يا عيال عمي مشاركتكم ضرورررية ( تفضلو )

[معلومات العضو ضامي]

مساكم الله بالخير



ودي اذا تكرمتو تذكرون افضل الابيات في فخر الدواسر


القصايد كثيرة والدواسر علومهم غانمه واشهر من نار على علم


نبي افضل بيت او بيتين فقط في فخر الدواسر ومدحهم



الله يسلم اصابع(ن) شاركت في هالموضوع

 

 

 

 

[معلومات العضو عبدالرحمن الشرافي]

اخوي ضامي



اررررررررررحــــــــــــــــــب


وبالنسبة لطلبك


فمثل ما قلت الابيات كثيره والافعال أكثر


ولكن هالابيات من افضل ما سمعت


وهي للشاعر/ عيسى بن خفران المساعره

يقول:

حنا الدواسر بالمراجل نزودي = نكسب ثنا الامداح بالعز ونزود
دواسرٍ فينا بالأفعال زودي = تشهد لنا صولات وأملاك وأحدود
أغلى القبايل ملك و أوسع حدودي = راسين مثل طويق شامخ وممدود
لا طار ستر منقضات الجعودي = خيالنا ينحى طوابير وأحشود

وتقبل فائق التحية والتقدير

 

 

 

 

[معلومات العضو شافي القويسي المخاريم]

انا اعجبني0000


دواسرن طيبنا ترثة جدود000متوارثينه من مناعير جدان


للشاعر الودعاني ذيب ال عريمه



والابيات واجد

 

 

 

 

[معلومات العضو ابو زيد الغييثي]

دواسر ٍ لامن زعلنا سكرنا = نسكر بلا خمر ٍ نسكر شجاعه

 

 

 

 

[معلومات العضو ابن شمسان البدراني]

يقول الشاعر سعد الفصام الدوسري عن الدواسر ::

حضر ليالي القيظ وإن جاء المخاضير=بدو نطرد بالوسامي زهرها
نهد بالكلب السلوقي وبالطير= ونسجها من برها ليا بحرها
بخيل(ن) ليا شدوا تباري المظاهير=من جاء يبينا جظ لا شاف أثرها

 

 

 

 

[معلومات العضو ابن حنيش الودعاني]

هذه القصيده لشاعر الدواسر الشاعر /شلعان بن ظافر الودعاني رحمه الله

حنا هـل القيمـه رجـال الشيمـة = دواسـرٍ كسـب الثنـا مقصودهـا
الزايـدي والتغلبـي مـن دوسـر = تاج الفخر ملبوسها من صمودهـا
نحـب نكسـب كـل علـمٍ طيـب = سوالفٍ يازيـن قطـف ورودهـا
اهل الحسب واهل النسب والشيمة = نعطي الرجال حقوقهـا ونزودهـا
هـذا كـلام الشاعـر الودعانـي = مثـايـلٍ بافعالـهـا وشهـودهـا
ماكل من يرمي الهدف صاب الهدف = ولا كل شجرة ينبت الورد عودهـا
تمت وصلى الله على سيد البشـر = ما غنـت الورقـا بعالـي فنودهـا

 

 

 

 

[معلومات العضو ماجد بن رويه]

وصاة الرسول بجارهم طبّقت بحكام = وكنّه يخص الدوسري خيرة الأمه
هل البل حماة الغرس لوركزت لعلام= حما دارهم لو جرّت الضد ملتمه

لبن شلحاط


تقبل تحياتي اخوي ضامي

 

 

 

 

[معلومات العضو فهد بن مبارك الودعاني]

أبشر بسعدك يا ولد العم

المرحوم الشاعر /شــلعان بن ظافر الودعاني الدوسري.



تقبل مني أرق التحايا و أعذبها من أخوك..

 

 

 

 

[معلومات العضو متحري الصدق]

دواسرٍ فوق الخيول كواسر=يا سعد منّا عزوته سعداه
دواسرٍ يردون حوض المنايا = ماحسبّوا للموت والحياه
كل أبلجٍ ياخذ على الخيل ساعه = ما يسند إلا مرويٍ شلفاه

الشاعر / شلعان بن ظافر الودعاني رحمه الله

والأبيات واجد وتقبّل تحياتي أخوك متحري الصدق