دار النسيـــــــــــــان’’’’

[معلومات العضو ابو حسين الدوسري]

هذي قصيده ام بعد ان وداها ولدها .. للمصحه ( دار العجزه ) ..
‏او كما يقااال ( دار النسيان )..



وين انت ‏يا حمدان امـك تناديـك
‏وراك مـا تسمـع شكايـا وندايـا
‏يا مسندي قلبي على ‏الدوم يطريـك
‏ما غبت عن عيني وطيفك سمايـا
‏هذي ثلاث سنين والعيـن تبكيـك
‏ما شفت زولك زايـر يـا ضنايـا
‏تذكر حياتي يـوم اشيلـك واداريك
‏والاعبـك ‏دايـم وتمشـي ورايـا
‏ترقد على صوتي وحضني يدفيـك
‏ما غيرك احدٍ ساكن فـي ‏حشايـا
‏واليا مرضت اسهر بقربك واداريك
‏ما ذوق طعم النوم صبـح ومسايـا
‏ياما عطيتك من حنانـي وبعطيـك
‏تكبـر وتكبـر بالأمـل يـا منايـا
‏لكن ‏خساره بعتني اليـوم وشفيـك
‏واخلصت للزوجه وانا لي شقايـا
‏انا ادري انها ‏قاسيـه مـا تخليـك
‏قالت عجـوزك مـا ابيهـا معايـا
‏خليتني وسط المصحه وانا ‏ارجيك
‏هذا جزا المعروف وهـذا جزايـا
‏يـا ليتنـي خدامـة بيـن اياديـك
‏من ‏شان اشوفك كل يوم برضايـا
‏مشكور يا ولدي وتشكر مساعيـك
‏وادعـي لـك الله ‏دايـم بالهدايـا
‏حمدان يا حمـدان امـك توصيـك
‏اخاف من تلحق تشـوف الوصايـا
‏اوصيت دكتور المصحه بيعطيـك
‏رسالتـي واحروفهـا مـن بكايـا
‏وان مت لا ‏تبخل علـي بدعاويـك
‏واطلب لي الغفران وهـذا رجايـا
‏وامطر تراب القبر بدموع ‏عينيـك
‏ما عـاد ينفعـك النـدم والنعايـا

 

 

 

 

[معلومات العضو محمد بن حمد الشكرة]

الله يعطيك العافية يانسل الاجاويد وبالفعل قصيدة محزنة جداً

 

 

 

 

[معلومات العضو ابو حسين الدوسري]

الله يحيك ومنور صفحتي

 

 

 

 

[معلومات العضو قلب القلطه]

الله يعطيك العافيه قصيده محزنه ولكن الام مادعت علي ولدها اه اه من هذا الزمان والله دمعت والشكرا الكبير يانسل الاجوايد والله لا يحرمنا

 

 

 

 

[معلومات العضو ابن شميعان]

لاهنت يانسل الا جاويد



تحياااااااااااااتي لك


نايف ابن شميعان

 

 

 

 

[معلومات العضو خيالية]

يعطيك العاااافيه على نقل القصيده المحزنه ،، الله يحفظ امهاتنا ويعيننا على برهم ..

 

 

 

 

[معلومات العضو يحيى الودعاني]

الله يعافي كل عاق ولا يبلانا

بيض الله وجهك على النقل اختيار موفق


لاهنت

 

 

 

 

[معلومات العضو دغش محمد الصخابرة]

بيض الله وجهك على النقل اختيار موفق


لاهنت