استغفر الله.....

[معلومات العضو حسن بن بطحيه]

بسم الله الرحمن الرحيم.. السلام عليكم ورحمة الله. عيدكم مبارك وكل عام وانتم مجتمعين على عز في الصرح الكبير.. بالصدفه ادعبس في الجهاز وفتح الموقع لي وهذا انا اجدد التواصل معكم عقب مارتحتو مني حل طويل.. موضوع القصيده مايبي له توضيح ظاهره بين وخافيه خافي.. بس نا من طبيعتي التي تعلمتها بالحياه اول ماتعرف على شخص ما وشوف انه يحاول التقرب مني لصداقه مثلا اول مااسئل عنه هو؟؟؟ هل نسبة الكذب عنده عاليه متوسطه قليله مثلا هل فقط يملح السالفه لامرته.. وهل هو من النوع اللي عند ماتصرعليه يتراجع ويقل الحقيقه. اذا كان الاول تخارجت منه..واذا الثاني تعاملت معه بتحفظ كبير.. واذا الثالث حاولت ان اغيرفيه هذا العاده الخبيثه.. لان الصدق والصادق دايم يحسب حساب عندما ينشد يجاوب بمايعرف ويستحي لاتنكشف كذبته.. اما اكثرهم يدربيها كبر طويق ولايعرق وجهه والعياذ بالله.. وسلامتكم..

تكونت حسب مفهوم اطلاعاتي=فكره تماشا مع الواقع وتفسيره
مضمونها موجع والشاهد الثباتي=لاالوقت وقتي ولا ناسه وتغييره
يمكن بدائي ورجعي بانتمائاتي=في عالم راح من جفره لدحديره
ياخذ قشور التحرر والتفاهاتي=ولب المعرفه سقط عن كل تفكيره
داس العوايد على نهج الخواجاتي=والدين ضاعت بفتواهم محاذيره
ولاعادفيهم من الثنتين شاراتي= كبرت لحاهم على العيب وعقاقيره
تملح القبح بالفاظ مليحاتي=وتقبح الملح في نظرة جماهيره
والكذب روتين توطيد العلاقاتي=اصبح برستيج بعد ان تم تطويره
لوكان راس النفاق بذكر الاياتي=ياقوم يامسيلمه في وهج تزويره
وفي كل الاوساط ثرثار الحكي باتي=شعارللمجتمع بأبشع تعابيره
والموجز ان الحيا بوجيهم ماتي=ومعادلات الزمان اختل تدويره
وشذيت عنهم شذوذ زاد حسناتي=فرقا الوجيه الرديه خير وخيره
لوتملك المال وقصور وعماراتي=مالله مجمل وجيه مابها غيره
وناكذا مستحيل اكب عاداتي=سلم لبويه وجدي طيب السيره
لوغير الوقت ماغير قناعاتي=في واجب الضيف والعاني وتقديره
والطيب اللي يجي في حد هقواتي=ارفع مقامه وبين حق توقيره
وليا نصاني نظربالعين وقفاتي=ابذل ماحاشت يميني دون تذكيره
ولاالردي ماهو بكفو لشرهاتي=لوكان تكثرعلى الهزله مشاويره
شذاب عرقوب مندوب النماماتي=يقصرعن المرجله مده واشابيره
عنزتهامي تناطح ضلع اباناتي=تخيلو مشهد الصوره وتأثيره
اطيبهم ارخمهم ابخيل وشماتي=ولا تحاكا يجي حكيه ذاكابيره
يروي عن سلوم جدانه رواياتي=والناس تعرف هل الفعل ومشاهيره
وش يستر الثوب من عوج وعاهاتي=يفضح خفاها لسان باح اساريره
هذا على شاكلته الالاف ومياتي=تبلا بهم خيرة الاجواد بالديره
اكرم اهل اللحى في تالي ابياتي=اهل المراجل وهل ركعه وتكبيره
واستغفرالله وسال الله السلاماتي= لايبتلينا وله حكمه وتدبيره

 

 

 

 

[معلومات العضو راشد المسعري]

الله الله

صح لسانك يابو محمـــد

ابطيت عنا والحمد للي جابك ومثل ماقال المثل ( ما ابطا بالسيل إلا كبره )

صح لسانك ملايين

قصيده وصفت حال واقع ومثل ماقال اخوي شافي مليئة بالدروس

صح لسانك وسلم فكرك والجزل ماينتظر منه إلا الجزالة

تقبل ودي وتقديري ،،،،

 

 

 

 

[معلومات العضو شافي بن راشد النتيفات]

ارحب تراحيب الحيا يابومحمد والله الدعبسة المباركة اللي جابتك
صح الله لسانك ملايين مدري وش اقول امام هذه الشامخة
التي فيها من الدروس الشئ الكثير الله يبيض وجهك

 

 

 

 

[معلومات العضو دغش محمد الصخابرة]

أأأأأأرحب يا ابو محمد تراحيب المطر

وصح الساااااانك واعتلى شاااااااااانك

والله يعطيك العافيه على القصيدة الجزله

وفي انتظاااااار جديدك

تحيااااااااتي وأحترامي

 

 

 

 

[معلومات العضو مبارك بن شافي النتيفات]

وصح الساااااانك واعتلى شاااااااااانك

والله يعطيك العافيه على القصيدة الجزله

وفي انتظاااااار جديدك

تحياتي وأحترامي

 

 

 

 

[معلومات العضو ابو زيد الغييثي]

أظن لو تم وزن شعر الشاعر الكبير / حسن ابن بطحيّة

بميزان الشعر سيكون هو الراجح بل حتى لو تمت ازاحت

الشعر عن الميزان سيكون راجحا ً متأثرا ً بجزالة هذا الشعر الاصيل

يا (( الوحيد )) تبقى فررريد

أخوك / ابو زيد

 

 

 

 

[معلومات العضو فارس الدبالين]

صح الله لسانك يالجزل

تقديري واحترامي .

 

 

 

 

[معلومات العضو حسن بن بطحيه]

صح بدنك يابومحسن الله لايهينك مجمل داييييم دمت بالف خير..

 

 

 

 

[معلومات العضو النايفه]

صحّ نبضك قديرنا
ودمت في سعادة ورخـــــاء


تقديري /

 

 

 

 

[معلومات العضو بنت الذيب]

الشاعر الفاضل/حسن بن بطحيه الودعاني

صح لسانك وبيض الله ويهك على هالشامخه

تقبل مروري وتقديري

 

 

 

 

[معلومات العضو معزي]

صح الله لسانك يالجزل

 

 

 

 

[معلومات العضو نآصر البدراني]

صح لسانك يا ابو وليد ولاهنت ..



اللهم احفظ شباب وفتيات المسلمين > آميين



صح منطووووووووووووووووووووووووقك