ابن مرضي الدرب قدام

**معلومات** **العضو** · 31-10-2008, 06:01 PM

نخبرك ماتجهل صايح ياولد صاح=وتعرف ورا المكتوب خافي حروفه
انا شفت براق وخلته بعد لاح=ولاظني انك يابن مرضي تشوفه

**معلومات** **العضو** · 31-10-2008, 06:19 PM

على البن يارجال والهيل لا فاح = نبي تقدع اللي دوبنا في قطوفه
انا قام حظي ونت ياصاحبي طاح = وسط ريع يوم ان الذيابه تحوفه

**معلومات** **العضو** · 31-10-2008, 06:24 PM

بعير البدو حصل ربيع ومسراح=يشيل الحموله لك بقوة كتوفه
لو الطير يم الرزق يرميبه جناح=ترى شوقه لعشه بعدها يلوفه

**معلومات** **العضو** · 31-10-2008, 06:39 PM

تخاشره ياضني بجيه ومرواح = ولا انتا من المعزه ولا انتا خروفه
سواد الدهر ياخوك يجلى بمصباح = وانا خابر الكوفي تميز بكوفه

**معلومات** **العضو** · 31-10-2008, 06:50 PM

ترى الذنب يعم الناس لاصار وضاح=ليا استوطن الديره عليها الحسوفه
ترى الذنب ذنبك بعد ماجبت الالواح=تناطح الك سيل تناشت جروفه

**معلومات** **العضو** · 31-10-2008, 07:03 PM

عسى راعي النيه على الدرب ينزاح = وانا خابرن دلوه وبيره وجوفه
انا محتزم ماهمني ذيك الارماح = ياليت المطيري مايفرك كفوفه

**معلومات** **العضو** · 31-10-2008, 07:29 PM

صح لسانك يابن مرضي

ولاااااااااهنت

**معلومات** **العضو** · 31-10-2008, 09:02 PM

الله يصح السنتكم

مبدعين

لاهنتوا

**معلومات** **العضو** · 01-11-2008, 02:22 AM

بيض الله وجيهكم و لاهنتوا جميع

محاوره رائعه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية