قصيدة فخر في الدواسر .للشاعر:محمد مسفر شارع ال ناهش.

**معلومات** **العضو** · 22-04-2010, 07:29 AM

قصيدة فخر في قبيله الدواسر وفي بدايتها مدح لشخص يعز علي ولم اذكر اسمه لطلبه ذلك.

يافلان يالمنعور راع الجميلات..............................لا اصتصعبت الالغاز حلالها انته .

راعي الصخا والجود وقت الصعيبات....................من يزهمك وقت المواجيب عنته

امون مثلك يومك تحل لزمات...............................ما كان عندك يافتى الجود منته.

حيثك شجاع لك مواقف وفزعات.........................صبي الخساير والشكاله بخنته.

حبيت اشجعكم بمضمون الابيات.............................ولا فطيبك مايبى زود سنته.

قرم نهار الضيق للضد زتات...........................واذا القوم قالوا من فتى خلته انته.

واسخى من الوسمي مزونه مجيدات....................سبحان رب خالقك كيف كنته.

تصبرعلى الايام لا جن كدرات...........................ولو شان وقتك يافتى الجود زنته.

حبيت اداعبكم بطرق عجيبات..............................طرق القوافي ما تعسر وزنته.

ومسخر كل القوافي على ات..........................وما شذ من الميزان قمت ولعنته.

تاتي تتابع خانعه لمر ذا الذات.....................................والعبها لعب البلوت وبلنته.

ورث لنا من ذا الجدود القديمات...........................من عصر عاد وشعرنا دان دنته .

يالي لدانه يا لدانه لدانات .....................................السامري معروف لامن لحنته .

ربعي دواسر كاسبين الطوالات............................اهل الفخر والجود وامه وبنته .

اولاد زايد كالسباع الجسيرات........................من طاح في دقل الضواري عجنته .

يشهد لنا جساس يوم المثارات...............................التغلبي دمه ثعل من طعنته.

ثم خاضها مهلهل على بكر غارات..........................والتغلبي كل القبيله حضنته .

تغلب وزايد فعلهم هاي هيهات...............................هيهات تلقى مثلهم لو فهمته.

تداسروا واللي حصل صار لزمات..............................مهوب بنى الاول نجود لبنته .

مصرور مع حقبانهم والخييلات........................والمشوي اللي ينتسب من عدنته.

وصبيان زايد تهدي الروح بيعات........................كم شيخ قوم في الملاقى هتمته.

خوال الاسره محتمين الونيات.............................ينبيك عنهم ذكرهم لا استبنته.

وصلاه ربي عد روح وجمادات..........................على النبي ماساق راعي لغنمته.

{ارجوا ان تحوز على رضاكم واستحسانكم},,,,,,,,,,,,,,

**معلومات** **العضو** · 22-04-2010, 08:04 AM

اسخى من الوسمي مزونه مجيدات
سبحـان رب خـالـقـك كـيـف كـنـته

تصــبرعلى الايـام لا جـن كــدرات
ولو شان وقـتك يافتى الجود زنـته

حـبـي،ت اداعـبكم بطرق عجيبات
طــرق القـوافي ما تعـسـر وزنـته

صح الله لسااااااانك يابن ناهش
يابومسفر
مع كل مشاركة والله يتبيّن لنا
من هو
محمد مسفر بن شارع
شاعر جزل وفكر وبدع وطريق
خــــاص بمحمد
استمتعت والله باختيارك لقاف غير مسبوق
وبقصيدك المغاير
والنعم برجال تغلب
ولآد زايد
وكلهم عينين في راس دوسر
وكفو بك وبخويك الممدوح
اسعدني مروري تقبله لاهنت..

**معلومات** **العضو** · 23-04-2010, 06:20 AM

الشاعر:مبارك جوير .
لاهنت ولاعليك زود وصح بدنك .......وابشر انشاء الله بالجديد.

**معلومات** **العضو** · 23-04-2010, 07:02 PM

الشاعر الجزل محمد بن مسفر

صح لسانك واعتلى شانك على هذه الرائعه الشعريه

جزله وقصيده وافيه وبيض الله وجهك في مدحك واعتزازك

بربعك ,, دمت بخير يامبدع

**معلومات** **العضو** · 23-04-2010, 07:16 PM

الشاعر الجزل محمد بن مسفر

صح لسانك واعتلى شانك على هذه الرائعه الشعريه

**معلومات** **العضو** · 23-04-2010, 08:43 PM

صح لسسسانك يا ابو مسفر
على القصيده الجزله من وااحد راعي جزلُ
وبيض الله وجهك يا القرمُ
ولك من ارق التحايا

**معلومات** **العضو** · 24-04-2010, 12:24 AM

{نايف الخييلي ومحمد الشكره وناصر الدوسري } .

لاهنتوا واشكركم على متابعتي.

**معلومات** **العضو** · 10-05-2010, 12:56 PM

لا هنتوا واشكركم على متابعتي

**معلومات** **العضو** · 10-05-2010, 12:58 PM

لا هنتوا واشكركم على متابعتي

**معلومات** **العضو** · 12-05-2010, 10:40 PM

محمد بن شارع

صح لسانك .. وبيض الله وجهك ويستاهلون الطيب من مدحتهم

تقديري.

**معلومات** **العضو** · 14-05-2010, 11:52 PM

فارس الدبالين لاهنت واشكرك على متابعتي .

**معلومات** **العضو** · 31-08-2010, 07:02 AM

صح لسانك يابن مسفر شاعر جزل وابيات جزله

لاهنت وبيض الله وجهك

فارس فرعة الوداعين

**معلومات** **العضو** · 07-05-2012, 07:28 AM

ياسلام يابو مسفر شااااعر جزل

**معلومات** **العضو** · 07-05-2012, 03:46 PM

صح لسانك يابن مسفر شاعر جزل وابيات جزله

لاهنت وبيض الله وجهك

**معلومات** **العضو** · 11-06-2012, 09:21 PM

صح لسانك يابو مسفر على ذالقصيده الجزله

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية