قصيدة خريص بن مناع الحقباني الدوســــري/رحمه الله

[معلومات العضو الواضـــــــــــح]

-خريص بن مناع الحقباني الدوسري وقد قالها في منتصف القرن العاشر الهجري




يـا الله يـا مـن هـو علـى النـاس معتلـي= يـعـلــم نـواقـصـهـا ويـعـلــم بــزودهــا
يــا مـوحـي المصطـفـى خـيـر الـــورى= ومـحـمـلـه بـامــانــة لـــــك يــذودهـــا
حتى مشت معه الصحابـه علـى الهـدى= ومـوحــديــن كـلــمــة الله عــمــودهــا
انـــك تـفــرج كـربـتــي يــــوم جـيـتــك =طـالـبـك يـارحـمـان وانْـــت مـعـبـودهـا
ومــن يطلـبـك يـــارب مـــاراح خـايــب= يــا عـالـم الـدنـيـا ومـــا فـــي فـنـودهـا
مــن واهــجٍ فالـصـدر مـاضْــن يـبــرى =ومــا واحــدٍ غـيـرك يــداوي كـمـودهـا
عــلـــى مــفـــارق لابـــــة ٍ تــفــرقــوا =أمــــارةٍ ســــاس الامــــارة جــدودهــا
أفـعـالـهـم غــنَّــا بــهــا كــــل شــاعــر= و لا خـيـر فــي هــرجٍ بلـيّـا شـهـودهـا
قـلـتـه و انــــا مــــن لابــتــن تغـلـبـيـة =ســــم الأعــــادي لاتـبـيــن حـسـودهــا
تــغــالـــبٍ غـــــــلا بـــــــةٍ تـغـلــبــيــة =تبـرق بواريـق السـعـد فــي حشـودهـا
حـنـا هــل الـعـادا ت والـطـيـب والـثـنـا =حــنّــا مـراكــزهــا وحــنّـــا نــرودهـــا
أمـجــاد مـــن الاجـــداد جـتـنـا وراثـــه= حـزنــا عـلـيـهـا والأعــــادي نـكـودهــا
حـنّــا الْـــذي مـنّــا فــــوارس ربـيـعــة =مــنّــا زعـامـتـهــا ومــنّـــا أســودهـــا
يـا مهبَـلـك يــا التـبّـع اليمـانـي عـلامـك= تبـغـي شـفـى نـجـد ومنـابـع سـدودهـا
مـن دونـهـا تغـلـب ظـنـا وايــل الفـحـل= بـحـد الـرمـاح الـلـي صنعـهـا يهـودهـا
عـلــى خـيــولٍ مــــا تْـلَـبــس الاعــنّــه= ورثٍ عـلـى ورث مــن عــاد وثمـودهـا
ونَطْـحـوه ربـعـي مـثـل مـــزنٍ تـحَــدَّر= بَـرّاقـهــا يـلـعــج وتــهــدر رعــودهــا
سـقْــوه كـاســات مـــن الــمُــر عـلْـقَــم= حـتـى شــرب التـبّـع اليمـانـي نكـودهـا
حـنّــا بـنــي تـغـلـب مـضـايــا فـعـولـنـا =تشهـد لنـا نـجـد و مــا حــدَّت نفـودهـا
حاميـنـهـا بالـسّـيـف والـــدّرع والـقَـنــا =نـــارد عـسـيـرات الـمــوارد نــرودهــا
مــنّـــا عُــــــدي الـمُـلــقّــب مُـهـلــهِــل =وكلـيـب وائــل مــن ركـائــز جـدودهــا
و علقمـة بـن سيـف وعتـابـاً وغيـرهـم =ولُـبـيـد و الأخــيــل ركــائــز جــودهــا
وعمـرو بــن كلـثـوم أبــا عــن الــرْدَى= قـائــد بـنــي تـغـلـب وسـيــد أسـودهــا
مــا طــاع عـمـرو بــن هـنــد وغـيــره= شـتّــت شمـايـلـهـا وفــــرّق جـنـودهــا
عـمـرو بــن هـنـد طـلـب بـنـت شيخـنـا =لـيـلـى يبـيـهـا تـخــدم أمـــه بـجـودهــا
مــا يــدري أنـهـا مــن سـلالــة تـغـلـب= طـيْـب الـثـرى منـهـا وإلـيـهـا يـعـودهـا
سـبـهـان ملابـسـهـا وديـبــاج ثـوبـهــا =سـنـدس ويـاقــوت وزمـــرد عـقـودهـا
وهودج مـن العـاج المنقّـش صنـع لهـا =وشـفـاً حـمـر ســوّي خـــدار لـعـودهـا
والـيـوم يبغـيـهـا مـــع جُـمـلـة الـخَــدم =وينقـض مــع بـكـر و تغـلـب عهـودهـا
وصـاحــوا علـيـهـم صـيـحــةٍ تغـلـبـيـة =خـيـالــة الـهَـيْـجـا زحــازيــح قــودهــا
فـرسـان فــي المـيـدان لاكـتّــم الـرمــك =زحـول وزحـازيـح عـمـا مــن يكـودهـا
غَاراتُـهـم يشـبَـع بـهـا طـايــر الـخــلاء= يـاكـل مــن شـيــوخ القـبـايـل ثـنـودهـا
وتـشـابــك الـفـرســان مــنّــا ومـنـهــم= كـــل أبـلــج أدى مــــوادي جـهـودهــا
وتــلاقــت الـشـيـخـان مــنّــا ومـنــهــم= مـثـل الـرعـد فــي مدلهـمـات سـودهــا
مـثــل الـرعــد فـــي مـزنــةٍ هـرمـزيـه= تـلـعـب رفـايـاهــا وتــــرزم رعــودهــا
قلـتـه وأنــا تـرثـة عـيـاض بــن تـغـلـب =لـعــل عــــود خـلـفــه فــــي خـلـودهــا
هــو الامـيــر عـيــاض تـرثــت ربـيـعـة= طـلـعـت زعامـتـهـا وســيّــد أســودهــا
وادي العقـيـق حـمـاه مــن كــل غـايــر =مـسـيـر يـــوم مـــا يـقــرَّب حــدودهــا
حــفَّــر بَــهــا الـقـلـبـان جــــمٍ عــلاقــم= وشـيَّـد بـهـا القلـعـة ورسَّــى حـدودهـا
خـيَّـال لا مــن غــارت الخـيـل فالـوَغـى= يــروي سـنـا سيـفـه ثـنَـادي فـهـودهـا
كـــمٍ عـقـيـدٍ ذوَّقـــه صــافــي الــونــى =وكــمٍ فــارسٍ خــلاّه فاسْـفَـل لـحـودهـا
فـي وادي العقيـق رمـاح قـومٍ تخالَـفـ= تسـعـيـن يـــوم والـحـرايــب بــزودهــا
مشـو مـن الــوادي إلــى بــرك والـركـا=والخيـل تسبـح فالدمـا إلــى عضـودهـا
حـتـى مـشــت مـعــه القـبـايـل جمـيـعـا =بــنــي تـمـيــم خـلْـطَـهــا ومْـعَــدودهــا
هــــذي مـفـاخـرنـا وهــــذي أفـعـالـنــا= أمـجــاد فـزنَـاهـا والاعَـــادي نـكـودهـا
هــذا وصـلـى الله عـلـى سـيــد الـمـلـى= وعداد من حج بيت الحرم من حشودها








سؤال اذا سمحتم لي :فيه احد وبلا فخر وان كان يحق لي يابناء العم فيه قبيله لديها مثل تلك القصائد بهــــــــذا التاريخ ؟؟؟؟؟؟؟؟


ابن عمكم حفيد خريص الله يرحمه واموات المسلمين/الواضح

 

 

 

 

[معلومات العضو نايف الخييلي]

الله يرحم خريص بن مناع

وقصيده تاريخيه تعد مفخره وتوثيقيه

الله يعافيك يالواضح

وبالنسبه لسؤالك فقول : نعم

فكل قبيلة تملك موروث تاريخي تتباها به سواً من قصايد تاريخيه او قصص واحداث تاريخيه مشرفه
وقبيلة الدواسر تملك من الموروث أجزله من دون قصور بغيرها

 

 

 

 

[معلومات العضو الواضـــــــــــح]

نايف الــــــــــــــخــــــييلي

ارررحب تراحيب المطر

ســــــــعدت وبترحاب بالغ باطلاعك ومداخلتك القيمـــــــــــه

اخوي وولد العـــــــــم اقصــــــــد من سؤالي الله يحفظك اتصال النسب والتوثيق .


اما ان القبيله الفلانيه تنتسب الى كذا وكذا فهذا شيء متعارف عليه ونخوك

اكرر احترامي لشخصك الكريم

 

 

 

 

[معلومات العضو خالد المشاويه]

رحمه الله رحمه واسعه
ابن العم ابوسعد
بيض الله وجهك على القصيدة الناااادره
وافي يابوسعد ولاتجيب إلا الزين

وانا استأذنك واطلب تثبيت هذه القصيدة لأنها تعتبر من النوادر فعلا

 

 

 

 

[معلومات العضو الواضـــــــــــح]

اخوي وولد العــــــــــــــــم /ابو غازي

الشاعر الفحل/خالد المشــــــــــــــــــــــاويه
اشكر لك كريم تلطفك بمداخلتك القيمة ومثلما تفضلت هي بل شك تستحق التثبيت ولو انها مثبتة لدينا ولديك وعلى مر الخمسة قرون الفائته وسوف تبقى شامخة كشموخ الجبال الشم

دمت يابن العم

 

 

 

 

[معلومات العضو راشد المسعري]

ارحب ياالواضح

قصيدة مليئة بالفخر والجزالة

وكفو والله بالحقبان وبقية ابناء العمومة

تقبل ودي وتقديري يالجزل ،،،

 

 

 

 

[معلومات العضو ابومبخوت الدوسري]

الله يرحم الشاعر ويسكنه الجنه

قصيده فخريه وشامخه تسلم يمناك على طرحها

تقبل تحياتي وتقديري

 

 

 

 

[معلومات العضو الواضـــــــــــح]

اخــــــــــوي وولد العم/راشــــــــــــــد المسعري

ارررحــــــــب يانسل الاحـــــــــــــــــرار

سرني وبترحــــــــــاب بالغ مداخلتك القيمة لاعدمناك ياطيب الفال

 

 

 

 

[معلومات العضو الواضـــــــــــح]

اخوي وابن العم/ ابو مبخــــــــــــــوت الشكره

مرحبا الف والشموخ حضر بتواجدك يانسل الاحــــــــــــــرار