قصيده في الدواسر للشاعر حماد المطرفي

[معلومات العضو تركي ال جريس]

الشريف الحارثي..سيّر وليله ساري=عند ناس ٍ عازمينه... للعشا والدله
حارثياً من هل الخرمه..ومعه مطاري=والمطـيري .. فـ. الحقيقه .. من بني عبد الله
ضمهم مجلس رجال وليلهم سمّاري=مجلساً ما تستمع فيه الخلل والزله
يذكرون الشعر .. في موجزهم الأخباري=والســــوالف والقصيد اللي يداوي العله
جات سالفة الشريف.. وجا لفايز طاري=في قصـيـدة مدح جاته في حدود الحله
والثمن فيها جمل .. من كل عيب ٍباري=من خـيـار الجيش شكر وقدر فيما قله
عقبها قال المطيري..والله أني داري=لوسـمـع حمّاد .. يظهر من حلاله كله
والخبر جا ني وقلت ... ونعم بابو مشاري=قدره اللي قيل لي محد ٍ يبا يوصل له
مير والله ..لـ ..امدحه حتى تجيه أخباري=وأمـــــد ح ربوعه وأنا مدحي لهم مدح ٍ له
الدواسر قدرهم مرفوع فوق الساري=فزعـــة المضيوم .. نصر الدين .. وأهل المله
بالسيوف.. وبالرماح.. وبالسلاح الناري=صــــف لا قالوا على عدوانهم بسم الله
يوم للكون أعتكار .. وصايح ٍ.. ومثاري=با لـــفـعا يل يـعـقـدون العقده المنحله
في طلبهم كم سروا من ليلةٍ غدّاري=وكـــم نهار ٍ ثوّروا ملح ٍ يظلل ظله
ياهل الوادي العظيم اللي قراه القاري=فـ.. ا لـتـراجم .. والمعاجم .. والظفر رمزاً له
للمكارم في نواحيه .. أتجاه أجباري=والـشــجـــا عه في رجال ٍ ما تعرْف الذله
والنخيل الباسقات اللي عليها القاري=والقـني الحمر وعروق النخل مبتله
يارصيدي في قصيدي ... والحساب الجاري=والله أنـي من حلالك ماطمعت بهلّه
دامه أنك للمكارم والمراجل شاري=والله ...أنـّـا ما نبيعك با لخنا والزله

 

 

 

 

[معلومات العضو حد السيف]

قصيده رائعه صح الله لسان قايلها
ولا هنت على سرد القصيده اخي العزيز

 

 

 

 

[معلومات العضو محمد مناحي الودعاني]

لا هنت اخوي على هذا الطرح الجميل .. وبيض الله وجهك على ايراد القصيده.. وصح الله لسان شاعرها على القصيده الجزله .. تقبل تحياااااتي

 

 

 

 

[معلومات العضو محمد الولامين]

صح لسان الشاعر حماد المطرفي وبيض الله وجهه على القصيده الجزله
ولاهنت ياتركي ال جريس على ماقدمت وبيض الله وجهك

 

 

 

 

[معلومات العضو ابو عمر الشمري]

شاعر قايلها والله

 

 

 

 

[معلومات العضو متعب الشكري]

صح لسان الشاعر حماد المطرفي وبيض الله وجهه على القصيده الجزله
ولاهنت ياتركي ال جريس على ماقدمت وبيض الله وجهك

 

 

 

 

[معلومات العضو عبدالله الفاران]

صح الله السان الشاعر ولاهنت علي النقل