قصيده وصف الابل لشاعر / محمد بن اقحيفان الخضراني الدوسري في احد المزاينات

[معلومات العضو لابتي الدواسر]

قصيد وصف الابل لشاعر /محمد بن مسفر ابن قحيفان الخضراني الدواسري

يالله يــــــــارب العـــــــــبـاد المصلـيـن = انــــــــك تعـز البـل وناسـن قنتـهـا
وانـك تقبـل دعــــــــــوه المستغيثـيـن=وترجـــــعلهـا فـي ديرتـن داهلتـهـا
ماحـــــــدر العـارض الا حـــــــد يبريـن=لقصى محيط الشرق هـاذي جهتهـا
من منطقه زايـــــد وســلطـان ويميـن= هـاذي مرابيـهـا وذي منطقتــــــــهـا
مدهال ملحن طايـره شبـح وذهـــيـن=ياطـول غاربهـا وطــــــول رقبتـهـــــا
ملحن غشاها الملح والنـــــور والزيـن= مـن خفهـا لراســــــــهـا وشعفتـهـا
تفرق عـلــــى صيغـه اكبــار العثانيـن=بالخشـم والخــــده وطـول سبلتـهـا
عسما يدين مثل وصــــــف الموازيـن= يعجبـك ماطـــــا خفهـا وعــسمتـهـا
الا وطت في الارض كـــــن البراكيـن=مــــــن ثقـل ماطاهـا تفجـر تحـــتهـا
فجحا عريضت ساق في خفهـا قيـن=تعجبـك لامـــــــــن دبـرت بفجحتـهـا
قطاعت الفرجـه واهلـــــهـا محيليـن=كـم ديرتــــــن مـــــن ديرتـن قربتهـا
الابـــــــل عطايـا الله غنـات المقليـن=الا ربـــعـت فـــــــي ديـرتـن قبلتـهـا
يازينها لاجـــــات مـن خايعــــن زيـن=وامست شباع وجـــــات حـل ثورتهـا
قامولـهـا رعيانـــــــهـا بالمواعــتتـيـن=وتـرزمـــــــت حيرانـهــــــــا لبهلـتـها
والابل لها عنــد الرجـال العزيزيــــــن=قيمـه وعصمـان الشــــــوارب قنتهـا
يرعونهـا اللــــي يحتمـون المخليــن=كـم جملـتـن ذيدانــــــــــهـم ذيرتـهـا
دواسرٍ يـــــــــوم المغـازي خطيريـن=كـم دار قومــــــن هجنهـم ناوشتـهـا
دواســــرٍ لاجا اللقـاء تنـزع الديــــن=وكم هجمتن من دارقومـــــن خذتهـا
واليوم في حكم الشيـوخ السلاطيـن= اللـي مناهيـج الشريعــه مـــشتـهـا
اللـي تـــــــرد الـحـق للمستحقـيـن=لـو كـان وزن الخردلــه رجعتهــــــا
الله يثبتنـا علـى منـهـج الــــــديـن= في ظل مـن عـم السـعـد مملكتهـا
دوله هل العوجـا سعـوط المجانيـن=اللـي حمـت حدانــهـا وحــــــتمتـهـا
والله يكافيـنـا شـــــر الشياطــــيـن=اللـي معـالـم دينـهـا هــــدمــــتــهـا
المرعبيـــــــن الخاينـيـن الخبيثـيـن=اللـي وصـاه الله لعـبـده نستــــهـا
وارجو السموحه من الرجال الحشيمين=اللـــــي يسايـق طيبـهـا معرفــتـهـا
ودي بمدح ادنا المعارف والاقصيـن=ميــــــر القصيـده حـرت بمناسبتـهـا
واختــرت من زين الثمر بيـت بيتيـن=خوفـــــــــن عليهـا لاتضيـع ثمرتــهـا

وصلو على المرسول سيـد النبييـن وســــــــــــــــــــــــــــــــــــــــــــــــ ـــــــــــــــــــــــلامــــــــــــــتكــــــمـ

 

 

 

 

[معلومات العضو عبدالله الحافر الغييثي]

صح لسان ابن قحيفان وهو علم من اعلام شعراء الدواسر ولاهنت يااخي الفاضل

 

 

 

 

[معلومات العضو ابو حسين الدوسري]

صح السان الشاعر محمد بن مسفر الخضراني وتسلم يمينك اخوي

خالص التقدير

 

 

 

 

[معلومات العضو الواااثق]

ابن قحيفان علم من اعلام شعراء ال زايد والدواسر كل الشكر لك عالقصيده ..

 

 

 

 

[معلومات العضو ناصر بن فهد]

الله الله
صح لسان شاعرهاُ محمد بن قحيفان الدوسري
وصح لسانك ولآهنت وبيض الله وجهك على النقل

 

 

 

 

[معلومات العضو سهل الدوسري]

ابن قحيفان علم من اعلام شعراء الدواسر

والله يصح السانه

 

 

 

 

[معلومات العضو شافي بن راشد النتيفات]

صح لسان ابن قحيفان وهو علم من اعلام شعراء الدواسر
ولاهنت يااخي الفاضل