دواسر ننطح العيلات صفّا

[معلومات العضو عبدالله الدوسري]

نخيت القاف قافٍ له عوايد=إلا منّه حضر كفّا و وفّا
من اعماق البحر جبت الفرايد=جنيهاتٍ من الذّهب المصفّا
و بسم الّلي يهوّن كل كايد=عظيم الشّان علاّم المخفّا
ألا يالله يا محيي الهمايد=تعين الّلي رفع بيض الأكفّا
تحفْظ بلادنا ساس العقايد=عسى نور لأَهلْها ما يطفّا
تحَت حكمٍ على الحكّم نايد=يرَسّا يوم جيرانه تْنفّا
ابو متعب و نعمٍ فيه قايد=ملك شعبٍ له البشرى تْزفّا
على العدوان كفّه كفّ صايد=و إلا منّه عطا كيله موفّا
فداّ لّه و ان حصل ناقص و زايد=عسى تبطي سنينه ما توفّا
و بعده جيت اشارك بالقصايد=شعورٍ سابقٍ شعرٍ مقفّا
ترى الجمْعا لها عدّة فوايد=مشاعر صدق للعِشره ترِفّا
و ارحّب هيل بوساع البنايد=رجالٍ في المواقف ما تخفّا
رجال الأمن في وقت الشّدايد=سواة البحْر نبعه ما يجفّا
اقول و عزوتي تغلب و زايد=دواسر ننطح العيلات صفّا
خذوا وسم العصا بين البدايد=من الفْجوه تشوم و تستعفّا
صلاة الله عدد نبت الجرايد=على محمّد عدد ما الكون لفّا

 

 

 

 

[معلومات العضو اسد الوادي]

لاهنت يا بن العم الشاعر
عبدالله الدوسري
ويستاهلون الدواسر
كلمات روعه وصح السانك
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور

 

 

 

 

[معلومات العضو شافي بن راشد النتيفات]

ارحب ياعبدالله وصح لسانك واعتلى شانك
وشهادتي فيك على ماقال راشد المسعري
يقطر دمها ننتظر منك الجديد والمزيد

 

 

 

 

[معلومات العضو خالد المشاويه]

الله الله

صح لسانك يابوصالح على هذه الدره ولاهنت والله يعطيك العافيه


بنتظار جديدك


جزيل الشكر والتقدير

 

 

 

 

[معلومات العضو عبدالله الحافر الغييثي]

صح لسانك واعتلى شانك ,,,ابداع وجزاله كما هو المعتاد. قد يندهش منها من لايعرف عبدالله.
تقبل تقدير وفائق محبتي وتقديري

 

 

 

 

[معلومات العضو دغش محمد الصخابرة]

عبدالله صح لسانك واعتلى شانك

ولاهنت والله يعطيك العافيه

وفي انتظار جديدك

 

 

 

 

[معلومات العضو ناصر بن فهد]

صح لسانك وبيض الله وجهك

 

 

 

 

[معلومات العضو فهد المقابله]

صح لسانك واعتلى شانك

 

 

 

 

[معلومات العضو يحيى الودعاني]

صح لسانك لا فظ فوك

 

 

 

 

[معلومات العضو عبدالله الدوسري]

المشاركة الأصلية كتبت بواسطة اسد الوادي

لاهنت يا بن العم الشاعر
عبدالله الدوسري
ويستاهلون الدواسر
كلمات روعه وصح السانك
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور

مرحبا بك اخوي الأسد



صرت أتشاءم من الأسد عقب بشار و أزلامه تكرم عنهم




شكرا لك و عذرا على التاخير




دمت بخير،،،

 

 

 

 

[معلومات العضو فارس الدبالين]

ياسلام ياسلام على الابداع ياعبدالله

الله يبيض وجهك ويصح لسانك

لاتبطي بالجديد

احتراااااامي ..