قصيدة / نايف بن محمد أبا الخيل الخييلي في ملتقى الدواسر

[معلومات العضو ابو فهد الخييلي]

هذه قصيدة الشاعر / نايف بن محمد أبا الخيل في ملتقى الدواسر بالكويت أول سنة 2008

مرحبا ما لاح بـــراق الوســــــــوم =و مرحبا ما بكر الوسمي وطاح
ومـرحبا مـا هل همـــال الغيــــــوم=ومرحبا ما نبت عشب في فياح
من مراويح الحيا سمر الخشـــــوم =تردم من الوادي لشرقي سماح
مرحبا بــــدوســـر و يبهجنا قـــدوم =صفوة الشيخان ظافين الجناح
مقدم اللي لا لحقت جت بالعلــــوم =اللي تبري غل مطوحة الصياح
لابتي وعـــصــابتي عــنــد اللـــزوم =وعزوتي فيها اللي جا منها وراح
حيهم يســرجلي الــقــــب القحــوم =وميتهم مردني الجم القراح
هم هل العلم المجمل و السلـوم =وهم هل السكرات في الذنب المباح
وهم هل الخيل اللي تخلي بالخصوم= وهم هل العير المضامير الضياح
وهم هل اللي في الفضا مثل الرجوم =ملحا ولا وضحى ما فيها شقاح
في وطـن مدني المنـايا للســهــــوم =ولد الأحمد حاكم الدولة صباح
وفـي مــحـــل ما تعاقبه الرخـــــــوم =والندى ما يندي بايدين الشحاح
ما ركنا الا على حصـــــان عـــــــزوم =ما صفق وجهه عن الواجب و شاح
يا حسين المرقبات مــن النجـــــــوم =لك عليها البيض و لك منها الوشاح
ونا نبني فــيــكــــم كبــار الحلــــوم =نبغي لو مشروع يحظا بالنجاح
و السيـــوف اللي يجي فيها ثلـــوم =لا تقص العظم ولا منها صلاح
والقــــوي فينا لاما شــال معـــدوم =تالي جمعانا تذريها الرياح
واللي عينه تشكي من كثر الهموم =يتبع سنة بلال بن رباح
ومـرحـبا فــي مرحـبـا مــن عمــوم =وأنا عن ربعي مخانيز الرماح
وبالنيابة عــن شــغــامـيـم القــروم =أثني الترحيب لطيور الفلاح
الــحــرار اللي لـهـا الـقــاعــد يقــوم =واللي قايم يبرك بخشم السلاح

وسلامتكم .

 

 

 

 

[معلومات العضو السيف دايـم]

صح لسان الشاعر لاهنت ع النقل الوآآفي

 

 

 

 

[معلومات العضو نايف الخييلي]

الله يعافيك يابو فهد , وصح لسان الشاعر نايف ابالخيل ولا تحرمنا من تواصلك

 

 

 

 

[معلومات العضو شافي القويسي المخاريم]

صح لسان الشاعر ويعطيك العافيه على الطرح

 

 

 

 

[معلومات العضو محمد الولامين]

صح لسان الشاعر / نايف بن محمد أبا الخيل الخييلي الدوسري

ولاهنت يابوفهد على ادراج القصيده وبيض الله وجهك