أعجبتني هذي القصيده أدخل واحكم

[معلومات العضو يوسف بن حسن الحقباني]

	اعس الحرف عسٍ ماخبرته في الوطا عسّاس= واشوف الناس من حولي رجاجيلٍ وعسَّاسه

	طلعنا في كشته في روضة خريم ومعنا مجموعه من المدرسين ( سعوديين واخوان لنا أجانب ومن ضمن الإخوان واحد مصري ( اسمه حمدي ) احفظوا اسمه زين لأن اسمه حلو ؛ جلسنا على جهاز ( الكنود icom ) اسمي في الجهاز ( الجسَّاس ) عوَّدنا للرياض والرجال ماش ما خش مزاجه ( جسّاس ) سألني في المدرسه ليش أنتى بقه اسمك ( قسَّــاس ) قلت : والله تبي العلم ؟ قال : أّمَّــال ؟ قلت وش رايك أجيبه لك بكره قال : حازر مافيش مانع . واسمعوا و احكموا ولا تبخلون بالاقتراحات

يوسف بن حسن الحقباني

	يقول الصاحب المنعور ورا اسمك من قديم الساس=تقول اسمي أنا الجساس وتفخر رافع راسه شبحته شبحت العاقل وقلت العلم في قرطاس= أبين لك وش الاسباب واحكمها من دراسه اعس الحرف عسٍ ماخبرته في الوطا عسّاس= واشوف الناس من حولي رجاجيلٍ وعسَّاسه أنا ليَّـه ثمان سنين اشيل اسمي مثل جسّاس= طواه الوقت والشدات ومات وماحدٍ ناسه أصوغ المدح من نظمي من اللولو مع الالماس= وميَّز ذهبها الصافي من التقليد و نحاسه أصوغ المدح لاهل المدح وافهم وش اصل الاجناس= ترى الجساس من بكر ٍ و وايل ساسي وساسه أصوغ الذم لاهل الذم هل الكرياع و الكرياس = تجاهل ما تعرف الكوع وش فرقه بكرياسه وعقبه قلت أنا بانشدك انا باسألك يا بن الناس = وش اسمك قال : أنا حمدي وعقبه كشّح اضراسه وقلت:والله نعم واكرم و(حمدي) كاتم الانفاس = وقال : ارجوك غور عنَّي وطلَّع زفرة أنفاسه أنا ماجيتنا ( لــحــمدي ) هو البادي وانا جلاَس= بغرفة للمعلم بس طَــلـَعْ له شيب في راسه هذي أبسط هديه قلتها في حضرة الاحساس=وبهديها لكل اللي يعرف المجد بـــدراســـه ترى العاقل يحسب احساب ( حمدي ) بالبشر أجناس=وترى العاقل هو اللي ينظر لخصمه من افراسه

*************************

 

 

 

 

[معلومات العضو فهد الغريري]

أصوغ الذم لاهل الذم هل الكريـاع و الكريـاس=تجاهل ما تعـرف الكـوع وش فرقـه بكرياسـه

الشاعر العزيز يوسف بن حسن الحقباني

صح الله السانك وعتلا شانك وزادك الله من زوايد فضله التي لا تنقضي

يعجبني شعرك عسى الله ان يهنك في عمرك

وعز ان الثقل بعيد عنها اخي العزيز

تقبل منى فائق التقدير والاحترام

اخوك / فهد الغريري,,,

 

 

 

 

[معلومات العضو العماني]

بوحسن صح الله لسانك على القصيدة الطيبه

وعزالله ماقصرت يالقرم

تقبل تحياتي،،

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

أصوغ المدح من نظمي من اللولـو مـع الالمـاس=وميَّـز ذهبهـا الصافـي مـن التقليـد و نحاسـه
أصوغ المدح لاهل المدح وافهم وش اصل الاجناس=ترى الجساس من بكر ٍ و وايـل ساسـي وساسـه
أصوغ الذم لاهل الذم هل الكريـاع و الكريـاس=تجاهل ما تعـرف الكـوع وش فرقـه بكرياسـه

الشاعر الراقي : يوسف حسن الحقباني


عزالله العزيز إنك رديت على( حمدي بيه )


قصيدة في منتهى الروعة والجمال ورد بليغ لحمدي


صح الله لسانك ملاييييييييييييييييييين


تحياتي العطره


محبك ومحب الجميع : دغش البطي

 

 

 

 

[معلومات العضو حزين الحرف]

يوسف
صح لساااااااااانك على القصيده الرائعه
ابدعت فيها وبينت مافي داخلك بقصيده في قمة الروعه