شاعر من قحطان يترك فوج أبناء عمه وينتقل إلى فوج الدواسر لمحبته لهم

[معلومات العضو حفيد الأمراء]

نقل الأخ الشاعر سعد بن منيجل العبيدي القحطاني


من فوج الأمير ابن شفلوت القحطاني بالأحساء


إلى فوج الأمير مشعان بن خزام بن حزام العجالين الفوج الثالث بجده


وعذلوا عليه خوياه لماذا تترك فوج أبناء عمك وتذهب إلى فوج الدواسر


فقال القصيدة التالية وهي قوله :

أنا أحبكم لا شك ما عاد لي بالفوج=وأنا ودي انقل صوب فوج أبن عجلاني
ابنقل لحلال المشاكل ولوهي عوج=الي جاء خبرها بين نايف وسلماني
هل المدح لاجات الرمك مثل وصف الموج=الي جاء نهارفيه زوغات الأذهاني

 

 

 

 

[معلومات العضو راشد المسعري]

كفو كفو كفو

ارحب ياحفيد الامراء وصح لسانك ولسان الشاعر العبيدي

ونعم بقحطان ومليون نعم ومافيهم قصور وخوتهم تنشرى

وماله لايم العبيدي في محبته للدواسر وفوج الأمير مشعان العجالين

وعز الله إن الشاعر ماكذب في مدحه لهم ويستاهلون بني عمنا الطالة

بيض الله وجهك ولك ودي وتقديري ،،،

 

 

 

 

[معلومات العضو فيصل بن جزاء]

لاهنت ياحفيد الامراء

وصح لسانك ولسان القحطاني

بس عندي سؤال يالغالي بالنسبه لاسم الامير مشعان العجالين الله يرحمه

انت كتبت مشعان بن خزام بن حزام العجالين

واللي اعرفه ان اسمه مشعان بن حزام بن خزام العجالين

ارجو التوضيح طال عمرك

تقديري واحترام

 

 

 

 

[معلومات العضو حفيد الأمراء]

الأخ العزيز :راشد المسعري



والأخ العزيز:فيصل جزاء



شاكر لكم



على هذا المرور العطر



والذي عطر المشاركه



والبسها جمالاً ونورا


اما أستفسار الأخ فيصل صدقت دائماً ينسب إلى جده حزام


ولكن الأسم الحقيقي له مشعان بن خزام بن حزام


الم تسمع قول الشاعر الهويملي في مدح الأمير مشعان قائلاً

رباه عودٍ يابس الراس منعور= خذا المراجل كلبوها بتقدير
خزام اللي بالمهمات مذكور= وحزام اللي ينطح الشر يالخير

 

 

 

 

[معلومات العضو محمد الولامين]

صح لسان الشاعر سعد بن منيجل العبيدي القحطاني

ويستاهل الامير مشعان بن خزام بن حزام العجالين المدح

ولاهنت ياحفيد الامراء على ماقدمت وبيض الله وجهك

 

 

 

 

[معلومات العضو حفيد الأمراء]

الأخ العزيز:محمد الولامين



شاكر لك



على هذا المرور العطر



والذي عطر المشاركه



والبسها جمالاً ونورا



ونثر عليها زهراً يفوح شذاه دوام الأيام



وماعليكم زود