شاعر سدير يرثي الشيخ/ عبدالعزيز آل موسى

[معلومات العضو نآصر البدراني]

بسم الله الرحمن الرحيم



" صانع المعروف "



هذه القصيده رثاء الشيخ / عبد العزيز آل موسى البدراني - رحمه الله -


الذي وافاه الأجل يوم الخميس الموفق 12-3-1434هـ

مرحـوم يـا شيـخٍ علـى الطيـب معـهـود=شـيـخٍ جمـيـع الـنــاس تـعــرف صـفـاتـه
لاشـك ابـن مـوسـى ذرى كــل مضـهـود=عـبـدالـعـزيــز الـــلـــي بـكــيــنــا وفـــاتــــه
ركـن مـن ركــون الفـخـر صــار مفـقـود=لـــكــــن فــعــولـــه تـعــتــلــي بـشــرفــاتــه
يـا صـانـع المـعـروف يــا بــاذر الـجـود=تـبـهـر جـمـيـع الـنــاس ســيــرة حـيـاتــه
شـيـخٍ بفعـلـه مــا يـبـي عـلــم وشـهــود=كــــــل الـمـعــانــي الـطــيــبــه داهـــلاتــــه
بــذل الخـفـا اكـبـر صـفـاتٍ مــع الـعــود=كـــــمٍ ضـعــيــفٍ جـــــاه حــقـــق مــنــاتــه
مثل السحاب الـى همـل يبـرض العـود=يــــزهــــا ربــيـــعـــه ويـــتـــهـــزع نـــبـــاتـــه
عــزيـــز قـــــومٍ يــرســـم الــعـــز بــعــقــود=مـنـهـو بـفـعــل الـطـيــب ســــوا ســواتــه
كـم مـن كسـيـرٍ فــي حـلالـه يـبـي فــود=عــــــزه ورزه مــايــبـــي لـــــــه شــمــاتـــه
يسنـد ضعـيـفٍ مــا لـقـى حـولـه سـنـود=ويــفــك ديــــن الــلــي ديــونـــه شـقــاتــه
عقب الشقى صارت له سهود ومهود=راحـــت هـمـومـه واهـتـنـى فـــي مـبـاتــه
يـكـفـل يـتـيـمٍ كــامــي الــحــزن مـلـهــود=والا مــعــاقٍ طـــــاح يـقــصــر خـطــاتــه
ايـضــا كـتــاب الله لـــه عـبــاد وجـنــود=يــبـــذل لــهـــم مــالـــه ويــدعـــم رواتـــــه
يــمــد مـــــدٍ مـــــن ورا الــحـــد وحـــــدود=يـدعــي لـــه الـلــي لاجـــيٍ مـــع بـنـاتـه
فـي كـل دولـه يـدعـم البـيـض والـسـود=يدعـي لــه الـلـي خـاشـعٍ فــي صـلاتـه
ويدعي له اللـي ذاق مـن جورهـا زود=فـــي وســـط قـفــرٍ راس مـالــه عـبـاتــه
انـــا اشـهــد انـــه للمـسـاكـيـن عــامــود=وانـــا اشـهــد ان الـجــود نــــوخ بــذاتــه
من زود حرصـه يوقـف ابيـوت وعـدود=يـبـتـل عـقــب مـوتــه وهـــذي وصــاتــه
يالله عـســاه بـوســط جــنــات وخــلــود=يـــا بـاعــث المـخـلـوق جـامــع رفــاتــه
الـمـوت حـــق ولاعـــن الـمــوت مـــردود=غـيــر الـولــي بـالـكـون تـثـبــت فـنـاتــه
تفنى النفـوس ومـارث الطيـب موجـود=يـبـقــى مـــــع الـعــربــان يــذكـــر ثـبــاتــه
وانــــا احــمــد الله ارث قــــروم وفــهــود=ارث عـــيـــالٍ تــعــتــزي فـــــــي عـــزاتــــه
مـثـل الصـقـر وكــره شـواهـيـق وحـيــود=تــلــقــى الـــحـــرار الـــنـــادره سـاكــنــاتــه
صـــــلاة ربـــــي عـــــد بــــــراق ورعــــــود=عـــلـــى نـــبـــيٍ عــــــز ربــــــي دعـــاتــــه

الشاعر / ناصر بن عبدالله آل سعيد المسعري ( شاعر سدير )

 

 

 

 

[معلومات العضو راشد المسعري]

الله يرحم الشيخ عبدالعزيز الموسى البدراني " ابو المساكين "

وصح لسان الشاعر المبدع ناصر السعيد

ولاهنت يابو حمـــد على الإنتقـــاء الرائع

تقبل ودي وتقديري ،،،

 

 

 

 

[معلومات العضو حمد ابن فهد]

الله يرحمه الشيخ عبدالعزيز الموسى فعلا هو فقيدة ليس على أسرته فقط بل حتى على المساكين كان هو الاب لهم سبحان الله تموت شخصيات وأثرياء ولكن يفتقد المساكين ابوهم

لاهنت ابوحمد ومشكور للنقل

 

 

 

 

[معلومات العضو ماجد المطرودي]

رحم الله شيخنا الشيخ عبدالعزيز بن عبدالله ال موسى البدارين
وغفر الله له واسكنه فسيح جناته
صح لسان الشاعر ناصر ال سعيد المسعري على الأبيات الصادقه
كل الشكر لك ياخوي ابوحمد على النقل