دواسرٍ لا زعزعن العزاوي

[معلومات العضو راشد المسعري]

السلام عليكم ورحمة الله وبركاته:

أبيات في الدواسر للشاعر المبدع مطلق بن عبدالله الحصان آل عمّار ، اترككم للإستمتاع بهذه الجزالة:-

يـقــول مـنـهـو للمـثـايـل هــــواوي
يتـلّـهـا تــلّــه زعـاجـيــل الآقــطــاع

لامـن بغـيـت الـقـاف مـالـه مــلاوي
ينقاد لي مـن جملـه الفكـر مطـواع

برايـقـه تشـعـق بغـيـمـه سـنــاوي
وإليا احتما تظرب صواعق للآسمـاع

ينـهـلّ مـاطـرهـا وسـيـلـه نـحــاوي
الحـق جذيبـه فـي مغيبـه إلـى زاع

سخرّتهـا فـي مـدح ربعـي مـهـاوي
لعـلّـهـا تـوفــي بـوافـيـن الآسـنــاع

دواســرٍ لامــن عــوى كــلّ عــاوي
تقدم علـى الجـزلات لامـن دعـا داع

دواســرٍ ســمٍّ عـلـى كــلّ غـــاوي
للسيف سيف ولطيـب السلـم بِتّـاع

دواســـــرٍ لازعــزعـــن الـــعـــزاوي
توفي إلى قامت على الكيل بالصاع

دواســـــرٍ لاروّحــــــو بــالــحــداوي
تجزع سبور القـوم مـع كـلّ مطـلاع

دواســـــرٍ لاضــيّــعــنّ الــهــقــاوي
تـآصــل هقـاويـهـا ولـلـحـقّ قـطّــاع

دواســرٍ عـــوقٍ لـعـسـر الـدعــاوي
لا أوحـا عزاويـهـا غــدى لــه تـجـزّاع

دواســـرٍلانـــوّخـــنّ الـــــبـــــلاوي
جـزّت حبـال الهـمّ عـن كــلّ ملـتـاع

دواسـرٍتـضــرب بــحـــدّ الـنــقــاوي
على الوعد فالوجـه والسيـف لمّـاع

دواســـرٍ حـــدٍّ رهــيــفٍ شــقــاوي
على العـدا لا زاع مـن بيـن الآضـلاع

دواســـرٍرمـــحٍ شـطـيـرٍسـطــاوي
إليـا ضـرب فالـجـوف حـطّـه تـمـزّاع

دواســـرٍ مـنـهــا يــجــظّ الــغــزاوي
مـن حدّهـم يضـرب تفاكـيـره اربــاع

دواســــرٍ فـالـطـايــلات الــعـــلاوي
يرسـخ بهـا مجـدٍّ علـى كـلّ مـذيـاع

دواســـرٍ مـنـهـو نـصـاهـا جــــلاوي
ينـزال هـمّـه كــنّ مالحـقـه اوجــاع

دواســـرٍ مـنـهـا عـجــز كــــلّ راوي
يـذكـر فعايلـهـا ومــن كثـرهـا ضــاع

دواســرٍ مــع كـــلّ مـجــدٍ تـهــاوي
ورسومها فالوقـت مـن كـلّ الآنـواع

دواسـرٍمـعـهـا تــــزول الـشـكــاوي
واللـي يشاكيهـا جلـت عـنـه الارواع

دواســـرٍ ضـلــعٍ طـويــلٍ صــــداوي
يرسي ولا هـزّه مـن الوقـت زعـزاع

دواســـرٍ تـقـطـع رجـــيّ الـمـنـاوي
امسى عشا للطير غادي لـه امـزاع

دواســـرٍجـــمٍّ غـــزيـــرٍ رهــــــاوي
على الخوي برده على الكبـد لافـاع

دواســرٍ ســـارت بـجـيـشٍ نـــداوي
في رايه اهل الدين ترفع لهـا شـراع

دواســرٍ ســارت بـحـث الـخـطـاوي
يـوم الملـك فـي نجـد للحكـم نــزاع

دواســـرٍ ســـارت بـلـيـل حــــراوي
لفتح الريـاض وكبّـر الحـق شعشـاع

دواســـرٍ والـحــق مـاهــوب ثـــاوي
يوم الرغامـة فـي مقاديمهـا سبـاع

دواســـرٍ حـصــن مـنـيـع وعـــراوي
لـلـي لحـقـه مــن الليـالـي تـجـرّاع

دواســرٍ يــوم الـمـوسـس يـــداوي
نجـران فـي فتحـه لهـا مركـز وبــاع

دواســــرٍ مازعـزعـتـهـا الـمــهــاوي
جيـزان فـي فتحـه لهـا مـوقـفٍ ذاع

دواســرٍيــوم الـمـحـنّــك قـــــداوي
حــدّ البريـمـي راح ســوره تـشـلاّع

دواســـرٍ يـــوم الرضـيـمـه فـــداوي
جت له مقيّدت الجمل تسهـج القـاع

دواســرٍ فــي معركـتـهـا شـفــاوي
فــي وقـعـه الـهـدّار والــروح تنـبـاع

دواســرٍ يــوم الـشـريـف الـمـكـاوي
تناوشـنّـه عــن زبـيـنٍ شـكـا الــلاّع

دواســـرٍ والـلــي زبـنـهـم خـــلاوي
يسـلا ولا كنّـه مــن الـوقـت مـرتـاع

دواسـرٍ مــع بــرك ســارت تـخـاوي
تقدى عقيـدٍ طيـب فعلـه لـه اصـداع

دواســــرٍ فالـمـعـتـلا والـضــمــاوي
من دونـه الحربـات والخصـم ينصـاع

دواسـرٍ مـثـل الشـهـاب السـمـاوي
صمّ الجبال الشامخـه حطّـه اقطـاع

دواســرٍ كــم شـيـخ قــومٍ نـعــاوي
تـنـعـاه قـومــه راح راســـه تـفــلاّع

دواســـرٍ لامـــن تـغـلّـى الـغــلاوي
باعت رخيص الروح مـن دون مهـزاع

دواســرٍ مــن دون سـتـر الغـطـاوي
تمـوت مايكشـف لهـا سـتـر وقـنـاع

دواســـرٍ تـكـسـب كـبــار الـغـنـاوي
كـم هجمـةٍ زاعـو بهـا بيـن الآفــزاع

دواســرٍ لاطــاح وســـمٍ سـخــاوي
قطعانهـم ترعـاه فــي كــلّ مـربـاع

دواســـرٍ بالـطـيـب ديـــمٍ حــيــاوي
يـــروي ولا يـجــرح لـوبـلــه تـتـبّــاع

دواسرٍبـالـفـعـل مــاهــي تــــراوي
تفعـل ولاتنشـد مـن الغيـر مطـمـاع

دواســـرٍ والـعــذر مـنـهــا رجــــاوي
عجـزت اعـدّ فعـول مجـدٍّ لهـا شــاع

 

 

 

 

[معلومات العضو محبكم الدوسري]

ماشاء الله
كفوا بالدواسر
وصح لسان العماري
ولايهون المسعري في النقل الرائع
توثيق مبدع للقصائد الخالدة في التاريخ عن
قبيلتنا الغراء
لاخلا ولاعدم

 

 

 

 

[معلومات العضو راشد المسعري]

أرحب ياالمحب الدوسري

وانت وافي طال عمرك ومرورك على الموضوع يسعدني

تقبل ودي وتقديري ،،،