حكيم من كلمته سر بالها وافي(قصيدة ارتجاليه للشيخ الشاعر حفيظ الدوسري)

[معلومات العضو عازف شجن]

حكيم من كلمته سربالها وافي
حاول احد الشعراء أن يستثير حاسة الشيخ حفيظ الشعرية ليرى كيف يرتجل القصيدة من لحظته وفورة غضبه لأنه سمع عن قدرته الشعرية فأراد أن يرى بنفسه فأزعج الشيخ بأسئلته وأخذ يتمتم ببعض الابيات المزعجة والشيخ لا يعرفه مسبقا فسحب القلم منه وارتجل هذه القصيدة من فوره وفي لحظته
هات القلم يا ولد بيحت بالخافي**** بكتب بيوت(ن) جديدات(ن) معانيها
للشعر عندي مظاهير(ن) ومشرافي**** مرقاب عالي عسيرات(ن) مبانيها
شعري قراح الزلال ومشربه صافي**** ما أكدره بالمعاني لين أصفيها
ما نيب في كل مجلس كأني الهافي**** يهفي قصيده بمدح أنذال يرجيها
أبوي من سربة(ن) ميزانهم وافي **** وجدي شبوب المعارك لانثنى فيها
اسمي حفيظ وفعل جداني الشافي **** فزعة هل الخيل لا جاها معاديها
كم شيخ قوم(ن) سقوه الدم رعافي**** خلوه في مثبره ما عاد يثنيها
يقول جدي وهو فالبيت ما حافي **** قوله تصدق به أفعاله وتحكيها
حنا شيوخ العرب لا حافهم جافي **** وحنا هل الراية العليا ونبنيها
فالشدة أهل السلاح الين نستافي **** وعند الرخى راينا للناس كافيها
أهل الشيم والقيم للحق عرافي **** ذباحة الحيل للضيفان نصخيها
فاللي ليا قال شعره ضاع فالقافي**** لاعاد يكتب بيوته لين يحصيها
ياللي تروم المشاتي هاك مصطافي**** تخير اللي تبي واحذر تواليها
ما نيب ذاكرك بسمك حيثك الخافي**** تبيني اذكرك لين الناس ترويها
حكيم من كلمته سربالها ضافي **** تستر عيوبه يلامن بان خافيها
أنصف من النفس درب الحق الانصافي**** واحذر من النفس لا تتبع هقاويها
كم ضيعت من عفيف(ن) شاف ما عافي**** وكم جرعت من عنا الدنيا بلاويها
يا هيه ياللي سلك درب الهوى حافي **** لا تسهج الأرض و انعالك تخليها
حسب لموتك وعش دنياك متجافي**** ترى السعادة بها تقديم ما فيها
وصلاة ربي على المبعوث بالصافي**** سيد هل الأرض قاصيها ودانيها
شعر حفيظ بن عجب آل حفيظ الدوسري

 

 

 

 

[معلومات العضو ناصر بن فهد]

:::
::
:




صح لسان الشاعر حفيظ بن عجب
ومايحتاج شااعر معروف ورااعي جزل
ولـآهنتُ يا عازف على النقل ,, وبارك الله فيك

 

 

 

 

[معلومات العضو نواف النتيفات]

صح السان الشيخ حفيظ بن عجب وهو شاعر معروف

مشكور أخوى عازف شجن على نقل القصيدة

 

 

 

 

[معلومات العضو محمد بن حمد الشكرة]

صح لسان الشاعر حفيظ بن عجب آل حفيظ ومايحتاج شااعر معروف ورااعي جزل ولـآهنتُ يا عازف على النقل ,, وبارك الله فيك تحياتي

 

 

 

 

[معلومات العضو عازف شجن]

شكرا للجميع على المرور الطيب

 

 

 

 

[معلومات العضو عبدالله الحافر الغييثي]

بيض الله وجهك ياعازف شجن على ايراد هذه القصيده للشيخ حفيط ولاهي غريبه عليه فهو من بيت شعر وكرم وفروسيه وتم نقل القصيده لهذا المجلس حيث انه الانسب ولاهنت

 

 

 

 

[معلومات العضو سفير الشيوخ]

صح لسان الشاعر الكبير حفيظ بن عجب

ولا هنت يالغالي على النقل

 

 

 

 

[معلومات العضو عازف شجن]

عادتكم الطيب شكر ا ياخميس الغيثي ويا سفير الشيوخ

 

 

 

 

[معلومات العضو سلوة الخاطر]

؛؛

ماشاء الله وهذي وهي قصيدة ارتجالية بلحظتها
الشعر موهبة لو قلنا ماقلنا وهذي إحدى الأدلّه عليه

عآزف
لك العافية يارب ,,

؛؛

 

 

 

 

[معلومات العضو عازف شجن]

مروركم محل تقديري

 

 

 

 

[معلومات العضو عقاب بن هذال ال بريك]

صح لسانك عازف وصح لسان ابن حفيظ ...

وابيات جميله ورائعه كروعتك ...

كل الود ..

 

 

 

 

[معلومات العضو عازف شجن]

هذا من تقديركم ولطفكم