|
|||||||
25-01-2010, 03:33 AM
|
#1 | ||||
|
الشاعر عبدالله العصيمي يمتدح خطلان الايدى الدواسر
ياشعر دام اني مضريـك بالخيـر=رد الكرامه مـن سلـوم الشهامـه
ماعاد فيه اليـوم ياشعـر تاخيـر=اقـدم علـى عـدٍ وقابـل مقامـه صوت الموده مع ضريس النواعير=والشول جايٍ له على الما ابترامـه اتزيـن الحيـه رقـاب الاباكيـر=ويقـول عبـدالله ويجـزل كلامـه اجذب منه مايجذبـون الشواعيـر=جزل البيوت اللي تجمـل مقامـه سـلام حـق للرجـال المناعيـر=من هاجس صادق صدق في سلامه سلامٍ احلى من حليب المصاغيـر=تاطا السهل ما عرضـت للعدامـه في ضفكم ترتع سهاف المعاشيـر=ترعى الخطر وانتم حماة الجهامـه من دونها صوت العزاوي محاذيـر=مثل الرعود اللي تزيـح الظلامـه صوت العزاوي عز دون المضاهير=زايـد وتغلـب كاسبيـن الزعامـه وان حافها الطماع ماحافه الخيـر=غشيـم راي وغـارقٍ فالغشـامـه يرسون مثل طويق والا كما النيـر=والا كما ضلع رسـا فـي تهامـه ميـراده محقـق بقاعـة زمهريـر=جداه عقب العـز عضـه بهامـه واللي نجا يـردف دعاتـه بتكبيـر=يالله بغـزوه تاليتـهـا السـلامـه وان طوحن بالصوت بيض الغنادير=ودون المعقل صار نطل العمامـه ثم ثار عج الخيل مثـل المعاصيـر=وغطا على روس النشاما غمامـه يـروون حـد مصقـلات بواتيـر=ويجلون هم اللـي تزايـد عسامـه شجعان ماهابوا جمـوع وطوابيـر=وكلن يدور نجدتـه فـي حزامـه يردون حوض مايـروده مصاديـر=الا غـلام وسـط قلبـه قـرامـه من فوق قبٍ في رباهـا سعاطيـر=لا ارخو لها قامت تخوض الرغامه ياقـوم ياعنتـر وياسالـم الزيـر=وياقوم ابو زيد المسمـى سلامـه افعال حـق ولا روايـه اساطيـر=وشهودها التاريخ واهـل الفهامـه خطلان الايدي فالليـال المعاسيـر=ياقـاري التاريـخ فسـر كلامـه ماصكوا البيبـان دون الخطاطيـر=ومقابليـن ضيوفـهـم بابتسـامـه تشهد لهم صفر الـدلال المباهيـر=وحيل عليها من الشحـم ماترامـه امشرعيـن ابوابـهـم للمسايـيـر=للضيف والطرقي ربيـع وكرامـه اهل الكـرم ماحسبـوا للمخاسيـر=كـلام حـق ولا عليـه مـلامـه هذا وانا من لابـة تخصـم الغيـر=عتيبه الهيـلا علـى العـز هامـه ماضي وحاضر والشواهد تقاريـر=في دفتر التاريـخ حطـو علامـه اللي قرا يلقـى عظيـم التفاسيـر=واللي جهل ما احد نشد وش علامه وكـل القبايـل وافيـه بالمعاييـر=والطيب ماهو حكر والا انقسامـه قلت الحقايـق دون زودٍ وتزويـر=والحق يلـزم للرجـال احترامـه
|
||||
|
|
|
|
25-01-2010, 03:52 AM
|
#2 | ||||||
|
رد: الشاعر عبدالله العصيمي يمتدح خطلان الايدى الدواسر
صح السان العصيمي وسلمة يديك يبو سالم
|
||||||
|
|
|
|
25-01-2010, 03:57 AM
|
#3 | ||||||
|
رد: الشاعر عبدالله العصيمي يمتدح خطلان الايدى الدواسر
|
||||||
|
|
|
|
25-01-2010, 05:23 AM
|
#4 | ||||
|
رد: الشاعر عبدالله العصيمي يمتدح خطلان الايدى الدواسر
الأخ العزيز محمد بن سالم الخضران
|
||||
|
|
|
|
25-01-2010, 03:03 PM
|
#5 | |||||
|
رد: الشاعر عبدالله العصيمي يمتدح خطلان الايدى الدواسر
اقتباس:
ارحب تراحيب الحيا وصح بدنك ونعم بعتيبه الهيلا تقبل تقديري
|
|||||
|
|
|
|
25-01-2010, 08:00 PM
|
#6 | ||||
|
رد: الشاعر عبدالله العصيمي يمتدح خطلان الايدى الدواسر
خطلان الايدي فالليـال المعاسيـر
ياقـاري التاريـخ فسـر كلامـه ماصكوا البيبـان دون الخطاطيـر ومقابليـن ضيوفهـم بابتسـامـه تشهد لهم صفر الـدلال المباهيـر وحيل عليها من الشحـم ماترامـه امشرعيـن ابوابهـم للمسايـيـر للضيف والطرقي ربيـع وكرامـه اهل الكـرم ماحسبـوا للمخاسيـر كـلام حـق ولا عليـه مـلامـه صح الله لسان الشاعر العتيبي ولا ماعليهم زود لاهنت ع النقل أخي الكريم وبيض الله وجهك
|
||||
|
|
|
|
25-01-2010, 10:56 PM
|
#7 | ||||
|
رد: الشاعر عبدالله العصيمي يمتدح خطلان الايدى الدواسر
صح لسان الشاعر عبدالله العصيمي
|
||||
|
|
|
|
25-01-2010, 11:02 PM
|
#8 | |||||||||
|
رد: الشاعر عبدالله العصيمي يمتدح خطلان الايدى الدواسر
|
|||||||||
|
|
|
|
25-01-2010, 11:13 PM
|
#9 | ||||
|
رد: الشاعر عبدالله العصيمي يمتدح خطلان الايدى الدواسر
.
. • صح لسان الشاعرٌ عبدالله العصيميُ وصح لسانك يا ابوسالم على النقل الطيبٌ ولاهنت يا القرمُ
|
||||
|
|
|
|
29-01-2010, 07:20 PM
|
#10 | |||||
|
رد: الشاعر عبدالله العصيمي يمتدح خطلان الايدى الدواسر
|
|||||
|
|
|
|
01-02-2010, 11:18 PM
|
#11 | |||||
|
رد: الشاعر عبدالله العصيمي يمتدح خطلان الايدى الدواسر
اقتباس:
صح بدنك ولاهنت على المرور ووجهك ابيض
|
|||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:37 PM
