اذا المراجل لبسة شماغ وعقال قل للعذارى يلبسن العمايم >

[معلومات العضو افلاجيه]

إذا المراجل لبسة شماغ وعقال


قل للعذارى يلبسن العمايم


ماعاد يفرق زول حرمه ورجال


دام الفعايل تشبه البعض دايم


المرجله ماهيب كلمة وتنقال


وتروح ماراحت هبوب النسايم


وإلا خشونة صوت أو رفع الأثقال


أو رزة صدور وفعل الزلايم


ولاهي بعد مفتاح موتر وجوال


وإلا ردى لسانن حديثه شتايم


المرجله شيمه عن القيل والقال


رفيع نفسن حر بالجو حايم


المرجله عقل وزن وزنه جبال


ودون العقل وش فرقنا والبهايم


يامسندي لو مايل الوقت بي مال


ياولد أبويه ياعظيم العزايم


يامعرب الجدين من العم والخال


يانخوة المفزوع وقت الهزايم


المرجله ياخوي هي طولة البال


هي العزم هي الصبر فالظلايم


فيها الكرم عزه دله وفنجال


فيها الكرامة عن ردى الطبع شايم


والدين لامنه خذا القلب منزال


مشى طريق الحق وإبليس نايم


ومن لاعرف ربه في طيب الحال


لابد وقت الضيق بالهم هايم


حتى صلاتك مع جماعات ورجال


في خيرها ياخوي نعم الغنايم


ولامن نصف ليلك قم صفي البال


ياعظم أجرك بين ساجد وقايم


ولامن رفع ربي له كل الأعمال


حسن الذكر لاقالوا فلان صايم


وخلك شريف القصد ياطيب الفال


سوء المقاصد فالبيوت الهدايم


واحذر تبيع النفس في درب الأنذال


وتتبع خوي إبليس راع النمايم


النفس خيل لك إذا كنت خيال


ومن لاقوى نفسه قوته الهزايم


ولا صرت ماتدري لويش أنت رجال


والله خسارة فيك ذبح التمايم

 

 

 

 

[معلومات العضو راشد المسعري]

ولا صرت ماتدري لويش أنت رجال


والله خسارة فيك ذبح التمايم

الله الله

صح لسان الشاعر

ولاهنت على النقل

 

 

 

 

[معلومات العضو افلاجيه]

منور اخوي لاعدمناااك ع الطله
ودي لك

 

 

 

 

[معلومات العضو مبارك بن شافي النتيفات]

يعطيك العافية على النقل الجميل

تحياتي

 

 

 

 

[معلومات العضو الهاج ـري]

صح الله السانتس والسان قايلها لاهنتي