00"يــاخــــــــــــــــــــــــــــــــــــــــ ــ ــوي"00

[معلومات العضو نفحات نور]

ياخوي كأنك تجهل أمور وأمور
******هاك النصائح واستمع لي دقيقه

منتّه على بعض المخاليق مجبور
******ولنتّه من اللي يجهلون الحقيقه

إحذر.. تماشي لك من الناس مطيور
******بعض البشر لازم تحاشى طريقه

خلك مع أهل العرف والطيب والشور
****** ما للأنيق إلا ثيابٍ أنيقه

اللي لهم عزه وشأنٍ ومنظور
****** مافيهم اللي ذل يومٍ رفيقه

وأصحى يخوك ارجوك من فتنة الحور
******اللي تبي قربك بروحٍ رقيقه

إن ماحصل شيٍ بحكمة ودستور
****** وإلا عسىغيره رماد وحريقه

دوّر على اللي تفهمك حسّ وشعور
****** وجبها بصكّ ومعطيات ووثيقه

كذا تجنبّ درب الأوهام والجور
******وتبقى السعيد اللي مذهبّ بريقه

خابرك منته راعي هياط وغرور
******ولالاتحب اللي تناسى صديقه

اللاعب إن صابه لحدّات وكسور
******ماظنتي يقدر يفوّز فريقه

والذيب يتقن لابغى حاجه الدور
******ماوالله يلقى له دروبٍ تعيقه

وأنته كما ذيبٍ ولافيك مقصور
******حرٍ ولد حرٍ علومك طليقه

الصدق صدق وتعرف الزورهو زور
******إتحب شي .. وشي منته تطيقه

يعني تحب النور والنور لك نور
******تعشق صعود الشامخات الشهيقه

يجوزلك صالح .. ولايجوز محظور
******فاهم ونفسك ماهي نفسٍ غريقه

نصيحةٍ خذها بلا فلوس وأجور
******جتلك من إلسانٍ طوى الحر ريقه

خلك مع أهل العرف والطيب والشور
****** ما للأنيق إلا ثيابٍ أنيقه

 

 

 

 

[معلومات العضو ناصر بن فهد]

الله صح لسانك وصح لسان شاعرها
وأهنيك على الذائقة الشعريه العاليه

 

 

 

 

[معلومات العضو جنوون أنثى]

جمال وافر
ومن الابداع قممه
لحروف استرسلت واقامت هنا
ليست للقراءه للتاآمل والحفظ
راقني بشده
شكرا لك

 

 

 

 

[معلومات العضو عبدالرحمن بن فلاح آل بريك]

والذيب يتقن لابغى حاجه الدور
******ماوالله يلقى له دروبٍ تعيقه


يعطيك العافيه ..

 

 

 

 

[معلومات العضو خيالية]

صح لسان الشااااعر ، وسلمت يمينك على كتابتها

 

 

 

 

[معلومات العضو شافي بن راشد النتيفات]

الله صح لسانك وصح لسان شاعرها

 

 

 

 

[معلومات العضو عقاب بن هذال ال بريك]

صح السان الشاعر وتسلم يمين الناقل

مشكور نفحات نور ....

 

 

 

 

[معلومات العضو نفحات نور]

على مروركم الرائع