|
|||||||
08-03-2009, 08:01 PM
|
#1 | ||||||||
|
وقفه مع شجاع
الفارس الشاعر حسين بن شلاش بن خويلد من آل عيد من الغييثات
وعزوته هي راعي الرقباء وقد اشتهر الفارس حسين بن شلاش بالشجاعة والمروؤة وبقصايدة الجميلة التي اندثرت وضاع اغلبها ولم يبقى منها سوى القليل . وهذه قصيدة مسندها للأمير محمد بن وقيان ويبشره بانتصارهم على احد الأقوام. ياراكب ٍ اللي لامشت كنها الدانوق=أبوها نجيب ٍ وهي نجيب ٍ عمانيه وينحر زبون الجاذي لغدن معسوق=لا حدى الظفران ضرب اليمانيـه (أبوعلي) عيد من حفاها ارفـوق=تلقون عندهم الشحم فوق صينيـه وخبر اللي فالـج قلبـه الجالـوق=ترانا طردنا اللي يبـون الرويعيـه لعيون وضحـى كنهـا الغرنـوق=رعيناها بعشب ٍ اركّا وسط حربيه وانا احمد الله لابتي تروي المفتوق=سقم الحريب مطفخت كل نشميـه ويامل قلب ٍ للمحادير قـام يتـوق=تهايق يبيله نية ٍ في طـرف نيـه يخيل على بركٍ ذكر عليه ابـروق=يذكر عليه من أول الحيا وسميـه الى أخر القصيدة أبوعلي : هو الأمير محمد بن وقيان أمير قبيلة الغييثات رحمه الله ، وعلي هو أمير قبيلة الغييثات الحالي. وهذه قصيدة له في طيره اللي ضاع واسمه (شلوى) الله يجيرك من الساموح ياطيـري=طير ٍ هوى القلب وانّا مانبي غيره طير ٍ خبيثٍ في راسه سعى طيري=يضربنا به وسوى الموت أظافيره يالله عسى مايهد به حد ٍ غيـري=في وادي ٍ سايل ٍ خضر ٍ محاييـره لا طاح نو ٍ من المنشا مزابيـر=يامّا على (الخرج) والا من محاديره انهدبه قـدام ذيـدان ٍ مغاتيـري=لا راح راعي الغنم متحردٍ عيـره وقصيدة اخرى لحسين بن شلاش حنا في رجا ليلة ٍ تنثـر لنـا ماهـا=يمطر من (الدحي ) لا هدب الجنوبية يسي لنا ديرة ٍ مـا عـاد جيناهـا=دار ٍ لنـا مامشـى فيهـا رحيليـه لعيون (وضحى) قليل ٍ وصف حلياها=كنها طمـوح ٍ تعـرض للعواجيـه لازاف نورهـا قفـر ٍ رعينـاهـا=مناب حضـر ٍ ولا برقـان شاويـه ويلاحظ كثرة ذكر الشاعر لكلمة وضحى ، وهذا ملاحظ في اغلب قصايد الغييثات حيث ان اغلب ابلهم ان لم تكن كلها هي وضح. ويقول الفارس حسين بن شلاش في قصيدةٌ أخرى شدينـا تسعيـن شــدة=شدينـا لقصيـر بــلال وذيداننا يامارعت من جِده=وياما ذيرت مـن غـزال يانفدا اللي جدي من جده=ومعرب ٍ مابين جد وخال وهذه قصيدة للفارس حسين بن شلاش الغييثي في (عيده) ذلول رفيقه السبيعي يوم وردوا على (رماح). الله يجيرك من الساموح ياعيده=هجيبنا جعلـك الله ماتوانينـي فسناع عد ٍ لنا بانت مواريـده=طوله من الرصة العليا ثلايني يازينها لا اقبل الظواي لو عيده=مهيب جمالة بيـن البلادينـي ياحامي الغوج لا قلت مسانيده=لا نبزوهن هل الزلبات مقفيني وهذه قصيدة لحسين بن شلاش في ذلوله (ضحيه) لا من تشالت ضحيه طاب مامنـي=يالله انك تقـود لنـا الرجـا فيهـا تشدي الربدا مع برد الصبحي تستني=ولا كمـا جبلـة ٍ والولـم قافيهـا لا قال راعـي الرديـه لا تهملنـي=ذي ديرة ٍ لا اعرف اهلها ولا ابغيها وقد كان الفارس حسين بن شلاش مسافر وفي احد الليالي سمع عواء ذيب فتذكر سعد العماني الغييثي وكرمه فتهيض وانشد قصيدة لا يحضرني سوى مطلعها ياذيب ياللي عوى في فندّقٍ خالي=عطنا علومك ترى قدنا شفاويه وهذه قصيدة للفارس حسين بن شلاش يالله ياعالـم الغيـب=مظفي على الناس مدّه اني دخيلك من العيب=والموت مامنه صـدّه شيلوا على شمخ النيب=حوفوا عليهـا إلشـده يازين ركب المصاليب=مادام في العمر شـدّه أما نجيب الحنازيـب=ولا نجي عقب هـدّه قطعاتن فرجة الذيـب=لامن غدى السعن قدّه وهذه قصيدة لحسين بن شلاش قال بعدما كبر به السن ومسندها لابن أخيه سالم بن بيّن بن شلاش (رحمهم الله جميعا) يابوك ما عاد فيني جهد=شيبتنا وانتخت يدي غريت أنا يومني ولد=عساك ماتبور يا ولدي من يسي الذود لا ورد=والعد عدٍ على عدي لابد من كيفةٍ بعد=والذود يشرب على مدي يسروبنا على ظهر سُعِدّ=حطوا على الظلفة الجدي يا حامي الغوج لا قعد=في الضيق لا جا الصعب هدي ويذكر ان الفارس حسين بن شلاش قد قام ببناء مدي لمنهل ابوجفان المشهور للغييثات .وقد توفي الفارس حسين بن شلاش ولم يعقِب رحمه الله وأموات المسلمين ابن واصل البدراني الدوسري
|
||||||||
|
|
|
|
09-03-2009, 02:11 PM
|
#2 | ||||
|
رد: وقفه مع شجاع
بن واصل البدراني لاهنت يالقرم على الموضوع
|
||||
|
|
|
|
09-03-2009, 05:56 PM
|
#3 | |||||||||
|
رد: وقفه مع شجاع
اقتباس:
ابن واصل البدراني الدوسري
|
|||||||||
|
|
|
|
10-03-2009, 12:28 AM
|
#5 | ||||||||
|
رد: وقفه مع شجاع
لاهنت يابن واصل على ايراد وتدوين قصيد
الشاعر حسين بن شلاش بن خويلد من آل عيد من الغييثات وسيرته العطره والمشرفه تحيااااااااااااااااتي
|
||||||||
|
|
|
|
10-03-2009, 05:47 PM
|
#6 | |||||||||
|
رد: وقفه مع شجاع
اقتباس:
ابن واصل البدراني الدوسري
|
|||||||||
|
|
|
|
27-03-2009, 11:10 PM
|
#7 | |||||||
|
رد: وقفه مع شجاع
|
|||||||
|
|
|
|
27-03-2009, 11:17 PM
|
#8 | |||||||
|
رد: وقفه مع شجاع
|
|||||||
|
|
|
|
28-03-2009, 05:48 PM
|
#9 | ||||||
|
رد: وقفه مع شجاع
جعل عمرك طويل يابن واصل على سيرة البطل الشجاع والله يعينك على العلوم الطيبه
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 4 ( الأعضاء 0 والزوار 4) | |
| أدوات الموضوع | |
| انواع عرض الموضوع | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:30 PM
