قصيده مهداه للمرشح شافي راشد النتيفات

[معلومات العضو عامر النتيفات]

الاخوه والاخوات اعضاء هذا المنتدى الشامخ السلام عليكم ورحمه الله وبركاته عندما رشح نفسه الاخ الشاعر / شافي بن راشد النتيفات نفسه لعضويه المجلس البلدي بالهدار تهيض هجوسي وسطر تلك الابيات وما هي الا بعض من الشعور الذي نكنه لابوشالح وفقه الله واترككم مع تلك الابيات

من اقصى ضميري بسأل الله لك التوفيق=وتصبح عضو في مجلس الدارياشافـي
الهدار لك وجدادك ابـها مكان يلـــيـــــق =بكم ياخــوال فيكم الشعر ما يــــــــافـي
خوال الوفا والطيب والسعد يـوم الضيق =مواقيفكم تعـــرف وتذكر وتنـــشـــافـي
هل الهمجة اللي من نوى فـوقها التحليق =من دون اذنهـم يرجع خلافه وبرجـافي
ومن دونها كل ابلــــج محتزم تفــــيق =مايرخي حزامه ساعة الضيق ويخـافــي
لولا الوضع ديمقراطي(ن)زدتهاتحريق = وزودت في التمجيد باضعاف وضعافــي
لهذا بهدي وبـــدع بيوت للـــتوثـــيق = تسطر على وضح النقا في رجـل وافــي
مالي مقصد منها ولاارجي بها تصفيق=شعور حدا هجسي علي يــشهدالشافي
قصيد على حله هذا لي نهج وطـــريق = مااجامـــل بقيفاني ولا اسـبب خـلافـي
والى قـــلت عليــته ولاالفــقه تلـــفيق= اخـليه بــاذن الله كــما البلسـم الشـافي
الى من قراه الناقد وكــــرر التبريـــق = مــا يلقى خلل ينقده ويــمــجــد القـافـي
وشعوري يابوشالح ما يحتاج للتشويق =تعـرفه فداك اقــــلــيل الفــــيد والهــــافي
بما اكن لك في الجوف كنك عليه مويق=مكانتك مهـما قــلت بـتفوق وصـــافـي
وضعاف النفوس حكيهاتروح خيق بيق=تسـند مع الريعــان مـهيب تســـتافــــي
غبار يتطاير ما يحرك حضن وطويق= جبـــــال منيعه للقبيــــــله وعــــــــرافـــي
وشرواك كفو ولا حصل باسمكم تفريق=من ربــــوعك وهذا التوافق لــكم كــافي
ولا الفوز توفيق وحظوظ وشروط تعيق= شريــحه كبيره ماتــصوت وذا جحـافــــي
حسب راينا الشخصي نشوف المنع تخنيق=على حماه امن الـدار ولكل بالحافي
واذا فزت تستاهل وفوز الشلي ارحيق= على الكـبد والطيب له الكل ميـــلافـي
ولا فالردي لو فاز نقص ولا احد يطيق=فوزه لان فوزه نقــص وحباله ارهــــافــي
واذا ما حصل لك فوز فحجاجكم اطليــق= ما ينقص مكانك مــقـعد عادي وطـافـي
عطوه العرب اكبر من الحجم والتعليــق=لكنه امانه حملها مـــا هــــو اخفـافــي
وان جت للصراحه ماجني ما يبل الريق=من تلك المجالس كـود جـدل وتحلافـي
وكثير العرب همه رضى اقريبه ورفيق =ولو ماهو بــقــد المهـــمه والانصـــافـي
دروس وعبر صارت تخلي العباد تفيق= تراجع حسابـــات الثقـه والتــــصرافـي
لا تاثق ثقه عميا(ن) انتاجـاتها التوهـيق=لدغه واحده من جحــر تكـفي تحسافي
هذا موجز ولا التفاصيل والـــتـــدقــــيـق=حسب ما يؤول الوضع له والوضــع خافي
اذا الله عطانا عمر لا تموا التـــطبيــــق =وعلنت الاسامي فالتفاصيل بتــضـــافي
وصلاتي على خير الملا الهادي الصديق=عدد من وصل للبيت محرم وبه طافي

 

 

 

 

[معلومات العضو سالم الخضراني]

صح الله لسانك يا عامر النتيفات

والله يوفق ابو شالح ويستاهل الفووووووووووووز

تحياتي وتقديري

 

 

 

 

[معلومات العضو مبارك بن شافي النتيفات]

ارحب يابوعبدالرحمن تراحيب المطر

صح لسانك على هذه الرااائعة

شاعر جزل وكفو ومدحت لك كفو

يستاهل ابوراشد وعسى الله يوفقه

تحياااااااااااااااااااااااااااااتي

 

 

 

 

[معلومات العضو اسد الوادي]

لاهنت يا اخييي الشاعر
عامر النتيفات
كلمات روعه وصح السانك
وسلمت الأيادي على القصيده الجزله
ويستاهل الأخ الشاعر / شافي بن راشد النتيفات
ولكم مني البيتين والسموحه

يالله يامفرج كربة العبد في الضيق $ يـامالك الملك عـالم كل خافي
اطلبك يالمعبـود ابكـل التـوافيق $ للشاعر الغالي ابن العم شافي

وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور

 

 

 

 

[معلومات العضو عامر النتيفات]

الاخ / سالم الخضراني

اسعدنا مرورك وتواجدك

لاهنت وتقبل شكري وتقديري

 

 

 

 

[معلومات العضو عامر النتيفات]

الاخ ابو شافي

تسلم ولا عليكم زود والله يوفق ابوشافي

تقبل الشكر والتقدير

 

 

 

 

[معلومات العضو عامر النتيفات]

الاخ / اسد الوادي

صح الله بدنك واسعدتنا بتواجدك ومرورك

تقبل كل الشكر والتقدير

 

 

 

 

[معلومات العضو شافي بن راشد النتيفات]

صح لسانك وبيض الله وجهك يابوعبدالرحمن فانت استاذ في جميع العلوم الطيبة ولاعليك زود فيما قلت واشكرك على هذه الشعور تجاه اخوك الصغير والله يجملنا ونرد الجميل

 

 

 

 

[معلومات العضو دغش محمد الصخابرة]

صح الله لسانك يا عامر النتيفات

والله يوفق ابو شالح ويستاهل

تحياتي وتقديري

 

 

 

 

[معلومات العضو محمد بن سالم الخضراني]

عامر النتيفات

لهذا الاسم بصمه في بحور الشعر ابدعت ابدعت فصح الله لسانك

ويستاهل الغالي شافي كل خير عسى الله يوفقه

 

 

 

 

[معلومات العضو عامر النتيفات]

الاخ الشاعر / شافي بن راشد
صح بدنك ووجهك ابيض وما عبرت به تجاهك الا قليل من شعور صادق

وهو واجب وحق لك وليس جميل والرد معذور والشك زايل

 

 

 

 

[معلومات العضو عامر النتيفات]

الاخ / دغش الصخابره

صح الله بدنك ونسأل الله التوفيق ل بوشالح

 

 

 

 

[معلومات العضو ناصر بن فهد]

صح لسانك وبيض اله وجهك ع القصيده ويستاهل ابو راشد والله يوفقه

 

 

 

 

[معلومات العضو عامر النتيفات]

الاخ / محمد بن سالم الخضراني

ما عليكم زود وصح الله بدنك ولا هنت على مرورك

 

 

 

 

[معلومات العضو محمد بن عريمه]

صح الله لسانك واعتلى شانك ياعامر

ويستاهل ابو شالح والله يوفقه