مصيبه ولا لقينا لها حل ,.؟ارجوا الدخول من الجميع

**معلومات** **العضو** · 25-09-2009, 01:48 AM

السلام عليكم

ويالله حيهم

وش علومك عساكم بخير

المهم عندي موضوع ولا ادري هل هذا مكانه الصحيح او لا ,.

بصراحه ,

خلال تصفحي للموقع الشهير (( يوتيوب ))

لقيت مقاطع تسئ لنا واكيد مثلي ناس مروا على هذه المقاطع وناظروا وشافوا هذا الشي

اللي يتهزاء بالدواسر واللي يضحك عليهم واللي يقول اول مره اشوف واحد ابيض

وغيرها وغيرها من مقاطع ترفع الظغط وتعليقات تقهر الواحد ,

فياليت من اخوانا المبدعين في الانترنت يلتفتون شوي لهذه المقاطع او يعلمونا كيف تقفيلها

وكيف تنزيل مقاطع جديده ,,سواء كانت شعر او عرضات او مناسبات ,.او مزاينات الابل ومشاركة ربعنا فيها .

فأتمنى من الجميع التفاعل وعدم التكاسل بخصوص هذا الشي المهم لان سمعة قبيلتنا فوق كل شي ,.,

وانا عارف بيجي ناس وبيردون وبيقولون ماعلينا منهم ولا شكينا في انفسنا ,,

وهو صحيح حنا ماشكينا في انفسنا بس ليش الاساءه لنا وليه تشوفون هذه الاشياء ولا تسوون شي !!!!!!!!!!!!!!

انا صراحه تو طلعت من المقاطع ودخلت للمنتدى على طول ونزلت هذا الموضوع فليعذرني الجميع على عدم ترتيب الكلام والتنسيق,.,

فأرجوا من الجميع عدم الاتكاليه ويحط رجل على رجل ويقول فيه ناس بيسوون هذا الشي عني !!!!!!!!!

وانا والله العظيم لو اعرف لهذا الموقع كان مانزلت موضوع هنا ,.؟؟

شكرآ

اخوكم / دغش بن حمد بن منصور

**معلومات** **العضو** · 25-09-2009, 02:24 AM

الأخ العزيز : ابوحمد

كلام جميل وتطرق لمشكلة باتت تتعلق بكل من هو دوسري !!

نعم نحن نهيب بجميع أبناء القبيلة وخاصه لشباب

بأن يقفوا صفاً واحداً ممن يعرفون الدخول في (( يوتيوب ))

صحيح ان محداً بشاكن في نفسه ولا في ربعه لكن المسألة صارت اعلاميه

ولابد من التصدي لهذا الامر

وفق الله الجميع لكل خير وصرفهم عن كل شر

**معلومات** **العضو** · 25-09-2009, 02:42 AM

فيه طرق وشروحات ببعض المواقع عن كيفية ازالة اي اساءه فاليوتيوب
واستبدالها بمقطع مناقض او فقط الازاله !
*
*
*

**معلومات** **العضو** · 25-09-2009, 05:11 AM

بالعكس اليوتيوب فيه مقاطع كثيرة جداً للدواسر وأتوقع إن أكثر قبيلة لها مقاطع في اليوتيوب هم الدواسر
أما المقاطع والردود المسيئة فهذا ينطبق أيضاً على قبائل أخرى وليس خاصاً بالدواسر

وطريقة حذف مقطع يجب أولاً التسجيل في اليوتيوب ثم الدخول على المقطع المسيء واختيار كلمة FLAG أسفل الشاشة ثم اختيار سبب الحذف. والصورة توضح طريقة الحذف

أما طريقة حذف الردود اختر السهم المشير للأسفل بجانب الرد

**معلومات** **العضو** · 25-09-2009, 02:08 PM

اقتباس:

المشاركة الأصلية كتبت بواسطة فهد الغريري

الأخ العزيز : ابوحمد

كلام جميل وتطرق لمشكلة باتت تتعلق بكل من هو دوسري !!

نعم نحن نهيب بجميع أبناء القبيلة وخاصه لشباب

بأن يقفوا صفاً واحداً ممن يعرفون الدخول في (( يوتيوب ))

صحيح ان محداً بشاكن في نفسه ولا في ربعه لكن المسألة صارت اعلاميه

ولابد من التصدي لهذا الامر

وفق الله الجميع لكل خير وصرفهم عن كل شر

يامرحبا ومسهلا / يافهد

واعجبني كلامك الله يبيض وجهك وتفاعلك وردك السريع ,.,

ونتمنى ان هذا الشي يسوونه بني عمنا كلهم ,.,

لاهنت يالذيب

**معلومات** **العضو** · 25-09-2009, 02:10 PM

اقتباس:

المشاركة الأصلية كتبت بواسطة anood alriyad

فيه طرق وشروحات ببعض المواقع عن كيفية ازالة اي اساءه فاليوتيوب
واستبدالها بمقطع مناقض او فقط الازاله !
*
*
*

[color="navy"][size="5"]يعطيك العافيه على المرور

**معلومات** **العضو** · 25-09-2009, 02:14 PM

[QUOTE=عبدالكريم العماري;502281][SIZE="4"][FONT="Franklin Gothic Medium"]بالعكس اليوتيوب فيه مقاطع كثيرة جداً للدواسر وأتوقع إن أكثر قبيلة لها مقاطع في اليوتيوب هم الدواسر
أما المقاطع والردود المسيئة فهذا ينطبق أيضاً على قبائل أخرى وليس خاصاً بالدواسر

بالعكس ,., طيب رح اكتب في البحث الدواسر وشف وش يطلعلك

اما اكثر قبيله هم الدواسر ولهم مقاطع اي والله صدقت بس بشكل ثاني ومعروف قصدي

واذا صار فيه مقاطع اخرى للقبائل يعني نسكت والا وشلون !!!!!!!!!!!!!!!

المهم بيض الله وجهك على هذا على الشرح الوافي وياليت الجميع يعملون به وعدم مناظره الموضوع والخروج

واذا كان مجلاسنا على النت مافيه خدمه لربعنا ولقبيلتنا فنتركه احسن لنا !!!!!!!

**معلومات** **العضو** · 25-09-2009, 02:33 PM

بيض الله وجهك يادغش وانا معك في كل اللي قلته ....

وبيض الله وجه عبدالكريــــم على الشرح الواضح

والحين دورك ياذيب عليك بالمقاطع المسيئه للدواسر ما اوصيك

**معلومات** **العضو** · 25-09-2009, 03:10 PM

ووجهك ابيض يابو مبخوت

وابشر والله بسعدك

والدور على الجميع

وانا اكيد اني مانيب عارف في البدايه بس بحاول

وياليت الاخوان يعلمونا على التسجيل

لاهنتي الذيب

**معلومات** **العضو** · 25-09-2009, 03:29 PM

اقتباس:

المهم بيض الله وجهك على هذا على الشرح الوافي وياليت الجميع يعملون به وعدم مناظره الموضوع والخروج

ووجهك أبيض يابوحمد
وأنا قصدي بردي الأول إنك خليت الدواسر مستهدفين في اليوتيوب وهذا مبالغة

صحيح فيه مقاطع سامري وكاتبين دواسر وهذه إساءة كبيرة
لكن مقاطع القصايد والاحتفالات واللقاءات كثيرة
وأنا متأكد إن أكثر قبيلة لها مقاطع في اليوتيوب هم الدواسر

وهذا رابط لدوسري في اليوتيوب جزاه الله خير عنده 78 فيديو http://www.youtube.com/user/alduwasser502

أما المقاطع المسيئة تحتاج تعاون من الجميع لحذفها وإن شاء الله ما بنقصر

وبيض الله وجهك على حميتك وكثر الله من أمثالك

اقتباس:

المشاركة الأصلية كتبت بواسطة أبومبخوت الشكرة

وبيض الله وجه عبدالكريــــم على الشرح الواضح

ووجهك أبيض يابومبخوت

**معلومات** **العضو** · 25-09-2009, 03:55 PM

دغش الصخابره

بيض الله وجهك على هذا الموضوع وكلامك صحيح .

اللحين فيه ناس يحسبون الدواسر كلهم سود من شاف الأعبين الكوره المشهورين أمثال عبيد الدوسري ، الدوخي الدوسري ، معاد يبقى الي يقلون هوساوي الدوسري

لماذا كل هاالأجانب يتجنسون وعلى طول قبيلته الدوسري .

المفروض ان امراء الدواسر مايتساهلون في هذه القضيه أي واحد ماهو دوسري اصئيل يشيل اسم الدوسري ويكتب اسم عايلته .

وبعد كل هذا ان اهل الطبول يقال لهم الدواسر اللحين يجي على القنوات الفضائيه الشعبيه ويقلون سامري الدواسر ماهو في اليوتبوب بس . وكم مره حصل اتصال بيني وبينهم لاكن ماعليهم منك يقلون مااشتكى الأ انت وبعض اللحيان يقولون هذا لعبهم ماهم هم معاد عرفنا وش قصدهم لكن القضيه هذي انشاء الله يعالجها منتدانا

وبعد عن كل هذا ماوقفوا عند الدواسر وبس اللحين قد دخلو في فخوذ الدواسر بعد تمادوا اكثر هذا يقول الودعاني مثل لاعب الاتحاد سعيد الودعاني ومن يقول انا مسعري ومن يقول انا صخيبري وغيره هذه الفخوذ . انا اشهد انهم عنزوا .

والله انه القضيه هذي محيرتني كثيرن وهذه القضيه مافيها تساهل .

وشكرن يادغش مره ثانيه وبيض الله وجهك على هذا الموضوع الي في خاطري من زمان ومشكور ولك تحياتي .

**معلومات** **العضو** · 25-09-2009, 04:05 PM

عبدالكريم

ماقصرت وبيض الله وجهك

بس ياخوي المقاطع الل نزلتها هذي في قناة الدواسر بس هل هي موجوده في نفس الموقع يوتيوب

تراني ماافهم في النت الا شوي

وبعدين المقاطع واجد واذكر فيه كبتن طائره اسود وشغلوا سامري واستنزل

ومكتوب في نفس المقطع دوسري استنزل

وفيه مقطع ثاني فيه شباب دواسر يضحكون مع بعض وكاتب واحد في التعليقات

اول مره اشوف دوسري ابيض وهو يضحك

وغير هم وغيرهم لا ويقولون انتم يالدواسر تطقون الطبول واتوقع ان هذا غير صحيح

وهذولا شمر الاحرار يطقون الطبول ولا قالولهم انتم عبيد !!!!!!!!

لكن حنا نبي نوقفه

ونبي بيان لجميع الدواسر بهذا الشي

وياليت وانا اخوك تعلمنا طريقة التسجيل في اليوتيوب

ولا هنت ورايتك بيضاء

**معلومات** **العضو** · 25-09-2009, 04:09 PM

سعيد

ووجهك ابيض على هذا التعليق الطيب

وبالنسبه للاعبين واللي يطلعون في التلفزيون هذي مشكلة امرانا من اول تساهلو

ونشبنا فيهم كل من طلع قال انا دوسري

لكن حنا نبي الحين نحذف المقاطع في اليوتيوب وبعدين نشوف حل للباقي وياليت ان هذا الشي مايمر مرور الكرام

نبي وقفه يابن عمي تكفووووووووووون

الوضع في زود وحنا لاهين

**معلومات** **العضو** · 25-09-2009, 05:43 PM

السلام عليكم

مشكور يا دغش حرصك على سمعت الدواسر

وتبي الصحيح يا دغش ، قبيلة الدواسر ربما هي أكثر

القبائل العربية عدداً غالبيتهم هنا في الجزيرة العربية

وفي العراق وإيضاً يوجد منطقة تسمى الحويزه في إيران

وقد وجد فيها إبل تحمل وسم الدواسر هناك

وكما هو المعلوم في المنطقة الشرقية بأن الدواسر كثر فيها

ولهم صولات وجولات ، وهم لا يتكبرون و لا يبالغون بمدح القبيلة

وفي مرة من المرات كنت في دورة في الحرس الوطني

وكان هناك شخصان وقد قالا لي عجيب دوسري أبيض !!

فتعجبت منهم !! وسألتهم لماذا إستنكرتوا لوني !!

قالوا نعرف الدواسر هم أهل السامري والعرضة فقط .

من هنا نقول نحن الدواسر تربينا على الكرم والعز ولا فرق بيننا

سواء أبيض أو أسود أو بدوي ولا حضري ولا صانع

فكلنا سواسيه و هذا طبع الدواسر و أصول فيهم من القدم

وليس الآن !! فلا تعجب من شيئ !!

والله المستعان يا خوي ، ما على الدنيا إلا أصبورها ..

وشكراً مرة ثانية ..

**معلومات** **العضو** · 25-09-2009, 05:58 PM

بارك الله فيك يادغش والله يرحم شيبانك

ولاهنت على نقل المعلومه وان شاء الشباب ماراح يقصرون معك

تحيااااااااااااااااااتي لك

نايف ابن شميعان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 3 ( الأعضاء 0 والزوار 3)

		منتديات صحيفة وادي الدواسر الالكترونية