رد اهل السليل على عبدالله الحقباني

[معلومات العضو فرحان فهد ال فرحان]

اعزائي الكرام أهالي و منسوبي منتدى قبيله الدواسر هذه الابيات التي اهداها لنا الشاعر القدير وابن العم عبدالله الحقباني صح الله لسانه ويليها الرد عليها

قرّبوا لي دفتري جت يالعوّيل=جزلةٍ من جيز جزلاتٍ تنادي
القوافي في فضا فكري تميّل=يالله اني طالبك عطني مرادي
مطمعي ما هوب في الغاز المسيّل=لا و لا همّي هلالي و إتحادي
جيت ألبّي دعوةٍ لأهل السليّل=ربعي اللي تنثني وقت الطّرادي
حبّهم في ضامري ما هو قليّل=هم بني زايد إلا إشتب الزّنادي
يوم ابن فرحان ما قال الحليّل=مكرم الضيفان في ليل الهجادي
عودٍ أزرق عقب فنجالٍ مهيّل=و الشحم تلقاه بصحون و بوادي
الدواسر عزوتي فوق التخيّل=أشهد إنهم كيف راسي و القنادي
مسّسين المجد ما جاهم تحيّل=بالصخا و الجود و سيوف الهنادي
من حربهم ينكتب حظّه منيّل=و إن وزاهم مجرمٍ حطّ الوسادي
و ان عطوا يعطون وزنٍ ما يكيّل=واسمينٍ للعصا سلم إنفرادي
إسمهم ثلث الجزيره به مذيّل=ما ذِكِر غير الدواسر فيه وادي

ونيابة عن ابناء عمومتي اهالي مدينة السليل اتشرف ان اخدمهم في الرد على ابن العم عبدالله الحقباني بهذه الابيات والتي اتمنى ان تنال اعجابكم وتوفي حق ابن العم الشاعر القدير عبدالله

يامخال الموهبه خيل وسيل = سيل يغطي جبلها والحمادي
يوم عبدالله بجزل القاف خيل = وهل قيفان جزيلات جدادي
مرحبا بأسمي وبأسم اهل السليل = وبأسم فرحان ولد عمي سنادي
مرحبا ياضيفنا نوخ وقيل = شوفتك يوم من ايام العيادي
يابعد من فكره ضعيف هزيل = ضايع راية وعاده في تمادي
سلها ياشوق من كنها الغزيل = وعينها عين اشقر وقت الهدادي
واترك اللي غله بصدره مغيل = وراية البيضا لك بروس المبادي
يابن من يردون لاهاب الذليل = لاد تغلب خازمة خشم العنادي
درعنا لامن زما العايل وعيل = يرهبون الضد بسيوف حدادي
زايد وتغلب فنا الظان المحيل= من حربهم ماينادي له منادي
يضهده دوسر ويبطي في توويل = من قساوة ضرب خطلان الايادي
وهم غناة وهم ذرى راعي الرحيل = لا جلا من وفقر والا من الأعادي
حمله يجي لا ثقيل ولا ثقيل = تصبح حموله مثل ريش الجرادي

الشاعر عبدالله بن مرضي الودعاني

وانا بسمي شخصيا ونيابه عن اهلي اهل السليل نشكر شاعرنا وشاعر الوداعين كافه عبدالله بن مرضي الودعاني

ونقول له يابو طلال بيض الله وجهك ورايتك البيضاء
وعبدالله الحقباني يستاهل ويستاهل اللي هو منهم وعبدالله اخونا ونشكره على ما قال والله يخلينا لبعض اخوان وعلى الحق اعوان واشكر اداره هذا المنتدى على ان جعلت بيننا همزه واصل لتبادل المشاعر والشعر مع من نحبهم ويحبوننا

وتقبل تحيات ابو فهد وسامحونا على التقصير

 

 

 

 

[معلومات العضو فالح بن فهاد]

لاهنت يالفرحان بالنقل المميز

 

 

 

 

[معلومات العضو نايف الخييلي]

فـــرحان بن فهد



اشكرك جزيل الشكر على إيرادك هذه المساجله الرائعه وبيض الله وجـــهك فعلاً إختيارك طيب


وصح لسان كلً من عبدالله الحقباني وعبدالله الودعاني



تقبل تقديري

زايد وتغلب فنا الضان المحيـل=من حربهم ماينادي لـه منـادي
يضهده دوسر ويبطي في توويل=من قساوة ضرب خطلان الايـادي
وهم غناة وهم ذرى راعي الرحيل=لا جلا من وفقر والا من الأعادي

 

 

 

 

[معلومات العضو العماني]

بيض الله وجهك يابوفهد على نقل القصيده وصح الله لسان الشاعران القديران عبدالله الصليبي الحقباني والشاعر عبدالله بن مرضي الودعاني

والله يديم التواصل والمحبه بين ابناء العمومه وتستاهلون كل خير ياهل السليّل فانتم اهل الطيب من قديم الزمن.

تقبل تحياتي،،

 

 

 

 

[معلومات العضو ريميه]

	فرحان فهد ال فرحان .......جزاك الله خير ........ وتسلم على نقل على هذا المساجله الشعريه وصح اللسان الشاعرين ........عبدالله الحقباني وعبدالله بن مرضي الودعاني وتقبل مروري

 

 

 

 

[معلومات العضو أبـوشـبيـب @]

بيض الله وجهك أنت وأبومرضي..


زايد وتغلب فنا الظـان المحيـل
من حربهم ماينادي لـه منـادي


يضهده دوسر ويبطي في توويـل
من قساوة ضرب خطلان الايادي


تحياتي ..

 

 

 

 

[معلومات العضو فرحان فهد ال فرحان]

المشاركة الأصلية كتبت بواسطة الامبراطـــور

هلا والله بالامبراطور
ارحب ولا هنت على مروركوتعليقك الطيب

 

 

 

 

[معلومات العضو فرحان فهد ال فرحان]

المشاركة الأصلية كتبت بواسطة نايف الخييلي

فـــرحان بن فهد



اشكرك جزيل الشكر على إيرادك هذه المساجله الرائعه وبيض الله وجـــهك فعلاً إختيارك طيب


وصح لسان كلً من عبدالله الحقباني وعبدالله الودعاني



تقبل تقديري

زايد وتغلب فنا الضان المحيـل=من حربهم ماينادي لـه منـادي
يضهده دوسر ويبطي في توويل=من قساوة ضرب خطلان الايـادي
وهم غناة وهم ذرى راعي الرحيل=لا جلا من وفقر والا من الأعادي

نايف الخييلي الله يبطي بيومك ولا يهينك على مرورك وتعليقك الطيب

 

 

 

 

[معلومات العضو فرحان فهد ال فرحان]

المشاركة الأصلية كتبت بواسطة هايف العماني

بيض الله وجهك يابوفهد على نقل القصيده وصح الله لسان الشاعران القديران عبدالله الصليبي الحقباني والشاعر عبدالله بن مرضي الودعاني

والله يديم التواصل والمحبه بين ابناء العمومه وتستاهلون كل خير ياهل السليّل فانتم اهل الطيب من قديم الزمن.

تقبل تحياتي،،

ارحب ارحب ارحب

هلا وغلا ببومبارك مرورك يكفي وردك يدل على رجولتك
بيض الله وجهك والله لايهينك
ابو مبارك السليل لها فيك قسم لانك من اهلها يابطل

تحيات مغليك ابو فهد

 

 

 

 

[معلومات العضو فرحان فهد ال فرحان]

المشاركة الأصلية كتبت بواسطة ريميه

هلا بام التواقيع ارحبي

والله لايهينك على تميزك في كل شي

لولا سؤ الفهم لاطريتك اكثر

 

 

 

 

[معلومات العضو فرحان فهد ال فرحان]

المشاركة الأصلية كتبت بواسطة أبـوشـبيـب @

بيض الله وجهك أنت وأبومرضي..


زايد وتغلب فنا الظـان المحيـل
من حربهم ماينادي لـه منـادي


يضهده دوسر ويبطي في توويـل
من قساوة ضرب خطلان الايادي


تحياتي ..

وبيض الله وجهك على ردك ومرورك

 

 

 

 

[معلومات العضو ابن ذيب الودعاني]

بيض الله وجهك يابوفهد على نقل القصيده وصح الله لسان الشاعران القديران عبدالله الصليبي الحقباني والشاعر عبدالله بن مرضي الودعاني

والله يديم التواصل والمحبه بين ابناء العمومه وتستاهلون كل خير ياهل السليّل فانتم اهل الطيب من قديم الزمن.

تقبل تحياتي،،

 

 

 

 

[معلومات العضو @الجابر@]

بيض الله وجه أخونا عبدالله الحقباني على مدحه لبني عمه هل السليل وهذا من طيبه وطيب شيبانه

وبيض الله وجه أبو طلال اللي رد بقصيدة ثناء على مدح أخونا عبدالله الحقباني

وصح لسان الشاعرين وبيض الله وجهك يابو فهــد على نقلك قصيدة أبو طلال وتستاهل المدح يابو فهد وعلومك زينه عند ربعك

 

 

 

 

[معلومات العضو مبارك الخييلي]

فرحان


مامن قصور جعلك أتحيا


لاهنت وبيض الله وجهك


ولا هانوا شعرائنا كل من عبدالله الحقبان وعبدالله الودعاني

تقبل خالص الشكر والتقدير

 

 

 

 

[معلومات العضو أبونواف الدوسري]

بيض الله وجهك يابوفهد على نقل القصيده وصح الله لسان الشاعران القديران عبدالله الصليبي الحقباني والشاعر عبدالله بن مرضي الودعاني

والله يديم التواصل والمحبه بين ابناء العمومه وتستاهلون كل خير ياهل السليّل فانتم اهل الطيب من قديم الزمن.

تقبل تحياتي،،