قصيده فالشيخ/ عبدالله الفصام

[معلومات العضو يزيد البدراني]

بسم الله الرحمن الرحيم
هذه القصيدة أعجبتني بمافيها من ابيات تحمل أسم إنسان عظيم له في قلوب الناس معزه ومقدار كبير الشيخ/ عبدالله أبن فهاد أبن عبدالله الفصام
وهي لشاعر المعروف/ بدران بن موسى بن حمد الدوسري البدراني .
وأحببت أن أنقلها لكم وهي تحت الطبع ضمن ديوان الشاعر يترقب صدوره ...

يااللي تعدون أهل الأمجاد والسخا=بدو أسم ابن فهاد حطوه قدام
حطوه فى أعلا القايمه قبل غيره=لاتبخسون حقوق الاجواد ياحشام
أسمع بصيته طيب الذكر وأفتخر=المسعري بيضاه من فوق الأعلام
ما أعرفه إلا بالذكر من فعايله=والرجل يعرف بالفعل بين الآنام
أرفع به الهامه إلى مر مطروي=حيثه لبني عمه على الخير مقدام
كم كربتا ً تعسرت فك عقدها=عبدالله الفصام للعسر فصام
بعد الذي يرزق جميع الخلايق=المعطي المانع للأرزاق قسام
أحد عطاه وكب ماله خلافه=خلاه بعد الموت والغبن قدام
وأحد عطاه وقدمه قبل موته=يبيه قدامه ليا لف بالخام
مثل عبدالله من يسوي سواته=فى الجاهليه أو بعد عصر الإسلام
ماقصر معروفه على أقرب قبيلته=يفزع بجاه ومال لمن جاه منضام
إلى تذكرت أجود الناس فى الكرم=فعبدالله اللي محطم كل الأرقام
يشهد له من يسكن على أرض الجزيره=إمن اليمن لعمان لا أراضي الشام
أمعطر ذكره قديم وذا الحين=تداولوه الناس قدام الإعلام
وكل القبايل ما تنقص حقو قها=ونعم بكل فروعها فنود وأرحام
ومن حصل العليا يستاهل الثنا=ومن ينكر حقوق الرجاجيل يلام
و أنا بدراني دوسري جرب العرب=خمسين عام كنها خمسة أيام
أخذنا من الدنيا دروس وتجارب=أيام مرتنا تقل كنها أحلام
قبيلتي يامن بها من لجا لها=دخيلهم يحرم على كل الأخصام
في قولهم مدري تضيع الهقاوي=لو المدور بينهم قد له أعوام
ستر على العاني وريف على الضيف=والجار يسعد بالكرامه والاكرام
وللصديق دوا على الجرح شافي=وعلى العدو حنا كما السم واسقام
فيما مضى ننزل على موطن الخطر=نتلي مجاهيم كما ليل الاظلام
ترعى ديار القوم لاشح دارها=إن كان جت بالطيب و إلا بالارغام
و تارد عدود القوم قدام غيرها=محد بيردعها و لا تحتري الزام
كل القبايل مثلنا حزة الزعل=حسب عادات الباديه سلوم و أحكام
وقت مضى فيه القبايل تناحر=على أدنات الدون غارات و ازحام
واليوم من فضل الله في نعمة الأمن=في حكم من للبيت ساده وخدام
في ظل خالقنا و لاغيره الله=ولاننحني لغيره لو هي بالاعدام
ونجهد بها لدنيا على دروب قبلنا=الكل يمشي بدرب خاله و الاعمام
وإن جدنا فمن جود الغني ونكسب الاجر=والفضل للي معمم كل الانعام
مثايل بينتها لمن تلوق له=حقايق كالشمس ماقلتها اوهام
أحب من يفخر به أهله وعزوته=يفرض لهم ذكر على روس الاقلام
يظهر من فروع القبيله نوادر=مثل الحرار يندر من الوكر ضيغام
ولاريب أكرمنا عند الله التقي=صلا وزكا وحج بيت الله وصام
وصلاة ربي عد ماخط كاتب=على النبي ماطار من طاير وحام

وسلامتكم ...

 

 

 

 

[معلومات العضو سعود الهواملة]

ونعم والله بعبدالله الفصام ويستاهل المدح ابو فهااااااد

 

 

 

 

[معلومات العضو طايع الله]

اخوي العزيز جزاك الله خير
العظيم اسم من اسماء الله تعالى ولايجوز اطلاقه على اي شخص

 

 

 

 

[معلومات العضو ناصر بن فهد]

صح لسااااااان الشاااااااااعرُ بدران البدرانيُ..
ويستاهل ابو فهاد المدح والطيبُ ولاهنت على نقلهاَ ..وبيض الله وجهكُ

 

 

 

 

[معلومات العضو يزيد البدراني]

جزاك الله خير يا اخوي طايع الله على التنبيه

 

 

 

 

[معلومات العضو نايف الخييلي]

يزيد البدراني


صح لسان الشاعر بدران البدراني

ويستاهل الشيخ عبدالله الفصام المدح

وعسى جنسه في الرفاقه كثير

دمت بخير

 

 

 

 

[معلومات العضو يزيد البدراني]

( تنبيه) المعذره حصل مني خطاء أملائي في قافية البيت السادس عشر (يلام) تضاف الشدة المفتوحه على لام الألف في النطق
ومـن حصـل العليـا يستاهـل الثنـا = ومن ينكـر حقـوق الرجاجيـل يـللام