عيد الله عليك يعود بالمستكا والعود

[معلومات العضو مجري الهياب]

اعايدك وانت اشبه النــــاس بالعيـــد
يـــاعيـــد عمـــري جعــــل عيـــدك مبــــارك
كل عام وانتم بخيــر
عيدكم مبــارك
ومن العايدين الفايزين
عساكم من عواده



اخترت لكم باقه متواضعه من الابيات الخاصه بالعيد اتمنى تنال على اعجابكم احبتي ...

يقول الامير / خالد الفيصل :

ياساعـة الفرحـه تشوقـت للعـيـد=عيد العيـون وعيـد قلـب الصبابـه
رد الجمال لشوفتي يـا أتلـع الجيـد=واسحب على حرفي لحـون الربابـه
حرفي بصوتك يا أجمل الصوت تغريد=يا رمز حبـي هـاك رمـز الكتابـه
يا صبح عمري فيـك للعمـر تجديـد=وحبـك يجـدد كـل يـومٍ شبـابـه
للعيـد والقمـرا وحسنـك مواعيـد=وليل الهـوى شـرّع للأحبـاب بابـه
يا ما زعجت الصوت باسمك تراديـد=ويا ما نسيـم الوجـد يمـك سرابـه
وياما تمنيتـك علـى باقـي الغيـد=وأقول مثلك يـا غلـى الـروح مابـه
يا قطرة الغيمه علـى يابـس البيـد=رد الحيـاة لخافقـي يــا ذهـابـه

ويقول الشاعر الامير / سعود بن بندر :

اقول في نفسـي وأنـا أعايـد النـاس=متـى بشوفـك تكمـل أفـراح عيـدي
أجامـل وربـي عليـم ٍ بالإحـسـاس=وشهو شعوري وأنـت عنـي بعيـدي
اللي خذاني لك على سهـو هوجـاس=حسيت نفسي وسـط ربعـي وحيـدي
لو حسوا بمـا بـي يقولـون لابـاس=بـدال قولـة علـى عيـدك سعـيـدي
لاصرت عندي وقتي أعيـاد وأعـراس=حتى ولو إني وسـط سجـنٍ حديـدي
عاشرت خـلان وتخالطـت بأجنـاس=محـدٍ سـواك أهديتـه القلـب بيـدي
من تحت ما طا الرجل لي هامت الراس=كلـش هويتـه فـيـك والله شهـيـدي
لقيت بك ذوقـي وأنـا قاطـع اليـاس=ومعك بدا يحيـا الأمـل مـن جديـدي

يقول الشاعر سعد بن جدلان

عيد الله عليك يعود بالمستكا والعود=اهنيك جعل الله بشوفـك يهنينـي
عيدية ضميرٍ حط فيه الفراق لهود=أجامل على الأنظار والهم طاويني
اجدد مع ذكراي عقب الغياب عهود=وانا و الله اني داري مأنت ناسيني
مواثيق خمس اسنين ياناسع المردود=ويجيها جزيل الشكر من بينك وبيني
ولو كرهــــــوا الحساد واهل القلوب السود=معزتك في قلبي وقدرك على عيني
محبتك عندي كل ليل ويوم تزود=تزيد وتجـــــــدد دام انا وانت حييني
ولو طولت فرقاك قلبي رعاه الدود=فخطر علــــــــي ادخل شهارالمجانيني

 

 

 

 

[معلومات العضو أبـ ريماس ـو]

عيدك مبارك بعد الزحمه والف شكر على الطرح الجميل

 

 

 

 

[معلومات العضو ابو زابن المسعري]

عيدك مبارك

ولاهنت على هذه العيديه المميزه

 

 

 

 

[معلومات العضو مجري الهياب]

ابو ريماس لاهنت وعيدك مبارك وبيض الله وجهك على المرور تحياتي

 

 

 

 

[معلومات العضو مجري الهياب]

ابو زابن المسعري لاهنت وعيدك مبارك وبيض الله وجهك على المرور تحياتي