مساجله بين الشاعر سند بن شجاع الحفيظ والشاعر فهد بن محمد بن مرزوق

[معلومات العضو سالم بن فهد]

قصيده قالها الشاعر سند بن شجاع بن حفيظ الشكره في الشاعر فهد بن محمد بن مرزوق الشكره

بسم الله أبدا والقوافي مقابيل = في مدح أبو مرزوق ذّرب الفعايل
من روس قومً في المراجل مشاكيل = كسابة الناموس بين القبايل
الآد شكر لانتهى القال والقيل = سقم المعادي مطّوعة كل عايل
توارثو الامجاد جيلً بعد جيل = فرسان نجد من عصور الأوايل
جيتك أسلم ماكتفيت المراسيل = غمرتني بطيبك ياراعي الفضايل
طلّق الحِجاج مكمل الطيب تكميل = الطيب يزهى بك يا وافي الخصايل
لقيت شخضك قدوةً في الرجاجيل = شجعتني وحملتني باالجمايل
وأنا على ظنك عن الدرب ماميل = والوقت مهما مال مانيب مايل
الله يحفظك في الليالي المقابيل = يافهد بن مرزوق ذّرب الفعايل

@@@@@@@@@@@@@@@@@@@@@@@@@@@@@@@@@@@
وهذا رد الشاعر فهد بن محمد بن مرزوق الشكره على الشاعر سند بن شجاع بن حفيظ الشكره

يامرحبا في جيتك والمراسيل = جيك يشرفنا وللهم شايل
ترحيب أردده من الصبح لليل = ومن زود حبي لك تزين المثايل
يامرحبا بك ياسمي راعي الخيل = راعي الثلاث المكرمات الاصايل
أسمه سند و مّسّند الرجاجيل = فعله يعرفونه جميع القبايل
وأنت سندنا في الليال المقابيل = وأنت سندنا وأنت وافي الخصايل
ياأمير ياأبن أمير لو قيل ما قيل = ملفى لها لا قلدوها الشلايل
أبوانك اللي ياصلون المواصيل = عنّا يشيلون الحمول الثقايل
نطّاحة الكايد زحول الرجاجيل = وقفاتهم تشفي الكبود الغلايل
في الضيق عزوتنا ذرانا عن الميل = الجد واحد والسلايل سلايل

 

 

 

 

[معلومات العضو مبارك بن شافي النتيفات]

صحت السنت الشعرا وسلمت يمينك على النقل الراااائع

تحياتي وتقديري

 

 

 

 

[معلومات العضو سالم بن فهد]

 

 

 

 

[معلومات العضو سالم بن فهد]

الله يسلمك يابو شاااااااافي

 

 

 

 

[معلومات العضو شافي بن راشد النتيفات]

بيض الله وجهك يابوفهد على نقل هذه المساجلة الرائعة وصحت السنت شعارها