صديق الطفوله وش جرى لك مـع الايـام .هي انصفت دنيـاك والا انـت بـك مثلـي (طلال الرشيد)

[معلومات العضو بن مشخص المسعري]

(صديق الطفوله)



قصيده للشاعر الراحل طلال بن عبدالعزيز الرشيد (رحمه الله ) __من اخر قصائده وفيها توجد على صاحبه
نقلتها لكم واتمنى ان تحوز على رضاكم

صديق الطفوله وش جرى لك مـع الايـام =هي انصفت دنيـاك والا انـت بـك مثلـي
فقدنـا ملامحنـا مثـل سـايـر الانــام =عبث بنـا جـور الزمـن والزمـن يبلـي
وقفنـا جميـع وبيننـا حاجـز الاعــوام =صعيب وصولي لك..وياصعب لك وصلـي
وانا اشوف في وجهك طريق غشـاه عتـام =وذاك النخـل واشـوف دارك ودار اهلـي
وسدره هي اكرم مـن اهـل بيتهـا اللـوام =وفي وجهك اصحابي عصى مدرسي وفصلي
وعـود كبيـر ودايـم فالـظـلام يـنـام =وفـي ذكرياتـي لـه بعـد ملمـح وجلـي
وسور كتبنا فيـه ذكـرى عبـث واوهـام =ولي في عيونـك صـورة زانهـا جهلـي
بثـوب تبلـل بالمطـر والتـراب وشــام =وانا احب اسير العب وهي حافيـه رجلـي
انا وانت طفل وطفل دايم رضـى وخصـام =بكانـا سهـل والضحكـه امـر سهـلـي
دعانـي بوجهـك نـاده ينـده الاحــلام =معه رمح مدري هو علي غاضب او لجلـي
انا كيف اباصل الامـل خلـف مـو قـدام =كثير الاسى والسهد يـا مـن فعـل فعلـي

 

 

 

 

[معلومات العضو ابومبارك الدوسري]

بن مشخص

كلمـات رااائـعه .. وقـويه لهذا الشاعر

بل .. تتجـاوز حـدود القـوه والصلابه

تسلم يالغالي

على هذا الإبدااااع الراااائـع

والإختـيار الممـيز

تحيتي لك