قصيدة في محمد بن سعيد بن جزوا الحرارشةالدوسري

[معلومات العضو ابن اللدام]

ياراكب اللي له معايير واقياس = من صنع واشنطن جديد موديلة
سواقه اللي مايهملج بالانعاس = لا طاح جفن اللي همومه قليلة
ودريولة درعان من بدة الناس = اخوي شيال الحمول الثقيله
يرسل سلامي صوب من يرفع الراس = للشيخ ابن جزوا صبي الجميلة
سلم علية اعداد ماهب نسناس = واعداد ماهل المطر من مخيلة
واعداد مايذرا الهواء روس الاطعاس = واعداد مادنا المسافر رحيلة
لاجيت بيت مشرع الباب للناس = للجار واالخطار نارة كليلة
يارث مقام الجود ساس على ساس = واليا عطا مدة يمينة جزيلة
تلقى دلال شوفها يجلى الاعماس = وترحيبة تشفي الكبود الغليلة
وعود يمشى والمطاليق جلاس = في مجلس من ضاق صدره يجيله
وحيل شحمها فوقها ماله قياس = في بيت رجال يمثل قبيلة
ابو سعيد الله يجيره من الباس = ياقل والله في القبايل مثيلة
راس يروس الطيب ماهوب يراس = والطيب كايد والرخامة فشيلة
مدحت ابن جزوا وحضرت الاحساس -= طلق الحجاج اللي يمينه طويلة
من لابة خيالهم يلبس الطاس = ويروي محاديب السيوف الصقيلة
دواسر تركب على قب الافراس = من طاح بين خيولهم عزتيله
دواسر تاخذ على القوم مرواس = كم راس شيخ من متونة تشيلة
دواسرفي ساعة الضيق فراس = لاطار ستر ام العيون الكحيلة
كم شيخ قوم وصلهم له تضراس = وخلي عشى السرحان يوم الدبيلة
واختامها صلوا على سيد الناس = على شفيع الخلق سيد الفضيلة

 

 

 

 

[معلومات العضو ابومبخوت الدوسري]

صَح لِسَانُك وَلِسَان قَايَلْهَا وَلَاهِنْت ع الْنَقَل وَيَسْتَاهَل ابْن جُزُّوا مَاقِيْل فِيْه تَقَبَّل تَحِيَّاتِي ,,

 

 

 

 

[معلومات العضو ابو زيد الغييثي]

راس يروس الطيب ماهوب يراس = والطيب كايد والرخامة فشيلة

لاهنت يا ذيبآن و صح السان من قالها

ويستهل ابو سعيد ما قيل فيه

 

 

 

 

[معلومات العضو عبدالله الحافر الغييثي]

صح لسان شاعرها ويستاهل الممدوح ولاهنت يالقرم