صوت وصدى بيني وبين الداعيه الشيخ حمود بن منديل آل وثيله

[معلومات العضو مشعل راشد الشايقي]

قصيدة اهديتها لابن العم الداعية الشيخ / حمود بن منديل آل وثيله ومهما قلت لن تفي كلماتي وصف كرمه واخلاقه اثناء زيارتي له في محافظة وادي الدواسر وشرفني بالرد على قصيدتي

قصيدتي

تعزويت القصيد البارحه جملني بأهل الجود = وانا خابرك في ذكر الرجال اتفز مثل الطير
سألني شعري وش علمك ومن تقصد وقلت حمود = حمودٍ ابن منديل اللي وردنا قراح البير
إلهي انك تجملنا مع اهل الطيب يالمعبود = مع اميرٍ من الرجبان جملنا امام امير
سليل قروم راعي سلوم زين علوم وحنا شهود = من استقبال شفنا افعال تبقا اعوام له تذكير
يابن منديل يالحلحيل يامفرج كرب مضهود = ومن ينصاك لامرٍ مايصير إلا لزوم يصير
كريم الكف وقلبٍ عف في وجهك ضياء سجود = من الحكمة من الحنكة يجي شورك شعاع مشير
تسهل درب خلق الله عسى دروبك سهود مهود = ياراعي الخير وجه الخير مثلك بشره بالخير
ياولد العم انت العم امر سم نجيك جنود = لانك تاج والمنهاج ذاك اللي بضياه نسير

قصيدة الداعية الشيخ / حمود بن منديل آل وثيله

هلا ويامرحبا واعداد ماهبت هبوب النود = هلا ويامرحبا واعداد ماضوت نجوم السير
تراحيبٍ بقدمها واسلمها لنسل اسود = ماله مثيل في ذا الجيل له تبجيل مع تقدير
لحد يسأل عن المجمل ترى مشعل هو المقصود = ولد راشد هو الراشد فرق بالرشد دون الغير
صفات العز به ترتز كم اهتز له مقرود = مامنه اثنين طبعه زين لا جا البين كنه الزير
لضاق الحال والا مال باية حال انا موجود = اشيل حمول عرض وطول ماهو قولٍ او تزوير
ما اقول النص جيت اخص لي النقص والك الزود = شعور اخوان بين اخوان قول الصدق له تبرير
معك قدام والك حزام لا تنظام وارق سنود = يشوش الراس مابه باس لو جا في الزمن تكشير
كلام ختام لك سلام يالمقدام يالمحمود = وابي عذرك على التقصير وان جا نقص بالتعبير

 

 

 

 

[معلومات العضو شافي القويسي المخاريم]

يابن منديل يالحلحيل يامفـرج كـرب مضهـود=من ينصاك لامـرٍ مايصيـر إلا لـزوم يصيـر
كريم الكف وقلبٍ عف في وجهك ضياء سجـود=ن الحكمة من الحنكة يجي شورك شعاع مشير

صح لسانك يا مشعل على الجزله


و يستاهل ابن منديل ماقيل فيه

و صح لسان ابن منديل على قصيدته

تحيااااااااااااتي

 

 

 

 

[معلومات العضو ابو فهد الغييثي]

صح لسانك يا مشعل على الجزله


و يستاهل ابن منديل ماقيل فيه

و صح لسان ابن منديل على قصيدته

تحيااااااااااااتي

 

 

 

 

[معلومات العضو مبارك الخييلي]

صح ألسانك وعتلى شانك




وبيض الله وجهك على ذا الأبيات الجزيلات الطيبه


وتدل على طيب راعيها


مرحبابك والله ومسهلا


تقبل شكري والتقدير

 

 

 

 

[معلومات العضو ذيب آل عريمه]

كفو والله بلأثنين ما قصرتوا

صح لسانك يا مشعل ، وصح لسان الشيخ حمود .

 

 

 

 

[معلومات العضو فيصل بن جزاء]

الشاعر القدير والجزل مشعل الشايقي

صح لسااانك مليااار في ملياااار

جزل وعوايدك الجزاله ويستاهل الشيخ حمود ال وثيله وصح لسانه

على رده الجزل وبيض الله وجيهكم ولاهنتووو جميع

 

 

 

 

[معلومات العضو مشعل راشد الشايقي]

ارحب ياشافي


لاهنت يالقرم على الحضور الذي يتوجني


تحيتي وتقديري

 

 

 

 

[معلومات العضو مسلم مطلق ال عمار]

لا هنت يابوراشد ولاهااان ابو منديل قصايد في قمه الجماااال والابدااع...


تحياتي:: اخوك مسلم

 

 

 

 

[معلومات العضو مشعل راشد الشايقي]

ارحب يابوفهد


تسلم يالقرم على الحضور المشرف


تحيتي وتقديري

 

 

 

 

[معلومات العضو محمد الولامين]

صح لسانك يا مشعل على الجزله


و يستاهل ابن منديل ماقيل فيه

و صح لسان ابن منديل على قصيدته

تحيااااااااااااتي

 

 

 

 

[معلومات العضو الشايقي الدوسري]

صح لسانك ياولد العم ماقصرت قصيد جزل جعلك ماتعجز

وصح لسان الشيخ حمود وبيض اله وجهه

 

 

 

 

[معلومات العضو عبدالكريم البليهي]

صح السناكما شاعرين قديرين كريمين كفو والله الضيف والمضيف وليس كثير على اهل الجود والكرم .......تحياتي

 

 

 

 

[معلومات العضو مشعل راشد الشايقي]

حياك اخي مبارك الخييلي


تسلم يالقرم على الحضور المشرف



تحيتي وتقديري

 

 

 

 

[معلومات العضو بدر بن صقر العجالين]

أبوراشد

أبدعت يالقرم..

صح الله لسانك ولسان بن وثيله..

بيض الله وجيهكم ..

وتقبل تحياتي،،