خاب الرجاء.................؟

[معلومات العضو بناخي الخلاوي]

هذي القصيدة من ارشيفي نظمتها ايام سقوط بغداد

البـارحـة كان القمـــر فــــوق بغــداد=مـايلتفـــت للــــي حـوالـيــه عـايـــف
ماغيــرت لونــه مـدافـيـــن الاحـقـــاد=ولاخدشت وجهــه رجيـــف القذايــف
يجلي ويظهر فـوق جمعـــات وافــراد=فيهم نياب المــوت تغـــرس ردايـــف
بيــن السحايــب صورته مالـــه انداد=عينه على المنظر ولا هــو بشايـــف
للشمـس سلـم رايتــه بعــد الارقــــاد=تغســل براد الليــل فــوق النجــايـــف
وتسيل الدمعة على مــوت الاحفــــاد=راح الـذرا مابيـــن ذبـــح وخطايـــف
وصوت النياحة يشرخ الصمت منقاد=يعرف مقره فـــوق ذيـــك النتـايـــف
والشارع اللي يجمع الشيـــب واولاد=عـلـــى رصيفـــه كـــل يــوم لفايــف
تبدلت صــوت السحايــب والارعــــاد=بالقصـف والتدميـر صوت الرجايف
واعتادت النظرة على مـوت الاجسـاد=شمس الفرح والعــز جاها كسايف
والويل سيف مجــرد عنـــه الاغمـــاد=حده مسلط فوق روس الضـعايــــف
شعـــب رضـــاء بالذل والـــذل جـــلاد=صارت لياليهـم سمــوم وصلايـــف
تفرقــــــو مابيــــن (سنيـــن)واكــــراد=قلوبهم ســوداء وايديــهــم كتايـــف
والغرب يزرع موتهم بيــــن الاكبـــاد=حتى الصغير يسيـل دمه غرايـــف
والاالعرب ترقص على صوت الانشاد=بيــن الطرب واللعب مامن خلايـف
فينا الوهن جود سياجـــــه بالاوتـــاد=وصارت معزتــــنا عليــنا كلايــــف
وخاب الرجاء فينا على طرد الاوغاد=وعراقنا ينـزف ودمعــــه ذرايـــــف

سنين = جمع سني

 

 

 

 

[معلومات العضو سلفر]

الله المستعان.............

 

 

 

 

[معلومات العضو فهد المقابله]

اختيار رائع منك لهذه القصيده التي تهز المشاعر

الف الف شكر لك ولإختيارك


لك التقدير والاحترام

 

 

 

 

[معلومات العضو شافي بن راشد النتيفات]

صح لسانك جزل ولاتجيب الا الجزل وحضورك دائما مميز

 

 

 

 

[معلومات العضو بناخي الخلاوي]

اخواني(سلفر - فهد المقابله - شافي)
الف الف شكر لكم من الاعماق على الاطلاع والرد الطيب

 

 

 

 

[معلومات العضو فارس الدبالين]

بناخي الخلاوي

صح الله لسانك يالغالي

لاشيء جديد سوى الابداع المعتاد عليك

تقبل مروري وتحياتي..

 

 

 

 

[معلومات العضو عبدالله الخطل]

يـــاعـــيــــن شـــــوفــــــي زرع خـــــلــــــك وراعـــــيــــــهشــــــوفــــــي مــــعــــاويــــده وشــــــوفــــــي قـــلـــيـــبــــه مـــــــــــــن اول دايــــــــــــــم لـــــــرأيـــــــه نـــمـــالــــيــــهوالــــــيـــــــوم جـــيـــتـــهــــم عـــلـــيـــنــــا صـــعـــيــــبــــة وإن مـــــرنــــــي بـــــالــــــدرب مـــــاقــــــدر احـــاكــــيــــهامـصــيــبــة يـاكــبــرهــا يــــاعــــرب مــــــــن مــصــيــبــة الـــــلـــــي يــبــيـــنـــا عـــــيٌـــــت الـــنـــفــــس تــبـــغـــيـــهوالـــلـــي نـــبـــي عـــيــــا الــبــخـــت لايـجــيــبــه

 

 

 

 

[معلومات العضو مبارك بن شافي النتيفات]

صح لسانك واعتلى شانك

وننتظر جديدك

تحاياي

 

 

 

 

[معلومات العضو بناخي الخلاوي]

اخواني (فارس - عبدالله - ابوشافي)
صحت ابدانكم والله لايهينكم على الاطلاع والرد الطيب ..تحياتي

 

 

 

 

[معلومات العضو محمد مطلق آل بريك]

صح لسانك وطيب الله فالك

دمت محلقا في سما الابداع

مع أزكى تحيه

 

 

 

 

[معلومات العضو بناخي الخلاوي]

اخوي محمد صح بدنك والف شكر لك على الاطلاع والرد الطيب

 

 

 

 

[معلومات العضو محمد بن عريمه]

صح لسانك واعتلى شانك ولاهنت يالقرم

 

 

 

 

[معلومات العضو بناخي الخلاوي]

اخوي محمد صح بدنك والله لايهينك على الاطلاع ومشكور على الرد الطيب