رسالة عنتر لعبله

[معلومات العضو وسمي المهيمزي]

يشرفني ويسعدني ان اصافحكم بهذا الصرح الشامخ في هذه القصيدة المتواضعة الذي ارجو ان تحوز على رضاكم ...

البارحة قابلت عنـق الريـم صدفـه ياوليد=دصدفه بـلا ميعـاد ربـي يـم دربـي حدهـا
قابلتها كلي ولـه واشـواق وشعور(ن)فريـد=ونفس الشعور اللي معي جيت ولقيته عندهـا
عقب ثمان اسنين من فرقاه وجروحـي تزيـد=كانت ظروف الوقت ضدي مثل ماهـي ضدهـا
غابت عن عيوني وصورتها بقلبـي ماتبيـد=احسهـا واشوفهـا بالعيـن يــوم الـدّهـا
اليا طرت وانا بوسط المجتمـع كنـي وحيـد=اسج واضحك لذكـرت امزوحهـا مـع جدهـا
تذكر عليّه كل ماهز الهـواء خضـر الجريـد=يقفي بها صلف الهواء عني ونـوب يردهـا
من قبل لاعرفها وانا قاسي واشد من الحديـد=واليوم قلبي صاير(ن)خاتـم بخنصـر يدّهـا
لعيونها غامرت بالدنيـا وانـا مالـي رصيـد= لا الرموش اللي لشفت الشمس جيت بسدهـا
يضفي علي ظلال سوده عن قريب وعن بعيـد=وابحر واعيش ابجزرها واغرق واموت ابمدها
منزالها بالقلب خالـي ماسكنـه حب(ن)جديـد=كم مهرة(ن)تطرق اقفوله والضلـوع تصدهـا
واقول ابا اصبر وانتظر يمكن بعمري يوم عيد=لابـد ماتذكـر هـواهـا الاولــي لابـدهـا
وهذي قصيده تنحني لك غير عن كل القصيـد=وان كانها مارضت غرورك لعن ابوها وجدّهـا
كتبتها مـن دم شريانـي ومـن دم الوريـد=كله علشـان العنـود اللـي ذبحنـي ودّهـا
الله لايحرمك الاجر وان رحت ياسـاع البريـد=هذي رسالـة عنتـر العبسـي لعبلـه ودها

اخوكم // وسمي المهيمزي

 

 

 

 

[معلومات العضو راشد المسعري]

الله لايحـرمـك الاجــر وان رحــت يـاســاع الـبـريـد
هـــــــذي رســــالــــة عــنـــتـــر الــعــبــســي لــعــبــلــه ودهــــــــا


كفو وسمي

وصح لسانك وبيض الله وجهك على الجزلة
والله يحييك في محلك في منتدى الدواسر على الرحب والسعة
ويشرفنا تواجدك ياغالي ، وننتظر جديدك

تقبل ودي وتقديري ،،،،

 

 

 

 

[معلومات العضو شافي بن راشد النتيفات]

ياسلام عليك بداية رائعه وموفقه وبانتظار القادم
صح الله لسانك مليون

 

 

 

 

[معلومات العضو نايف العمار]

مصافحه امتازت بالكثير من الروعه والجمال
صح الله لسانك شكر مداد لاينفذ