـت كلـي غرابـه=مثل البدو الحيـن قمّـة حضـاره
صح لسانك يالقرم على هذه القصيده الرائعه لك اجمل وارق تحيه من اخوك/ابن وتيد
|
||||
|
|
|
|
15-08-2006, 01:30 PM
|
#3 | ||||||||
|
رد: ردوا الخناجر في الحناجر
الشاعر محمد بن فراج الدوسري
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:49 AM
