هل سلب خلف العتيبي (وسم العصا) من الدواسر !

[معلومات العضو خالد فهد الحقباني]

وسم العصا معروف للدواسر وخل ابن هذال يقول الي يقول بسلامته

 

 

 

 

[معلومات العضو بعيدالهقاوي]

المشاركة الأصلية كتبت بواسطة ماجد الدوسري

وسم العصا من الصفات التي تفخر قبيلة الدواسر بغض النظر عن خلف بن هذال

وقصيدته ودائما مايفتخر أبناء هذه القبيلة بذلك في اشعارهم وقل أن تجد شاعر دوسري يفخر بقصيدته

ولا يتطرق لهذه الصفة الطيبة الكريمة.

وقبيلة عتيبة قبيلة غنية عن التعريف ولها أمجاد ومفاخر ولا ننقص من حقها ولكن قل أن تجد من

شعراء عتيبة القدامى والحاليين يذكرون في فخرهم " وسمهم للعصا " بعكس الدواسر .

يقول الشاعر الكبير عبدالله بن عون الرويس العتيبي في أحد ردوده مع الشاعر الكبير حسين بين ضيف

الله الكبيري في سالفة " ماعينتناه " وسالفة " ما نباه " ، يقول ابن عون رداً على حسين الكبيري:-

مانزلنا الهضب ياحسين معكم بالقصير ..... ولا وسمت عصينا مثل من تاسم عصاه

أي أنه يعرف أن الدواسر هم وسّامة العصا وهذا شاهد بأن الأجناب (غير الدواسر ) يعرفون أن وسم

العصا صفة للدواسر حتى وإن طبقها بعدهم غيرهم.


وكما قال الشاعر مانع بن زريق العجمي يمدح الدواسر:

ووسم العصا محدن سبقهم عليه اشمام .... اهنا الفرق ياللي تحفظ العلم وتضمه

هذين البيتين قليل من كثير في إثبات هذه الصفة للدواسر قبل غيرهم وشكرن لكم.

بيض الله وجهك على هالاستشهاد اللي يجمد على الشارب
والاخ/ نايف بن مسرع
لاهنت وبيض الله وجهك على حميتك وغيرتك على قبيلتك

 

 

 

 

[معلومات العضو فهد الغريري]

نشكر الاستاذ / نايف بن مسرع على هذا الطرح المتميز والمتزن ولاهيب غريبه على ابومحسن هذي الغيره والحميه جعله المعزه ونشكر الاخوان على ردودهم النير على رائسهم راشد المسعري و نايف البدراني و ماجد الدوسري على طرحهم الوافي ونأمل من الاخوان عدم التطرق للأنساب حول هذا الموضوع لكي يكون لنقاش فائده يستفيد منها الجميع واكرر شكري وتقديري لنايف بن مسرع على طرحه

 

 

 

 

[معلومات العضو الذيب العماري]

اتمنى من شاعرا الدواسر انهم يردون عليه بقصائد صوتيه

 

 

 

 

[معلومات العضو سالم الحراجين]

ارحب ياخوي نايف ابن مسرع

وكفو على هاذا التدقيق على قصيدة الشاعر الكبير والمعروف خلف بن هذال

وسم العصا معروف صفه من صفات الدواسر

اخوك/سالم الحراجين

 

 

 

 

[معلومات العضو مسفر بن محمد الشرافي]

الأخوة الكرام
السلام عليكم ورحمة الله وبركاته
أولا: أشكر الشاعر نايف بن مسرع على هذا الطرح الرائع وعلى غيرته وحميته التي لا تخرج عن الحق.
وثانياً : الشكر موصول للأخوة الكرام على المشاركة, وعلى رأسهم الأخ راشد المسعري حول إستشهاده بشعراء القبيلة وغيرهم في نسبة وسم العصا للدواسر .
ثالثاً : إليكم بعض الشواهد التي تؤكد أن الأمر يخص الدواسرإضافة لما ذكره الأستاذ راشد :
(1) الشاعر محمد بن بداح المصارير

وقصيرنا ناسم عصاه ونهمله=بحدودنا ما يشتكي من جورها

(2) الشاعر ابن حنايا :

اهل ديرة يامن بها من وزى بها = ومن الاوايل مهملين قصيرها
وخوينا لا من وسمنا له العصا =حداننا لو لحاله يسيرها

أهل ديرة يامن بها من وزى بها = ومن الأوايل مهملين قصيرها
وخوينا لا من وسمنا له العصا = حداننا لو لحاله يسيرها

(3) الشاعر حسن ال عمار :

قصيرنا يامن وناسم له العصا =لحى الله من هو في القصير يعيب
في زبننا ما حد يسوي سواتنا= من مطلع البيضا إلى المغيب
لا من وزانا هارب من قبايله= يسلم اللين إن الغراب يشيب

رابعاً :يشهد لنا بخوصية اللقب المؤرخ والكاتب والباحث في أشعار قبائل نجد أبو عبد الرحمن بن عقيل الظاهري وهوالمؤلف لكتاب ديوان الشعر العامي بلهجة أهل نجد والذي تطرق فيه لشعراء عتيبة علما بأن الشيخ يسكن ديارهم ومتمكن من أخبارهم وأشعارهم, الشاهد ماذا يقول :
(وسم العصا من سلم الدواسر, وبذلك توسم عصى جار الدواسر, فيحق له التجول في ديار الدواسر بلا خوف من أحد , وحسب معرفتي فلا أعلم غير الدواسر لها عادة وسم العصا )
انتهى كلامه حول تعليقه على بيت من قصيدة ابن جفيران ومنه:

والجار ناسم له عصيه = سلم لنا ماله مثيل

المصدر : كتاب الحقبان بين التاريخ والأدب لماجد بن جفيران الحقباني ص 48

هذا ما لدي حول هذا الموضوع وتقبلوا فائق تقديري واحترامي لكم جميعاً والسلام عليكم
محبكم أبو عبدالله

 

 

 

 

[معلومات العضو نايف بن مسرع]

الغالين:

أحمد البدراني ( ولاتهون طال عمرك )

عبدالله ابن قويد ( لاشكر على واجب ياغالي )

أخو غزيل ( ولاتهون وشكرا ًعلى التعليق)

هتلر العرب ( ليس للقصيدة علاقة من بعيد أو قريب بالرمزية لتحدي إبل الدواسر إطلاقاً) ولاهنت

 

 

 

 

[معلومات العضو نايف بن مسرع]

المشاركة الأصلية كتبت بواسطة دوسري مطنوخ

أخوي نايف بن مسرع
لاهنت وبيض الله وجهك على حميتك وغيرتك على قبيلتك

مو بس خلف ينسب وسم العصا للعتبان قريت في منتدى العصمه ......

ولدى عتيبه عاده اسمها (( الـــدخيل )) وهو من يلتجيء اليهم سواء التجأ منهم او من غيرهم فيبقى سنه دون ان يمسه احد بسوء وهي اطول مده تعطيها القبائل وهي (سلم عتيبه) وحدها

وين راحو الدواسر !!!!!!!!!!!!!! وهم مزبنت المجرم ولها قصص كثيره وقصائد كثيره من شعار من خارج قبيلة الدواسر يمتدحون بها الدواسر ....أدري طلعت برا الموضوع لكن بعودله

((العلق)) بكسر العين المهمله .......ان يعطي البدوي غيره خاتمه او يسم عصاه بوسم قبيلته فتكون حرزاً له من قومه..

يقول ابن بليهد:::
( جئت الى الحناكيه عام 1373 هـ وليس معي خوي فصحبت عيراً قاصده القصيم ولما كنت عند المطيه عجت الى مسكه, فجئت الى قبيله من الدلابحه رئيسهم رجلاً يقال له (ابن ملافخ) فبت عند غيره فلما اصبحت قلت عند توجهي : انا رجل منقطع وليس لي خوي من عتيبه قبل ان نصل مقصدنا , لكن خذ عصاي وضع وسمك عليها, فوضع عليها وسم قبيلته,,
فأنطلقت الى مسكه ومعي صاحبي الحضري فلما كنا في (عريق الدسم) اغار علينا جيش , فناديتهم ((ليس فينا طماعه))
فقال رئيسهم: ان كنتم من عتيبه فأنتم آمنون . فآتوا الينا فاذا ركائبهم عليها وسم (الحماميد) وهذا وسم يجمعهم مع الدلابحه وغيرهم طلحه)..

أنتسبوا وسم العصا لهم وهي معروفه عند القبايل كلها صغيرها وكبيرها أنها للدواسر

بيض الله وجهك يالمطنوخ على مداخلتك الجميلة ولاهنت

 

 

 

 

[معلومات العضو نايف بن مسرع]

المشاركة الأصلية كتبت بواسطة راشد المسعري

ارحب يانايف والله يحييك على هذا الموضوع الذي يخص " وسم العصا " وما ذكره الشاعر خلف بن هذال العتيبي من أنه يخص قبيلته " عتيبة " كما ذكر الشاعر في بيتيه الثالث والرابع والخامس ، وخلف بن هذال شاعر كبير وله قدره ولكنه ليس منزه عن الخطأ ، وعلى ذلك أشارك ببعض من القصائد التي تثبت أن صفة وسم العصا للجار أو الخوي " صفة فخر " تميز بها الدواسر قبل كل كل القبائل وافتخروا بها من مئات السنين:

يقول مفلح بن ظافر الخييلي:-

كل الدواسر وكل الفخر وانسابـه=هم ماكَر الطيب والضيفان تطربها
خيالهم في عجاج الخيـل يدرابـه=شبابة الحرب يوم الحرب تطلبهـا
لا جاء نهاراً يثور الجـو بترابـه=تثبت لضرب العدو ماهوب كاربها
قصيرهم في العرب ما توخذ اركابه=وسم العصا يا جماعه من عجايبها


وهذي من قصيدة للشاعر/ حسن بن منصور المشاويه :

دواســــــــــــــــرٍ لا صار طالب وطلاب=وياسعد منا فــــــــــــي القســــا فزعت لّه
دخيلنا يامـن ولاهـــــوب مرتـــــــــاب=توســـــــــــم عصاه ودارنـــــــــــا مرتعــ له
والجار يذ كـــــر في مواصيف الانـجاب=ســــــــــلم المعـــــــزه سلمـــــــــنا موصي له

وسم العصا للخوي والجار من سلوم الدواسر لكي تقوم بمقام السيّر يقول الشاعر ابن غدفان الغييثات:

علم اللي جاهلٍ سلم ربعـي مـادرى=جارنا نهمله واما الخوي ناسم عصاه

ويقول الشاعر مسعود بن سعد المقابلة الدوسري :-

ونزود في وسمة عصى قصيرنـا=سلـمٍ لنـا علـى الـرجـال يـكـود
ناسـم عصـاه ونهملـه فـي دارنـا=ايليـن يطـلـب ديـرتـه ويـعـود
وترفق مرتنا من ذرابـة سلمنـا=فـي وجـه ابوهـا والسلـوم بنـود
وبيع اللحم عيبٍ علينـا عايـب=والمـاء علينـا بيعتـه منقـود
ولاناكـل الفجـوة ولانقبلـهـا=عـزة نفـوس فـي فعـول اســود
والضيف قـدره عندنـا مثلوثـة=يـوم القـرى علـى الرجـال يكـود

وهذي قصيدة راكان بن حثلين يوم زبنوه الدواسر :-

الله من قلب تخالف شطونه= وبقعا تصفق به يمين ويسار
يوم الزعيم البس علينا زبونه= وحمل علينا كن له عندنا ثار
يوم القبايل والدول يتبعونه=نوى يجلينا ورى حد الامصار
لعيون من بالميل يجلي عيونه=انفرق الطابور لو صار ماصار
ذكرت انا اللي جارهم يهملونه 1 =لادزايد سلمهم هملة الجار
نصيت انا اللي مارضولي بالمهونه= نصيت هل السيح لادعمار
السيح ديرتهم وهم يستهلونه=لامن استوى بالحمل زينات الاثمار
ورية عليه البحر يفجرونه=بين القبايل مابنى دونه جدار
كم واحد من دونها يعدلونه=حماية الامدار بالماقف الحار
والجوخ في يوم اللقا يلبسونه=وسلة سيوف الهند من صنع بيطار
والجار مايرضون عليه بمهونه=ينزل عليهم ولاكنه بجار
كم خايع مطرف ينزلونه=ويرعون قطعان الازاف نوار
وكم عقيد عندها يصفقونه=مستجنبين الخيل من قب الامهار
وجميلهم منساه لاجو يبونه=ولانيب برد المجازات بّوار

قصيدة للشيخ علي بن سعيد بن بلال اليامي شيخ قبيلة آل محيي من يام:

بني زايد اللي تنطح الضد فـي الميعـاد=دواسر تمكـن فـي عداهـا مضاربهـا
هل العرف واهل السيف والمنسف المعتاد=واهل جيرة ياسم عصا الجار صاحبهـا (1)
لهم هيبة أثقـل مـن العـارض المنقـاد=تحامت على ابن مطرف يـوم لاذ بهـا
بغاه الشريف ولا حصل للشريف مـراد=برزلـه طحاطيـح تفتـل شواربـهـا
تعلوا ظهور الخيل دون الدخيـل عماد=ولهم دولة الاشراف طاحـت مناصبهـا
هذا والقصيدة في عريب الجـدود تعـاد=من اقصى حقيقة كلمـة الحـق نكتبهـا
ابيها الى مـرت علـى واحـد حسـاد=يقنع بهـا نفـس الـردى لـو يغضبهـا
وابيها الى مـرت علـى واحـد جحاد=يعـرف الثنـا ويـرد للنـاس واجبهـا
وابيها الى مرت علـى مجلـس النقـاد=يقولـون مـا فيهـا كـلام يعذربـهـا
1= ذكر المعنا سابقا توسم عصاه ويكون معروف انه مزبن عند الدواسر
وتحميه القبيلة.

وهذي قصيدة مانع بن شلحاط العجمي يمدح الدواسر :-

تغنيت باسم اعجيم جدي وجـدي يـام=ومن ديرة الدامر بسـوق القـدم يمـه
الى وادي العود الفحل دوسر الضرغـام=راع الوادي المسمى مهو وادي الرّمـه
ظنا زايد وتغلب اتحط العلـوم اقسـام=كلام عليـه الحلـف والنـذر والذمـه
تعنا الشريف لدارهـم معتليـه اعـرام=وردت عزاويـه بعـد جورهـم ياامـه
تعدا القبايـل ساكنـه يبتحـص قـدام=وبعد ماوصلهم قصوا اشنابـه وكمـه
فهم مزبن الساطي وهم ملتجا المنضام=وهم فزعة المضهود هم نقـوة الامـه
وهم ملتقا الهاشل وهم نصرة الاسـلام=وهم مدت المحتاج هـم للخـوي دمـه
وهم حكمة المجلس وهم عزوة الزهـام=وهم ضحكة الحجان هم للعـدو غمـه
وصاة الرسول ابجارهم طبقت باحكـام=وكنه يخص الدوسـري خيـرة الامـه
يسوقون جار البيت لو صابته الاسهام=ويدله غريب الـدار معهـم ولا همـه
ووسم العصا ما احدٍ سبقهم عليه اشمام 1 =اهنا الفرق يااللي تحفظ العلم واتضمـه
هل البل حماة الغرس لو ركزت الاعلام=حما دارهـم لوجّـرت الضـد ملتمـه
أبمدح الدواسر شرهتي تلحـق الاقـلام=وحبرك أبمدح الدوسري ياقلـم شمـه
يفوح العطر بكتابتك مع صبا الانسـام=هل المدح لهم المدح واللاش له ذّمـه
سلامي لديرتهم واهلهـا سـلام اهيـام=تحيات مشتاق اللقـاء طـاوي العّمـه

1=

يذكر ان السلم هذا فقط عند الدواسر ولم تسبقهم قبيله على هذا السلم.

وللأخ نايف والشاعر القدير خلف بن هذال العتيبي وللجميع المودة والتقدير ،،،،،

لاهنت وبيض الله وجهك يابو عبدالمحسن على إثراء هذا المتصفح بالشواهد المحايدة والمقنعة

 

 

 

 

[معلومات العضو ابن حنيش الودعاني]

دليل ان خلف ابن هذال معترف انه دوسري
ولا عاد به احد ياسم العصا
الحين في حكم اخوان نوره الل يعزهم
ونشكر الاخ على هذه الملاحظه

 

 

 

 

[معلومات العضو العماني]

بطلب من الشيخ عبدالعزيز الغزي تم حذفه لأن الشاعر اعتذر