قصيدة الشاعر : مرشد البذال في الأمير : عبد الرحمن السديري

**معلومات** **العضو** · 22-02-2009, 01:49 PM

بسم الله الرحمن الرحيم

مساكم الله بالخير جميع

هذي أبيات قالها الشاعر الكبير : مرشد البذال - رحمه الله - في الأمير عبد الرحمن الأحمد السديري - رحمه الله -

يقول فيها ::

مثل (أبـو سلطـان) لـه حـقٍ يـزار=جـيّـتـه بالـعـيـد مظـهـرهـا كـبـيـر
سـجــةٍ عـنــده تـــزوّد بـالـعـمـار=يـدلـه الخـاطـر ويـرتـاح الضمـيـر
فـي محـلٍ قــد جلسـنـا بــه مــرار=صاحبٍ يا عز من هـو لـه عشيـر
مجـلـسٍ يـوخـذ بعـيـن الاعـتـبـار=مدهـل الشيخـان والـزاعـل عثـيـر
دلــةٍ فيـهـا مــن الحبـشـي بـهــار=ومنسفٍ يشبـع ضيوفـه والقصيـر
نـادرٍ لـه نطـحـة المـوجـب شـعـار=فـاهــمٍ بالمـرجـلـه درسٍ غــزيــر
مـا لبـس ثـوب الشهامـة مستعـار=وارثٍ طيبـه مـن الـوجـه السفـيـر
( أحمـد ) اللـي لـه تواريـخٍ قـرار=بالكرم وبسلّة السيف الشطير (1)
اســأل التـاريـخ يعطـيـك اخـتـيـار=عـن تواريـخ (السديـري) بتعَبيـر
اقـر (ديــوان الخليـفـة) كــان دار=شـف مقالـه عنـه بالثلـث الأخـيـر
شف مراكيضـه علـى قـب المهـار=يـوم سفـك الـدم غـادي لـه هـديـر
كـان (أبـو سلطـان) هوماتـه كبـار=تـابـعٍ عــودٍ عـلـى دربــه يـسـيـر
وكـان للمـعـروف هالـوقـت اشتـهـار=(السديري) مع هـل الجـودا خشيـر
ما بنى السمعـه علـى ملـس العـذار=مــا بنـاهـا إلا عـلــى فـعــلٍ ثـمـيـر
انشـد الـلـي سـمْـع بأفـعـال الكـبـار=نــور الأول يقتـبـس مـنـه الأخـيـر
يوم وقتي عقب ( أبو زيد ) استدار=اجتبرت بجابـر العظـم الكسيـر (2)
شـمـت لـلـي فـيـه خـصـلاتٍ خـيـار=الذكـاء والديـن والـعـرض الستـيـر
لـــي بربعـتـهـم مـعــزه وافـتـخــار=ربـعــة الـطـيـب تنـسـيـك الحـقـيـر

(1) المقصود الأمير أحمد السديري - رحمه الله - من أجداد الأمير عبد الرحمن .

(2) أبو زيد : المقصود الأمير محمد الأحمد السديري - رحمه الله - .

طبعا هذه الأبيات هي من عرض قصيدة طويلة للشاعر تجدونها في هذا الرابط

http://www.alduwasser.com/vb/showthread.php?t=37160

تحياتي ،،،

**معلومات** **العضو** · 22-02-2009, 10:06 PM

بيض الله وجهك يابن شمسان

والله يرحم الشاعر الكبير مرشد البذالي

والله يرحم الامير عبدالرحمن الاحمد السديري

تحيااااااااااااتي

**معلومات** **العضو** · 26-02-2009, 12:16 PM

اقتباس:

المشاركة الأصلية كتبت بواسطة ابن شمسان البدراني

( أحمـد ) اللـي لـه تواريـخٍ قـرار=بالكرم وبسلّة السيف الشطير (1)
اســأل التـاريـخ يعطـيـك اخـتـيـار=عـن تواريـخ (السديـري) بتعَبيـر
اقـر (ديــوان الخليـفـة) كــان دار=شـف مقالـه عنـه بالثلـث الأخـيـر
شف مراكيضـه علـى قـب المهـار=يـوم سفـك الـدم غـادي لـه هـديـر

[1) المقصود الأمير أحمد السديري - رحمه الله - من أجداد الأمير عبد الرحمن .

شاعر الكويت الكبير مرشد البذال كان من المفروض عليه ان يذكر كلا من احمد ومحمد والد وجد الامير عبدالرحمن المشهوربن قبل ان يذكر والد جده المشهور ايضا احمد . ربما لكونه شاعرا وليس مهتما بالتاريخ فقد اعتمد فقط في معلومته على كتاب الحاتم الذي جمع فيه عددا من القصائد القديمه والتي تناول بعضها مدح الامير احمد ( الاول ) المكنى ابوشهاب والذي اشتهر في بدايه الدوله السعوديه الثانيه .

**معلومات** **العضو** · 08-03-2009, 03:09 PM

الحبيبي 10 :

لا هنت وبيض الله وجهك على المرور الرااائع ..

تقبل تحياتي ،،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية