ماكل داعي .. نوجّب له وناتي له ..

[معلومات العضو ثامر البدراني]

السلام عليكم ورحمة الله وبركاته

هذي قصيدة قريتها وهي جميله ..

لشاعر يمدح القحاطين

ويحق لكل شاعر انه يمدح قبيلته

وانا نقلته من باب الامتاع الشعري ..

ومنتدانا يضم جيمع انواع الشعر من فخر وغزل وغيره ..

اتمنى ما تضايق احد القصيده ..

يقول الشاعر ..

ماكل داعي نوجّـب لـه .. ونأتـي لـه =بعض الدعاوي .. بعيني مالهـا داعـي !
الاّ ... ليا جـات مـن مكـرم هشاشيلـه=نا أتيه .. لوّ كان نحفي روس الأكواعـي
سلام لهل الظفر .. ياقـف علـى حيلـه=ويومي بكفّه .. علـى ذربيـن الأسناعـي
اللـيّ لهـم مجـد فـي نجـد ومداهيلـه=وروسٍ على الروس روس وذكرهم شاعي
قومٍ تفـكّ الجمـوع .. وتنطـح الزيلـه=بمصقـلاتٍ لصمـخ الـروس بتّـاعـي
كم راس شيخٍ فنى .. وأفنـت محاصيلـه=وحامو على أبله .. وشاعو كلّ مشواعـي
قـومٍ تعـزّ القصيـر .. وتكعـم العيلـه=وتكرم خطاطيرهـا .. وتقـدّر الساعـي
لاقيل منهم ... وقـف جيـلٍ ورى جيلّـه=قحطان ساس العرب .. ذربين الأطباعـي
يشهد لهم نجد .. وأحجـازه .. وأسافيلـه=وشرق الجزيره .. وفعلٍ شاع وأنذاعـي
بشلفٍ تفجّ الظلـوع .. وترجـح الكيلـه=وترفع من العود .. والمسلوب.. والراعي
وسوٍ على الليّ من أشعافه .. شعف خيله=يرجع وكبده مـن الشرهيـن .. تنلاعـي
طيب الجحادر شهر .. والطيـب يأويلـه=وصيت العبيدي .. قنيفٍ لـه تشعشاعـي
ومن روس منهل عبيده ؟ جنـب يركيلـه=قومٍ علـى الضـدّ .. قاسيـنٍ وقطّاعـي
هواجـرٍ حظنّـا الطيّـب .. زمـا سيلـه=وعلى الرفاعه .. بيوت العـزّ شرّاعـي
ظفريـن .. لاقـدّم العـايـل مراسيـلـه=ونهوش للضد هـوش انمـور واسباعـي
نقلـط بجنـدٍ .. يـروع القلـب تهليلـه=ونغيـر .. ليـن العـدوّ يعـود ملتاعـي
بسيوفنـا نحتمـي .. ســودٍ مباهيـلـه=ترعـى عناقيـد نبـتٍ .. تـوّ مافاعـي
حبيـت ابيّـن بعـض مـابـان تأويـلـه=ولا أجحد الطيبيـن .. بكـل الأقطاعـي
وأختامهـا .. ماهمـل وبـل بهماليـلـه=سلام لأهـل الظفـر ذربيـن الاطباعـي

للشاعر فالح بن قشعم الهاجري

وتقبلوا اطيب تحيه ..

 

 

 

 

[معلومات العضو العماني]

صح الله لسان الشاعر الهاجري في مدحه لبني عمه قحطان ويستاهلون القحاطين المدح

تقبل تحياتي،،

 

 

 

 

[معلومات العضو ثامر البدراني]

يا هلا فيك يا العماني

شرفت موضوعي بردك الجميل

مشكور على تواجدك

لك مني اطيب تحية يا الذيب ..

اخوك ثامر

 

 

 

 

[معلومات العضو محمد ال بو زمام]

وعليكم السلام ورحمة الله وبركاته



تسلم يمناك اخوي ( ثامر البدراني ) على هذه القصيده . . .


وصح لسان الشاعر الهاجري اللي يمدح قبيلة القحاطين ونعم فيهم . . .



تقبل تحيات اخوك محمد بن عبدالعزيز . . .

 

 

 

 

[معلومات العضو ثامر البدراني]

يا هلا والله فيك يا أخوي محمد

اسعدني ردك وشرفني

لك مني احلى تحيه

 

 

 

 

[معلومات العضو بدر ناصر البدراني]

مشكور اخوي ثامر على نقلك..

الف شكر...

 

 

 

 

[معلومات العضو رعاد]

صح لسان قائلها وسلمت يمين ناقلها

يعطيك العافيه على الاختيار الرائع

بانتظار جديدك ولاحرمنا منك

 

 

 

 

[معلومات العضو يحيى الودعاني]

تسلم يمنيك أخوي ثامر
وصح لسان الشاعر

يستاهلون قحطان