قصيدة رائعة للشاعر الكبير حسن بن وتيد آل عمّار((رحمه الله))%%

[معلومات العضو صبي آل عريمه]

هذه القصيدة للشاعر الكبير حسن بن عبدالله بن وتيد آل عمار ((رحمه الله))

وهو يتوجد على ديرته ــــــ ويقول فيها:::

البارحه ما لاذ في عيني الكــــــــــرى=حزين ولا يوجد لدي طبيــــب
عفا الله عن عين(ن)جفى النوم جفنها=تتالى سهرها والدموع صبيب
كم ليلة(ن)اصبحت ماذقت نومهــــــــا=أسهر الين اتلى النجوم تغيب
تزفر عباري في الحشا كن وصفهـــــا=تزفار موج(ن)والهبوب صليـب
تزفار موج(ن)خابطه مقدم الهـــــــــوا=دولاب غربي(ن)هواه مريــب
شرفت تالي اليوم في راس مرقــــب=وعينت في راسه عقاب وذيب
يشكون من بيض الليالي وسودها=وانا ابكي ولا لي في الزمان مجيب
يونون مثلي مير مانيب مثلهم=انا ونتي منها الجماد يذيب
انا ونتي من معها ضج بالبكا=تداحم لها بين الضلوع حطيب
يالله يارب الملا فالق النوى=ياخير من يدعى ويستجيب
ياكافل الأرزاق في البر والبحر=ياكاتب الاجال والنصيب
يامن له الدنيا وغيبه والاخره=وبعزته ينحل كل صعيب
انا في رجا الغفران عن كل ما سلف=من واحد(ن)فوق العباد رقيب
الله ولا يدعى مع الله ثاني =اللي لعبده لادعاه قريب
له الحمد مادام السما تحته الوطا=عليه الثنا ومن لارجاه يخيب
عيني تقديني وقلبي يدلني=ولانيب من مشي الرجول عطيب
لامن جفتنا الدار رحنا لغيرها =ولابد للقلب العليل يطيب
لابد من هاف(ن)عراض(ن)توايره=يصبح من الممسى مهوب قريب
ممشاه في يوم(ن)ثمانٍ لغيره=يطفح مع البيدا بزود خبيب
ميامين نجم سهيل ربعي وديرتي=دار الكرم دار الصخا والطيب
ديرة مصانيم الدروع آل زايد=اهل جرة(ن) سو(ن) على الحريب
ترعى بهم دار الحيا شمّخ الذرا=يسجونها غصب(ن) بليا طيب
تنش الوضيحي دايم(ن) في خشومها=والى اجزت من الما يشربون حليب
قصيرهم يامن وتوسم له العصا=لحى الله منهو في القصير يعيب
في زبنهم محد(ن)يسوي سواتهم=من مطلع البيضا الى المغيب
لامن وزاهم هارب(ن) من قبايله=يسلم الين ان الغراب يشيب
سقى دارهم مترادف(ن)ينهب الجشم=حقوق(ن)الين يفيض كل شعيب
عقب الوسامي تقتيفيها صيوفها=وما زال من طيب(ن) يجيها طيب
هذا وصلى الله على سيّد البشر=عدد ما وطت فوق التراب النيب

 

 

 

 

[معلومات العضو عبدالرحمن الشرافي]

ديـرة مصانيـم الـدروع آل زايـد=اهل جرة(ن) سو(ن) علـى الحريـب
ترعى بهم دار الحيـا شمّـخ الـذرا=يسجونهـا غصـب(ن) بليـا طيـب
تنش الوضيحي دايم(ن) في خشومها=والى اجزت من الما يشربون حليـب
قصيرهم يامن وتوسـم لـه العصـا=لحى الله منهو فـي القصيـر يعيـب
في زبنهم محد(ن)يسـوي سواتهـم=مـن مطلـع البيضـا الـى المغيـب
لامن وزاهم هـارب(ن) مـن قبايلـه=يسلـم اليـن ان الغـراب يشـيـب
سقى دارهم مترادف(ن)ينهب الجشـم=حقوق(ن)الين يفيـض كـل شعيـب
عقب الوسامـي تقتيفيهـا صيوفهـا=وما زال من طيب(ن) يجيهـا طيـب

ابن العم / صبي ال عريمه


الله يبيض وجهك يالقرم وما قصرت

ولاهنت على على نقل هذه القصيدة الجزله

ورحم الله الشاعر/ حسن بن عبدالله بن وتيد آل عمار



ولاترحمنا من جديدك الجزل


واسمحلي بتنسيق القصيدة


تقبل فائق التحية والتقدير

 

 

 

 

[معلومات العضو سعد الجارالله]

	ابن العم / صبي آل عريمه الله يعطيك العافيه على ايراد قصيدة الشاعر / حسن بن وتيد آل عمار وصح لسانك ولسان قايلها

 

 

 

 

[معلومات العضو صبي آل عريمه]

الأخ عبدالرحمن الشرافي والأخ سعد الجار الله



مرحبا ملايييييييييييييييين والله لا يهينكم وبيض الله وجيهكم والله يعزكم بطاعته



وبيض الله وجهك ياعبدالرحمن الشرافي على التعديل في الموضوع وجعلك تسلم

 

 

 

 

[معلومات العضو ابن ذيب الودعاني]

تسلم والله يا صبي ال عريمه على الاختيار الجزل والله يرحم شاعرنا حسن بن عبدالله بن وتيد ال عمار وبيض الله وجهك

 

 

 

 

[معلومات العضو نايف الخييلي]

صـــح لســانك ياصبي ال عريمه وصــح لســان الشاعر حسن بن وتيد

وبيــض الله وجهــك على هالقصــيده الجــزله

 

 

 

 

[معلومات العضو صبي آل عريمه]

ارحب ثم ارحب ثم ارحب ثم ارحب ثم ارحب يابن ذيب الودعاني وجعلك والله تسلم وتقبل تحياتي

 

 

 

 

[معلومات العضو صبي آل عريمه]

المشاركة الأصلية كتبت بواسطة نايف الخييلي

صـــح لســانك ياصبي ال عريمه وصــح لســان الشاعر حسن بن وتيد
وبيــض الله وجهــك على هالقصــيده الجــزله

ارررررررررررررحبوا ياخيالة الشرفا عد وبل المطر ــــــــــ والله لايهينك يانايف الخييلي على المرور

 

 

 

 

[معلومات العضو ابو زابن المسعري]

الاخ العزيز صبي ال عريمه

بيض الله وجهك وطول الله عمرك

على نقل هذه القصيده الجزله

الشاعر الكبير حسن بن وتيد

 

 

 

 

[معلومات العضو صبي آل عريمه]

المشاركة الأصلية كتبت بواسطة ابو زابن

الاخ العزيز صبي ال عريمه
بيض الله وجهك وطول الله عمرك
على نقل هذه القصيده الجزله
الشاعر الكبير حسن بن وتيد

مرحبا ومسهلا ياابو زابن ــــــــــــــــــــــــــــ والله يبيض وجهك على المرور ........وتقبل تحياتي

 

 

 

 

[معلومات العضو عبدالله بن عريمة]

سلمت يالذيب ....... اررررررررحب ياصبي ال عريمة

قصيدة جزلة من شاعر جزل........ ولاتجيب الا الجزل يالقرم

 

 

 

 

تسلم والله يا صبي ال عريمه على الاختيار الجزل والله يرحم شاعرنا حسن بن عبدالله بن وتيد ال عمار وبيض الله وجهك

 

 

 

 

[معلومات العضو صبي آل عريمه]

المشاركة الأصلية كتبت بواسطة عبدالله بن عريمة

سلمت يالذيب ....... اررررررررحب ياصبي ال عريمة

قصيدة جزلة من شاعر جزل........ ولاتجيب الا الجزل يالقرم

يامرحباً تعداد وبل المخاييل=بالقرم عبدالله كريم اليميني

ارررررررررررررررررحب يالشاعر الكبير عبدالله بن عريمة

وجعل ربي يطول عمرك لا هنت على المرورـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.

 

 

 

 

[معلومات العضو صبي آل عريمه]

ياداعي الذكرى سلام وتحية=لك ياعريب الجد ياطيب الكار

مرحبا99999999999999999999999999999999999999 وجعل ربي يعزك ولك خالص التحية

 

 

 

 

[معلومات العضو ابومبارك الدوسري]

صبي ال عريمه

صح لسانك ولسان الشاعر

أحسنت الأنتقاء لهذه القصيدة

تقبل مروري المتواضع

أخوك

خلف الدوسري