يازمان العجايب .!!

[معلومات العضو المحيربي]

السلام عليكم ورحمة الله وبركاته....

اعجبتني قصيدة الامير خالد الفيصل ( دايم السيف )

ونقلتها لكم.


يا زمان العجايب وش بعد ما ظهر = كل ما قلت هانت جد علمٍ جديد

إن حكينا ندمنا وإن سكتنا قهر = بين قلبٍ عطيب وبين راس عنيد

لو تفيد المدامع كان أسيّل نهر = مير كثر التوجّد والدمع ما يفيد

اصبر ايام واشهر واتصبرّ دهر = وان حصلّ لي مناتي جيت لوني بعيد

ارجي اللـه واراقب كل طالع شهر = يجلي الـهم عني أو عسى ما يزيد

يا غزالٍ فضوح الزّين عنه أشتهر = في عيوني ملاك ووسط قلبي وحيد

مخطي اللي يشبّه وجنتك بالزهر = الزهر ما لـه رماحٍ تصيب وتصيد

لو جحدت المحبة سقم حالي جهر = مير ما كل قلبٍ ياصل اللي يريد

وتقبلوا تحياتي
م ن ق و ل

 

 

 

 

[معلومات العضو محمد بن سالم الخضراني]

المحيربي مميز في اختياراتك

تقبل تحاتي

وصح لسان امير الكلمه

 

 

 

 

[معلومات العضو دغش محمد الصخابرة]

بيض الله وجهك يالمحيربي .........ويعطيك العافيه...................

 

 

 

 

[معلومات العضو المحيربي]

مشكورين اخواني محمد بن سالم ودغش الدوسري

على التشريف والمرور.

وتقبلوا تحياتي

 

 

 

 

[معلومات العضو ابن شميعان]

المحيربي

لاهنت على نقل الطيب هذا

ولاعدمناكـ

تحيااااااااااتي

 

 

 

 

[معلومات العضو المحيربي]

لاهنت اخوي نايف على التشريف والمرور .

وتقبل تحياتي